| ရယ်သောသူ အသက်ရှည်၏ ဆိုတာကို လူတိုင်း သိကြပေမယ့် လက်တွေ့ ကျင့်သုံးဖို့ ဆိုတာက သိပ်မလွယ် လှပါဘူး။ တစ်ခါ တလေမှာ ဟာသ ပြက်လုံးလေး တစ်ကွက်၊ ရယ်စရာ အဖြစ်အပျက်လေး တစ်ခုက ဘ၀ အမောတွေကို ခဏတာ ပြေပျောက် နိုင်စေပါတယ်။ အဲဒါကြောင့် အင်တာနက် စာမျက်နှာတွေမှာ ဖတ်ဖြစ်တဲ့ ဟာသလေးတွေ မျှဝေ ပေးချင်ပါတယ်။ ဖေဖော်ဝါရီလထုတ်လည်း ဖြစ်တာကြောင့် အချစ်နဲ့ ပတ်သက်တဲ့ ဟာသလေးတွေ ရွေးပြီး ဖော်ပြ ပေးလိုက်ပါတယ်။
အသက်အရွယ် အရ
သူငယ်ချင်း နှစ်ယောက် ဆုံကြတဲ့ အချိန်မှာ ပထမ သူငယ်ချင်းက “အခုခေတ် မိန်းကလေး တွေက အသက် အရွယ်ကို ခန့်မှန်းရ တော်တော် ခက်တယ်ကွ”လို့ ပြောလိုက်ပါတယ်။ အဲဒီ အခါမှာ ဒုတိယ သူငယ်ချင်းက“ဒါများကွာ အလွယ်လေးပါ။ သူတို့ကို ချီးမွမ်းကြည့်လိုက်တာနဲ့ ဘယ်အရွယ်လဲ ဆိုတာ ခွဲခြားလို့ ရတယ်။ နှစ်ဆယ်ဝန်းကျင် မိန်းကလေးသာ ဆိုရင် သေချာတာက ရှက်သွေးဖြာ သွားမယ်။ သုံးဆယ် ၀န်းကျင်ဆိုရင်တော့ မင်းက မဆိုးဘူးလို့ မှတ်ချက်ချမယ်။ အဲ လေးဆယ်ဝန်းကျင် မိန်းမတစ်ယောက် ဖြစ်နေရင်တော့ မင်းသူ့ဆီက ဘာများ လိုချင်နေတာပါလိမ့်လို့ သံသယ မျက်လုံးတွေနဲ့ ကြည့်လိမ့်မယ်”လို့ အတွေ့အကြုံ ကြွယ်ဝတဲ့ သူတစ်ယောက်လို ရှင်းပြပါတယ်။
မင်းမဟုတ်တဲ့ တခြားတစ်ယောက်
ကောင်လေးက သူမြတ်မြတ်နိုးနိုး ချစ်နေမိတဲ့ မမရဲ့ မျက်ဝန်းတွေကို စူးစိုက်ကြည့်ရင်း “မမရယ် ကျွန်တော့် နှလုံးသားတွေ တစ်စစီကြွေ ကုန်ပါပြီ။ အဲဒီလိုဖြစ်အောင် မမ လုပ်ရက်တယ်ဗျာ။ ဘာလို့လဲ ဆိုရင် မနေ့က မမကို တခြား ယောက်ျားတစ်ယောက်နဲ့ ကျွန်တော် တွေ့လိုက်ရတယ်လေ”လို့ ကြေကွဲ ဆို့နင့်စွာ ပြောလိုက်ပါတယ်။ အဲဒီ အချိန်မှာ မမက ကောင်လေးအထင် မလွဲအောင် ကပျာကယာ ဖြေရှင်းလိုက်ပုံက “အိုကွယ် ကလေးရယ်။ မင်းအထင် လွဲနေတာပါ။ အဲဒီလူက မမခင်ပွန်းကွဲ့။ မမအတွက် မင်းမဟုတ်တဲ့ တခြားတစ်ယောက် ဆိုတာ လုံးဝ မရှိပါဘူးကွယ်”တဲ့။
တိကျသူ
ကောင်မလေးက သူ့ချစ်သူ ကောင်လေးကို “မနေ့ညက ရှင့်နားမှာ ရှိနေတဲ့ ကောင်မလေးက ဘယ်သူလဲ”လို့ သံသယတွေ အပြည့်နဲ့ မေးလိုက်တဲ့ အခါ ကောင်လေးက “ဘယ်အချိန်လောက်တုန်းက တွေ့လိုက်ရတဲ့ ကောင်မလေးလဲ ဆိုတာ အရင် ပြောဦးမှပေါ့ကွ။ မင်းကလည်း တကယ်ပါပဲကွာ”လို့ ပြန်ပြောလိုက်ပါတယ်။
ဥာဏ်ကြီးရှင်
ကောင်လေး တစ်ယောက်က သူသဘော ကျနေတဲ့ ကောင်မလေး အနားကို ချဉ်းကပ်ပြီး “ဟေ့ မင်းကို ကြည့်ရတာ ဥာဏ်အမြော်အမြင် တော်တော်လေး ပြည့်စုံတဲ့ ပုံပဲကွ။ ကိုယ့်ကို လက်ထပ်ဖို့ စိတ်မ၀င်စားဘူးလား”လို့ စကားကမ်းလှမ်း လိုက်တယ်ဆိုရင်ပဲ ကောင်မလေးက “တော်ပါရှင်၊ ကျွန်မက ရှင်ထင်ထားသလို ဥာဏ်အမြော်အမြင် တော်တော်လေး ပြည့်စုံနေတာ မို့လို့ ရှင့်ကို လက်ထပ်ဖို့ ဘယ်လိုမှ မဖြစ်နိုင်ပါဘူး”လို့ တစ်ခါတည်း ပြတ်ပြတ်သားသား ငြင်းလိုက်ပါတယ်။
စာကြမ်းပိုး
စာကြမ်းပိုး ကောင်လေးရဲ့ ချစ်သူ ကောင်မလေးက “မောင် ကျွန်မကို စကားပြောဖို့ သတိရသေးရဲ့လား။ ဒီစာအုပ်ပုံတွေ ကြားမှာ နစ်နေတာနဲ့ ကျွန်မ အသက် ရှိသေးတယ် ဆိုတာကို မေ့နေတယ် ထင်ပါရဲ့။ တစ်ခါတလေ ကျွန်မသာ စာအုပ်တစ်အုပ် ဖြစ်သွားရင် သိပ်ကောင်းမှာပဲလို့ တွေးမိတယ်သိလား။ အနည်းဆုံးတော့ မောင် ကျွန်မကို ဖတ်ကြည့်မှာပဲလေ”လို့ ညည်းတွား ရေရွတ်လိုက်တယ်ဆိုရင်ပဲ စာကြမ်းပိုး ကောင်လေးက “အချစ်ရဲ့ စိတ်ကူးလေးက မဆိုးဘူးလို့ ပြောရမယ်။ အချစ်သာ စာအုပ်တစ်အုပ် ဆိုရင် ပိုပြီး စိတ်ဝင်စားစရာ ကောင်းတဲ့ စာအုပ်တွေနဲ့ စာကြည့်တိုက်မှာ နေ့တိုင်း အလဲအလှယ် လုပ်ပြီး မောင်ဖတ်လို့ ရတာပေါ့”လို့ ပြန်ပြောလိုက်လေရဲ့။
လေးစားလောက်ပါတယ်
မိခင် ဖြစ်သူက “ငါ့သမီးရဲ့ ချစ်သူက ဘယ်လို လူစားမျိုးလဲကွယ်။ လေးစား အားကိုးလောက်ရဲ့လား”လို့ မေးလိုက်တယ် ဆိုရင်ပဲ သမီးက မဆိုင်းမတွ ဖြေလိုက်တာက “သိပ်သေချာတာပေါ့ မေမေရယ်။ သူ့အသက်က သုံးဆယ်၊ ဆေးလိပ်နဲ့ အရက်လည်း လုံးဝကင်းတယ်။ သူ့မှာ သိပ်တော်တဲ့ အိမ်ရှင်မ တစ်ယောက်ရယ်၊ သိပ်လိမ္မာတဲ့ ကလေး သုံးယောက်ရယ်လည်း ရှိသေးတယ်လေ”တဲ့။
အလွယ်ဆုံး နည်းလမ်း
ချိန်းထားတဲ့ နေရာကို နည်းနည်း နောက်ကျပြီးမှ ရောက်လာတဲ့ ချစ်သူ ကောင်လေးက သူ့ကောင်မလေးကို “ကိုယ်အမုန်း ဆုံးက ဘာလဲသိလား။ ဘတ်စ်ကားပေါ်မှာ နေရာလေး ရလို့ သက်သောင့်သက်သာ ထိုင်မယ်ကြံကာ ရှိသေး မိန်းကလေး တစ်ယောက် ကိုယ့်ဘေးနားမှာ မတ်တတ် လာရပ်တာကိုပဲ”လို့ ပြောလိုက်တာမို့ ကောင်မလေးက သူ့ချစ်သူကို စိတ်ဝင်တစားနဲ့“အဲဒီတော့ ”လို့ စကား ထောက်ပေးလိုက်တယ်။ ကောင်လေး ဆက်ပြောလိုက်တာက “အဲဒီ ကောင်မလေးကို မမြင်ရအောင် မျက်စိတွေ မှိတ်ထားလိုက်တာပေါ့”တဲ့။ နေလွင်
(Teen မဂ္ဂဇင်း၊ဖေဖေါ်ဝါရီလ ၂၀၁၁) | 
0 comments:
Post a Comment