ထူးဆန်းနေတဲ့ဖြစ်ရပ်များ

နေကို အရောင်မျိုးစုံနဲ့ သက်တံရောင်လိုအရာ ၀ိုင်းထားတာကို နေထီးဆောင်းတယ်လို့ လူတွေကခေါ်ကြတယ်။ ကျမတစ်သက်မှာ တခါမှ မမြင်ဖူးပါဘူး။ ငယ်ငယ်တုန်းကတော့ နေကြတ်တာတို့ လကြတ်တာတို့ပဲတွေ့ဖူးတယ်။ အခုတော့ ကျမအတွက် အလွန်ထူးဆန်းတဲ့အရာတွေကို တခုမှမဟုတ်တခု တွေ့နေရတာပါ။ ဟိုတလောကပဲ အင်တာ နက်သတင်းတွေ၊ သတင်းစာတွေထဲမှာ သောကြာဂြိုလ်က ကြယ်နှင့်နီးနေတဲ့အကြောင်း ရေးသားဖော်ပြထားတာကို ဖတ်ရလိုက်တယ်။ မေလ ၂၂ရက်နေ့မှာတော့ ဆရာက အီးမေးလ်နဲ့လှမ်းပြောတယ်။ အပြင်ကိုထွက်ကြည့်လိုက်ဦး နေကို အရောင်မျိုးစုံက၀ိုင်းထားတာတဲ့။ အဲ့ဒါနဲ့ ကျမနဲ့ ကျမသူငယ်ချင်းက ကောင်းကင်ပေါ်ကိုမော်ကြည့်လိုက်တော့ သူပြောတဲ့အတိုင်းပါပဲ အရောင်မျိုးစုံနဲ့ နေကိုဝိုင်းထားတာကို တွေ့ရတယ်။

အဲ့ဒါနဲ့ပဲ ဓါတ်ပုံတွေရိုက်ထားလိုက်တယ်။ ဒီအကြောင်းကိုသိတဲ့လူတွေအတွက်တော့ ထူးဆန်းမှာမဟုတ်ပါဘူး။ ကျမအတွက်တော့ အလွန်ထူးဆန်းပြီး စိတ်ဝင်း စားစရာကောင်းတဲ့အရာဖြစ်ပါတယ်။ ဘာဖြစ်လို့လဲ ကျမရဲ့ အကိုတွေကိုမေးတော့ သူက..အဲ့ဒါ အတိတ်နိမတ် မကောင်းဘူး။ ကမ္ဘာကြီးက ပျက်ဆီးတော့မယ်။ စစ်ပွဲတွေဖြစ်လာနိုင်တယ်လို့.. ကျမကို ပြောပြတော့ ကျမစိတ်ဝင် စားသွားတယ်။ အဲ့ဒါတွေတကယ်ဘဲဖြစ်လာနိုင်မလား။ ကျမစိတ်ထဲမှာတော့ ကမ္ဘာကြီးမပျက်စီးခင်၊ စစ်ပွဲတွေဖြစ်ရင် လည်း နေပြည်တော် ကြပ်ပြေးက သန်းရွှေ နအဖအသိုင်းအ၀ိုင်းတို့ အရင်ဦးဆုံးဖြစ်စေချင်တယ်။

အခုတော့ နအဖစစ် အုပ်စုတိုင်းပြည်ကို အုပ်ချုပ်တဲ့အတွက်ကြောင့် တိုင်းပြည်ကဆင်းရဲသထက် ဆင်းရဲလာနေပါတယ်။ ချမ်းသာတဲ့နအဖ အသိုင်းအ၀ိုင်းကတော့ ပြည်တွင်းထွက်သံယဇတပစ္စည်းတွေကို သူတို့ကိုယ်ပိုင်အဖြစ်သိမ်းယူနေကြတာပါ။ နအဖတွေ က ချမ်းသာလာတဲ့အချိန်မှာ ပြည်သူလူထုတွေကတော့ ထမင်းရည်သောက်ရတဲ့ဘ၀ ဖြစ်နေပါတယ်။ နေပူရှိန် မြင့်မားပြီး ရေရှားပါးနေတဲ့အချိန်မှာ နအဖစစ်အုပ်စုအသိုင်းအ၀ိုင်းတွေကတော့ ရေကိုအလျှံအပယ်သုံးနေကြပြီး ပြည်သူလူထုတွေက အ၀ီစီတွင်းတူးရတဲ့အထိဖြစ်နေပါတယ်။