ဒီဇင်ဘာအမှတ်တရ အလွဲအမှားများ (၁)

ကျမဘလောဂ့်မှာ စာတင်ဖို့ ဘာရေးရမလဲ စဉ်းစားလို့ အဖြေထွက်မလာဘူး ဖြစ်နေတယ်။ ဒါနဲ့ စာအုပ်နဲ့ဘောပင်ကို အရင်ထုတ် လိုက်တယ်။ နောက်တော့ ဒီဇင်ဘာ အမှတ်တရလေး ဆိုတဲ့ခေါင်းစဉ် ထွက်လာတော့ ဘလောဂ့်ကသူငယ်ချင်းတွေကို မျှဝေခံစားစေချင် တယ်။

ကျမငယ်ငယ်တုန်းကဆိုရင် တအား အတယ်သိလား။ ကရင်မဆိုတော့ပိုးဆိုးသွားတာပေါ့ နော်။ ကျမက တောသူမလေး၊ မြန်မာစကား ဆိုရင် တစ်လုံးမှနားမလည်ဘူး။ ကျောင်းတက်ဖို့အတွက် မိသားစုတွေ မြို့မှာ သွားပြောင်းနေတယ်။ အဲဒီမှာလည်းရောက်ရော ကျမအ တွက် ပတ်ဝန်းကျင်က တစိမ်းဖြစ်နေတယ်။ မနေချင်ဘူး။ မိဘတွေကိုလည်းတအားပူဆာ တယ်။ဒီမှာ မနေချင်ဘူး ရွာမှာပြန်မယ်ပေါ့။ မိဘတွေက ဘာမှမပြောဘူး။ ကျောင်းစတက် တဲ့နေဆိုရင် ဗမာစကားလည်းမတတ်ဘူးဆိုတော့ သူငယ်ချင်းတွေလည်း မရှိဘူးပေါ့။ အဲဒါနဲ့ အိမ်ပြန်ရောက်ရင် အဖေအမေတွေကို ငိုပြီးတော့ တိုင်တယ်။ ကျောင်းမနေချင်တော့ဘူး၊ သူငယ်ချင်းလည်းမရှိဘူး။ တိုင်လည်း ဘာမှ မထူးဘူး။ ကျောင်းဘဲ ပြန်တက်ရ တယ်။ ကျောင်းတက်လိုက်၊ ဂျီကြလိုက်နဲ ဟုတ်နေတယ်။ တက်ရင်းတက်ရင်းနဲ့ သူတို့စ ကားကို တဖြည်းဖြည်းနားလည်လာတယ်။ သူငယ်ချင်းတွေလည်း ရလာတာပေါ့။ နောက် တော့ ပျှော်သွားတယ်။ ကျောင်ကဆရာမတွေနဲ့လည်း ခင်လာတယ်။ ကျမတို့အိမ်မှာ ကျောင်းလာတက်တဲ့တ၀မ်းကွဲအမတစ်ယောက်နဲ့ အကိုတစ်ယောက်ရှိတယ်။ သူတို့က နယ်ကလေ။ အမတစ်ယောက်ကတော့ ကျမလိုဘဲ ကျောင်းမနေချင်ဘူး။ သူကတော့ ပိုဆိုးတာပေါ့နော် မိဘနဲ့ခွဲပြီးတော့ ကျောင်းလာတက် ရတယ်လေ။ သူမိဘတွေ ကျမတို့ အိမ်မှာ သူကို ကျောင်းထားပေးဖို့ လာအပ်တယ်။ သူနဲကျမက အတန်းချင်းအတူတူပဲ။ တစ်နေ့မှာ သူမိဘတွေ ရွာကိုပြန်ရတော့မယ်။ ကျမတို့ ခါတိုင်းလိုဘဲ ကျောင်းသွားတက်ကြတယ်။ ကျောင်းရောက်တော့ ဆော့ကြတာပေါ့ သူ ငယ် ချင်းတွေနဲ့လေ။ သူကတော့ မကစားဘူး။ ထိုင်ပြီးတော့ မိုင်နေတယ်။ မေးတော့လည်း ဘာမှမပြောဘူး။ ကျောင်းတက်ပြီး အားလပ် ချိန်ရောက်တော့ ကျမကို ဒုက္ခလှလှလေးပေးတော့ တာပေါ့။ သူက ကျမကို ပြောတယ်။ ဘာပြောသလဲဆိုတော့ ရေသောက်ချင်တယ်တဲ့။ ကျမကလည်း သူကိုပြန်ပြောလိုက်တယ်။ ဒီမှာရေရှိတာဘဲ ဒီရေတွေ သောက်လို့ရတယ်။ ဘာမှမဖြစ်ဘူးပေါ့။ သူကို ကောင်းကောင်း ရှင်းပြတယ်။ သူကတော့ နားကိုမ၀င်တာ။ ဒီရေ မသောက်ချင်ဘူ။ အိမ်မှာရှိတဲ့ ရေဘဲ သောက်ချင်တယ်။ ဒါနဲ့ ကျမလည်း ဘာမပြော တော့ဘဲ အိမ်ကိုစက်ဘီးနင်းပြီးတော့ အမြန်ပြန်လာတယ်။ သူကိုတော့ အချိန်သိပ်မရဘူး သောက်ပြီးတာနဲ ပြန်လာနော် လို့ပြော ထားတယ်။ သူကလည်း ခဏလေးဘဲတဲ့။ အိမ်ကိုရောက်တော့ သူကို ရေတစ်ခွက်သွားခပ် ပေးတဲ့ ကျမလည်းသွားခပ်ပေးတာပေါ့။ ရေသွားခပ်ပေးတော့ သူက စက်ဘီးစီးပြီးတော့ သူအမေရှိတဲ့ ကားမှတ်တိုင်ဆီ သွားတယ်။ ကျမပြန်ထွက်လာတော့ သူမရှိတော့ဘူး။ ကျမသိတယ်လေ သူ့အမေနောက်လိုက်မယ်ဆိုတာကိုပေါ့။ ကျမလည်းကျောင်းကိုပဲ တစ်ယောက်တည်း ပြန်သွားတော့တယ်။ ကျောင်းပြန်ရောက်တာ မကြာဘူး။ သူပြန်ရောက်လာတယ်။ ကျမကြည့်လိုက်တော့ သူငိုနေတယ်။ သူအဖေနဲ့ ကျမအဖေတို့က ဆိုင်ကယ်ပေါ်မှာ နှစ်ယောက်ညပ်ပြီး သူကိုခေါ်လာရတယ်။ ကျောင်းဆရာမတွေလည်း ၀ိုင်းပြီးတော့ ချောကြတယ်။ အငိုတိတ်သွားတော့ သူအဖေ ပြန်သွားတယ်။ အဲလိုနဲ့ ကျောင်းတက်ရင်းနဲငို အိမ်ပြန်လည်းပဲငို တာပါပဲ။ တဖြည်းဖြည်းနဲ့ အနေကျလာတော့ ပျှော်သွားတယ်။ ကျမတို့ ကျောင်းမှာ ခရစ်ယာန်တွေလည်းရှိတယ်။ ဒါပေမဲ့ နည်းတယ်။ ဒီဇင်ဘာမရောက်ခင်မှာ ခရစ်ယာန်ဆရာမက ကျမတို့ကိုခေါ်ပြီး သီချင်းသင်ပေးတယ်။ ကျမတို့သူငယ်ချင်းအုပ်စုက သွားကြတယ်။ မုန့်စားရတယ်လေနော်။ ဘာအတွက်လုပ်မှာလဲဆိုတာ ကျမမသိဘူး။ ကျမ ထင်တာ ဒီလိုဘဲ သင်ပေးပြီးရင် ပြီးသွားပြီပေါ့။ ဘယ်ဟုတ်မလဲ။ ဒီဇင်ဘာရောက်တော့ ဆရာမက ကျမတို့ကိုခေါ်ပြီး သူအိမ်မှာလာစုခိ်ုင်းတယ်။ ကျမလည်းသွားတာပေါ့။ ဟိုလည်း ရောက်တော့ ဆရာမက မနက်ဖြန် ညနေအချိန်မှာ အားလုံးသူအိမ်မှာ လာစုရမယ်။ ဘယ် သွားမလဲဆိုတာ ကျမမသိသေးဘူး။ သူငယ်ချင်းတွေကိုလည်းမမေးဘူး။ နောက်တနေ့ ညနေအချိန်ရောက်တော့ သူငယ်ချင်းတွေနဲ့ စုသွားကြတယ်။ သူငယ်ချင်းတွေ ဒီနေ့သီချင်း လိုက်ဆိုရမယ်တဲ့။ ကျမ မျက်လုံးပြူးသွားတာပဲ။ ကျမက သီချင်းနားထောင်တာ ၀ါသနာ ပါတယ်။ ဒါပေမဲ့ သီချင်းဆိုတာတော့ ၀ါသနာမပါဘူး။ အသံ ရုပ်ဆိုးတယ်လေနော်။ သီချင်း လည်းမဆိုရဲဘူးဖြစ်နေတယ်။ ဒီတစ်ခါတော့ သေပြီးပေါ့။ ညနေ(၆)နာရီမှာ စပြီးသီချင်း လိုက်ဆိုကြတယ်။ မြို့ထဲမှာဆိုတော့ ပိုးဆိုးတာပေါ့။ သွားတဲ့အသိုင်းအ၀ိုင်းကလည်း ကိုယ်ဘာသာ မဟုတ်တဲ့ အသိုင်းအ၀ိုင်း။ ဒါပေမဲ့ သီချင်းဆိုတဲ့အခါမှာ ကျမအနောက်မှာ ဘဲနေတယ်။ အသံက မထွက်တော့ဘူး။ အရှေ့သွားရင်လည်း သူများတွေ ဆိုလိုခေါ်မှာ လည်းကြောက်တယ်။ အနောက်မှာဘဲ အမြဲတမ်းနေတယ် သူများမမြင်းအောင်လို့ပေါနော်။ တရက်မှာ ဆရာမရဲ့အသိ မိတ်ဆွေအိမ်မှာ ဘုရားရှိးခိုးမယ်တဲ့။ ကျမတို့ရဲ့ ဆရာမကို လာဖိတ်တယ်။ ဆရာမကလည်း ကျမတို့ကို ခေါ်သွားတယ်။ ခရစ်ယာန်ဘာသားရဲ့ အကြောင်းကို ကျမနည်းနည်းမသိဘူး။ ဟိုရောက်တော့ ဆရာမက ကျမတို့ကို အလူငွေ ထည့်ဖို့အတွက် အကြွေလေးတွေ လိုက်ဝေတယ်။ ဘုရားမရှိခိုးခင်မှာ အလူငွေလာ ကောက်တော့ ကျမလည်း အကုန်ထည့်ပေးလိုက်တယ်။ ခဏနေတော့ နောက်တစ်ခေါက် လာကောက်ပြန်တယ်။ ကျမဆီလာတော့ ကျမထည့်ပြီးပြီလို့ သူကိုပြောတယ်။ လူတွေက ကျမကို ၀ိုင်းရယ်ကြတယ်။ ဘာဖြစ်တာလဲပေါ့။ နောက်မှ ကျမရဲ့ ဆရာမက ကျမကိုလာ ရှင်းပြတယ်။ အလူငွေ နှစ်ခါထည့်ရမယ်ဆိုတဲ့ အကြောင်းပေါ့နော်။ ကျမကို နောက်တစ်ခါ ပိုက်ဆံထပ်ပေးတယ်။ ကျမလည်း ပြန်ထည့်လိုက်တယ်။ တော်သေးတာပေါ့ ဆရာမက ပိုက်ဆံထပ်ပေးတာ။ ဆရာမကိုလည်း ကျေးဇူးတင်တယ်။ အဆင်ပြေသွား တာပေါ့နော်။ ဒါကတော့ ဒီဇင်ဘာနဲ့ ပတ်သက်လို ကျမရဲ့ဒီဇင်ဘာ အလွဲအမှားကလေးတွေပါ။ ဒီဇင် ဘာ အမှတ်တရလေးပေါ့နော်။

ယုန်ကလေး