အမေရိကန်သမ္မတကတော် မယ်တော်ဆေးခန်းသို့ရောက်ရှိ

ရိုးမ ၃။ သြဂုတ် ၇၊ ၂၀၀၈

အမေရိကန်သမ္မတကတော် မစ္စလော်ရာဘုရ်ှသည် ထိုင်း-မြန်မာနယ်စပ်ရှိ မယ်တော်ဆေးခန်းသို့ ရောက်ရှိကာ တာဝန်ရှိ သူများနှင့်တွေ့ဆုံခဲ့သည်။

နံနက်ပိုင်းတွင် ထိုင်း-မြန်မာနယ်စပ်ရှိ အကြီးဆုံးဒုက္ခသည်စခန်းဖြစ်သည့် မယ်လစခန်းသို့ သွားရောက်ခဲ့ပြီးနောက် နေ့လည် (၁၂) နာရီခွဲခန့်တွင် မယ်တော်ဆေးခန်းသို့ ရောက်ရှိ လာပြီး ကျန်းမာရေး၊ ပညာရေးနှင့် အလုပ်သမားအရေး ဆောင်ရွက်သူများနှင့် တွေ့ဆုံခဲ့ သည်။

ယင်းသို့တွေ့ဆုံရာတွင် မြန်မာနိုင်ငံဆေးပညာရှင်များအသင်း (BMA)၊ မြန်မာအလုပ်သမားများ ပညာရေးကော်မတီ (BMWEC)၊ အမျိုးသမီးများ အဖွဲ့ချုပ်(မြန်မာနိုင်ငံ) (WLB)မှ တာဝန်ရှိသူများက ထိုင်း-မြန်မာနယ်စပ်ရှိ ပညာရေး၊ ကျန်းမာရေးနှင့် အလုပ်သမားအရေး အခြေအနေများကို တင်ပြဆွေးနွေးခဲ့ကြသည်။

ထိုင်းနိုင်ငံရောက် ကလေးငယ်များ တရားဝင်ပညာသင်ကြားနိုင်ရေးနှင့် နိုင်ငံတကာ တက္ကသိုလ်များသို့ တက်ရောက် ပညာဆည်းပူးနိုင်ရေးအပြင် မြန်မာအလုပ်သမားများ၏ ကျန်းမာရေး၊ ပညာရေးဆိုင်ရာများကို သမ္မတကတော် လော်ရာဘုရ်ှထံ တင်ပြခဲ့ကြသည်။

လော်ရာဘုရ်ှက “မြန်မာပြည်ကနေ မျက်စိခွဲစိတ်ဖို့လာရတယ်ဆိုတော့ မြန်မာပြည်ရဲ့ ကျန်းမာရေးအခြေအနေတွေ ကြပ်တည်းနေ တာတွေ့ရတယ်၊ ၈၈ ခုနှစ်ကနေစပြီး နယ်စပ် ဒေသမှာရှိတဲ့ ကျန်းမာရေး၊ ပညာရေးအခက်အခဲတွေ၊ လူ့အခွင့်အရေး ချိုးဖောက်မှုတွေ ပိုဆိုးရွားလာနေတာကို တွေ့ရတဲ့အတွက် စစ်အစိုးရကို အမေရိကန်အနေနဲ့ ပိုပြီးဖိအား ပေးသွားမယ်” ဟု ပြောဆိုခဲ့ သည်။

မြန်မာနိုင်ငံအတွင်း ဒီမိုကရေစီနှင့် ငြိမ်းချမ်းရေးကိုရရှိမှသာ ကျန်းမာရေး၊ ပညာရေးကိစ္စရပ်များ ရေရှည်ဖွံ့ဖြိုးတိုး တက်လာမှာဖြစ်ပြီး မြန်မာနိုင်ငံအခြေအနေမှာ တစုံလုံးဆိုင်ရာ ပြောင်းလဲမှုဖြစ်ရန် လိုအပ်ကြောင်းနှင့် လူသားချင်းဆိုင် ရာထောက်ပံ့မှုများ ပိုမိုတိုးမြှင့် ဆောင်ရွက်သွားမည်ဟု သူမက ဆက်လက်ပြောဆိုသည်။

ထိုနောက် တက်ရောက်လာသည့်တာဝန်ရှိသူများက မြန်မာနိုင်ငံဖွံ့ဖြိုးတိုးတက် ပြောင်းလဲ ရေးအတွက် ပူးပေါင်းလုပ် ဆောင်နေကြသည့် လူမှုအဖွဲ့အစည်းများ၏ ပိုမိုတိုးမြှင့်ပေးနိုင်ရန် သမ္မကတော်အား တင်ပြဆွေးနွေးကြသည်။

“အထူးသဖြင့် ထိုင်းနိုင်ငံမှာ ရောက်ရှိနေကြတဲ့ အလုပ်သမားတွေနဲ့ ကလေးငယ်တွေ အာမခံ ချက်ကို ပိုကောင်းလာအောင် ထိုင်းနိုင်ငံ အစိုးရနဲ့ ညှိနှိုင်းဆောင်ရွက်သွားမယ်၊ လက်ရှိအခြေအနေတွေကို သိရတဲ့အတွက် ဒီထက်ပိုကြိုးစားပြီးတော့ လိုအပ်တဲ့ အကူအညီတွေကို ကျယ်ပြန့် အောင် ဆွေးနွေးပေးမယ်၊ အကောင်းဆုံးဖြစ်အောင် ကူညီပေးမယ်” ဟု မစ္စလော်ရာဘုရ်ှက ပြောဆိုခဲ့သည်။

အဆိုပါတွေ့ဆုံပွဲသို့ တက်ရောက်ခဲ့သူ မြန်မာရွှေ့ပြောင်းအလုပ်သမားများ ပညာရေးကော်မတီမှ ဆရာမဖောလ်ရေက “သူ့မအနေနဲ့ မြန်မာပြည်ကို မသွားနိုင်ပေမဲ့ နယ်စပ်ရောက်နေတဲ့ မြန်မာ ပြည်သားတွေကို တွေ့ဖို့လာရောက်တဲ့အတွက် ဝမ်းသာမိပါတယ်၊ နောက်ထပ်မျှော်လင့်တာကတော့ ကလေးတွေနိုင်ငံတကာမှာ ဆုံးခန်းတိုင် ပညာသင်ကြားနိုင်ခွင့်တွေ ရလာလိမ့်မယ်” ဟု ပြောဆိုခဲ့ သည်။

မစ္စလောရာဘုရ်ှသည် ယနေ့ညနေပိုင်းတွင် ထိုင်း-မြန်မာနယ်စပ် မဲဆောက်မြို့မှ ပြန်လည် ထွက်ခွာသွားပြီဖြစ်ပြီး သူမခင်ပွန်းဖြစ်သူ အမေရိကန်သမ္မတ ဂျော့ဒဗလျူ ဘုရ်ှအနေဖြင့်လည်း မြန်မာနိုင်ငံရေးအတိုက်အခံခေါင်းဆောင်များနှင့် နေ့လည်စာ စားသုံးရင်း မြန်မာအရေး ဆွေးနွေးကာ မြန်မာပြည်သူများအား သတင်းစကား တိုက်ရိုက်ပြောဆိုခဲ့ပြီး ဒေါ်အောင်ဆန်း စုကြည်ကို အမြန်ဆုံးပြန်လွှတ်ပေးရန် ပြောဆိုခဲ့သည်။