အဖွားမာရဲ့ (၉၂) ပြည့်မွေးနေ့

နိုဝင်ဘာလ (၂၉)ရက်နေ့မှာ အဖွားရဲ့အသက်က ၉၂ ရောက်သွားပါပြီး။ အခုဆိုရင် အဖွားမှာက ကျန်းမားစွာနဲ့ နေထိုင်နေတယ်လို့ သိရတဲ့အတွက် မြေးတစ်ယောက် အနေ နဲ့ ၀မ်းသာပါတယ်။ အဖွားမာတစ်ယောက် သက်တော်ရာကျော်ရှည်ပါစေလို့ဆု တောင်း ပေးလိုက်ပါတယ်။ အဖွားမာရဲ့ မွေးနေ့ပွဲကို ကဗျာရွတ်ဆိုပွဲ ပြုလုပ်ကျင်းပခဲ့ပါတယ်။ မွေးနေ့ပွဲကို ညနေ(၆)မှာ စတင်ကျင်းပခဲ့ပြီး ကဗျာဆရာတွေ သတင်းသမားတွေ လူကြီး များတက်ရောက်ခဲ့တာကို တွေ့ရပါတယ်။ ကျမလည်း အဖွားမာရဲ့မွေးနေ့ပွဲကို သွား ရောက်တက်ခဲ့ရတဲ့အတွက် ၀မ်းသာမိပါတယ်။ ဘာဖြစ်လို့လဲဆိုတော အဖွားမာရဲ့ အကြောင်းကို ပိုပြီးသိလာရတယ်။ လူကြီးတွေက အဖွားမာအတွက် ဂုဏ်ပြုကဗျာတွေ ရွတ်ဆိုတာကိုလည်း နားထောင်ခဲ့ရတယ်။ ဒါကြောင့် ကျမလည်း အဖွားမာကို ဂုဏ်ပြုတဲ့ အနေနဲ့ပဲ ကဗျာတစ်ပုဒ်ကို တင်ပေးချင်ပါတယ်။ ကိုယ်တိုင်ရေး တာတော့မဟုတ်ဘူးနော်။ သူများကဗျာပါ။

မွှေးမြ မကြွေ ..အိုအမေ

မြန်မာနိုင်ငံလွတ်လပ်ရေးမှာ

အမေ့ကျေးဇူးတရားတွေ ရှိခဲ့တယ်

မြန်မာ စာပေအရေးအသားမှာ

အမေ့ကျေးဇူးတရားတွေ ရှိခဲ့တယ်

မြန်မာနိုင်ငံရဲ့ စတုတ္ထမဏ္ဍိုင်ခိုင်တည်မြင့်မားရေးမှာ

အမေ့ကျေးဇူးတရားတွေ ရှိခဲ့တယ်

မြန်မာပြည်သူလူထု အကျိုးစီးပွား

လူတန်းစားတိုက်ပွဲ တရားမျှတမှု လူ့အခွင့်အရေး

ဒီမိုကရေစီရေး ငြိမ်းချမ်းရေး ယဉ်ကျေးမှုတွေမှာ

အမေ့ကျေးဇူးတရားတွေ ရှိခဲ့တယ်

လူထုဒေါ်အမာ

(သူဟာ)

သမိုင်းစဉ်လာ ကလောင်သွား

မြားသွားလို ချွန်မြစူးရှ

အဓမ္မအားလုံးရဲ့ ရန်သူ

ပြည်သူလူထုရဲ့ နှလုံးသား

အစားထိုးမရနိုင်တဲ့ အမေ။

အမေဟာ

ရေ မြေ လေ မီး

ဓာတ်ကြီးလေးပါး

ရုပ်တရားများမှ လွန်မြောက်

ကွယ်ပျောက်မသွားနိုင်ဘူးလေ။ ။

(အမေလူထုဒေါ်အမာရဲ့ အသက် (၉၂) နှစ်မြောက် မွေးနေ့ကို ဒီကဗျာနဲ့ ဦးညွတ်ဂုဏ်ပြုပါတယ်)

စိုးနေလင်း