ကမ္ဘာ့အပုဆုံးအမျိုးသားနှင့် ခြေတံအရှည်ဆုံးအမျိုးသမီး

(၂၀၀၉)ခုနှစ် ဂင်းနစ်မှတ်တမ်းစာအုပ်သစ်တွင် ကမ္ဘာ့အရပ်အပုဆုံးလူသားအဖြစ် မှတ်တမ်းတင်ခြင်းခံခဲ့ရသူနှင့် ကမ္ဘာ့ ခြေတံအရှည်ဆုံးအမျိုးသမီးတို့အား အင်္ဂလန်နိုင်ငံ၊ လန်ဒန်မြို့ရှိ Trafalgar Squareတွင် အတူယှဉ်တွဲတွေ့ရသည့် သူတိုင်းက အလွန်သဘောကျနေခဲ့သည်ဟုသိရသည်။ အသက်(၂၀)အရွယ် ဟီပင်ပိုင်သည်တရုတ်လူမျိုးဖြစ်ပြီး ၎င်း၏ အရပ်မှာ (၂)ပေ(၅.၃၇)လက်မမျှသာရှိပြီး ကမ္ဘာ့အရပ်အပုဆုံးပုဂ္ဂိုလ်အဖြစ်မှတ်တမ်းဝင်ခဲ့သည်။ ပန်ကရာတိုဗာမှာမူ ရုရှားနိုင်ငံသူဖြစ်ပြီး လက်ရှိစပန်နိုင်ငံတွင် နေထိုင်လျက်ရှိသည်။ သူမ၏ခြေတံများမှာ (၄)ပေ(၄)လက်မအရှည်ရှိသည်။ သူမ၏ခန္ဓာကိုယ်အထက်ပိုင်းမှာမူ သာမန်အနေအထားမျှသာရှိသည်။ ကမ္ဘာ့ခြေတံအရှည်ဆုံးအမျိုးသမီးအဖြစ် ရွေးချယ် သတ်မှတ်ခြင်းခံရသူ ပန်ကရာတိုဗာမှာ ကမ္ဘာ့အရပ်အမြင့်ဆုံးအမျိုးသမီးအဖြစ်မူ စံချိန်တင်ခွင့်မရရှိခဲ့ပေ။ အရပ်(၆)ပေ (၄)လက်မရှိသော အသက်(၃၄)နှစ်အရွယ်ပန်ကရာတိုဗာအနေနှင့် ကွယ်လွန်သွားခဲ့ပြီဖြစ်သော အရပ်(၇)ပေ (၇)လက် မရှိသူ ဆန်ဒီအလန်ထက် များစွာအရပ်ပုနေသေးကြောင်းသိရသည်။

သူမနှင့်ဟီပင်ပိုင်တို့နှစ်ဦးသည် စက်တင်ဘာလ (၁၇)ရက်နေ့တွင် စတင်ဖြန့်ချီမည့် ဂင်းနစ်ကမ္ဘာ့စံချိန်စာအုပ်အတွက် အရောင်းမြှင့်တင်မှုပြုလုပ်ရန် ရောက်ရှိနေကြခြင်း ဖြစ်သည်။ ဟီပင်ပိုင်က အပြာရောင်တောက်တောက်စကတ်အတိုနှင့် ဒေါက်ဖိနပ်အမြင့်ကို ၀တ်ဆင်ထားသော ပန်ကရာတိုဗာ၏ခြေတံများကို အလွန်သဘောကျနေပြီး သူမသည်အလွန်ခြေတံ လှကြောင်း သတင်းထောက်များထံ ပြောကြားခဲ့သည်။ ဂင်းနစ်စာအုပ်သည် ကမ္ဘာအရပ်ရပ်ရှိ ထူးထူးခြားခြားဖြစ်ရပ်များကို မှတ်တမ်းပြုစုထားပြီး နှစ်စဉ်ထုတ် ဝေပြီးခဲ့သမျှ တစ်နှစ်လျင်စာအုပ်အရေအတွက် (၃.၅)သန်းမျှ ရောင်းချခဲ့ရသည်ဟု သတင်းရရှိသည်။