မိသားစု

မိသားစု

မိသားစုဆုိတာ
တေယာက္ေရွ ့ေရာက္ဖုိ ့
တေယာက္ေနာက္ဆုတ္ရတယ္။
သစ္ကို္င္းတကိုင္း တုိးထြက္ဖုိ ့
သစ္ကို္င္းတကို္င္း အခုတ္ခံရတယ္
မိသားစု သီခ်င္းဟာ အတက္အဆင္းရွိတယ္
သံစုံျမည္တယ္။
မိသားစုဆုိတာ
လူ ေျခာက္ေယာက္ရွိ လူေျခာက္ေယာက္
လက္ ဆယ္ေခ်ာင္းရွိ လက္ဆယ္ေခ်ာင္း
ေခတ္က ေတာင္းဆုိတဲ့အတုိင္း လႈပ္ရွားရတယ္
အိမ္ရွိ လူအကုန္။
မိသားစုဆုိတာ
ရွင္သန္ဖုိ ့အတြက္ အဆက္မျပတ္တုိက္ပြဲ၀င္ရတယ္
ရန္ကုန္ဟာ စစ္ေျမျပင္။
လဲက်သြားတဲ့ ငါ့အေဖေနရာကို
ငါ့့ညီေလး ၀င္ခဲ့တယ္
ယုိင္နဲ ့သြားတဲ့ ငါ့အေမရဲ့ ေနရာကို
ငါ့ညီမေလး ၀င္ခဲ့တယ္
မိသားစုကို ငါမျမင္ခဲ့ဘူး။
ငါ့အေတြးအေခၚက
သားသမီးဆုိတာ သီးျခားရွင္သန္ရတဲ့ ဘ၀တခု။
ငါဟာ လမ္းေပၚမွာ ၾကီးျပင္းခဲ့လုိ ့
လမ္းနဲ ့ေသြးသားေတာ္စပ္တယ္လုိ ့ထင္တယ္။
ငါ့မိသားစုမွာ ငါဟာ မလုံျခဳံတဲ့ ထရံ
ငါ့ၾကိဳးကို တီးခတ္လုိက္တုိင္း သံေၾကာင္ေတြ ထြက္တယ္
ငါ့မိသားစုမွာ
မုိးယုိေပါက္ေလး တေပါက္ရွိေနတယ္ဆုိလည္း
ငါပဲျဖစ္မွာ
ငါ့မိသားစုမွာ
ၾကမ္းခင္းတခ်ပ္ က်ဳိးပဲ့ေနတယ္ဆုိလည္း
ငါပဲျဖစ္မွာ
မေအာင္ျမင္တဲ့ ေဘာလုံးအသင္းဟာ ငါ့မိသားစုပဲ
မ၀င္တဲ့ဂုိးေတြ ငါးသြင္းခဲ့တာ။ ။
စုိင္း၀င္းျမင့္