ဇာတ်လမ်းက ဒီလောက်နဲ့တင် မဆုံးသေးပါဘူး ...

Wednesday, January 21st, 2009

ဟိုး ရှေးရှေးတုန်းက ယုန် နဲ့ လိပ်ဟာ ဘယ်သူ အပြေးပိုသန်သလဲ ဆိုတာနဲ့ ပတ်သက်ပြီး ငြင်းခုန်နေကြသတဲ့။ အဲဒီ ငြင်းခုန်မှုကို ပြိုင်ပွဲတစ်ပွဲနဲ့ အဖြေရှာဖို့ နှစ်ဦးလုံး သဘောတူလိုက်ကြတယ်။ အပြေးပြိုင်ဖို့ လမ်းကြောင်းတစ်ကြောင်းကို နှစ်ဦးသဘောတူ ရွေးချယ်ပြီး ပြိုင်ပွဲကို စတင်လိုက်တယ်။ စလိုက်တယ် ဆိုရင်ပဲ ယုန်ဟာ အားကုန် ရှိသမျှ ခွန်အားနဲ့ တဟုန်ထိုး ပြေးတော့တယ်။ လှုပ်ပဲ့လှုပ်ပဲ့ ရွေ့လာနေတဲ့ ကိုရွှေလိပ်နဲ့ အပြတ်အသတ် ကွာနေတော့ ကိုယုန်က သစ်ပင်တစ်ပင်အောက်မှာ အေးဆေး အနားယူတော့တာပေါ့။ မကြာခင်မှာပဲ အိပ်ပျော်သွားလေရဲ့။ ဖြည်းဖြည်းနဲ့ မှန်မှန်လေး လာနေတဲ့ ကိုရွှေလိပ်က ပန်းတိုင်ကို ရောက်မှ ကိုယုန်ခမျာ နိုးလာတော့ ဘာတတ်နိုင်ဦးမှာလဲ။ ရှုံးရောပေါ့။

အနှစ်သာရ - ဖြည်းဖြည်းနဲ့ မှန်မှန်လုပ်ရင် အောင်ပွဲခံနိုင်တယ်။

ဒါ ကျနော်တို့ ကြားဖူးနားဝ ရှိနေခဲ့တဲ့ ယုန်နဲ့လိပ် ပုံပြင်လေးပါ။ ဇာတ်လမ်းက ဒီလောက်နဲ့တင် မဆုံးသေးပါဘူး။ တခြား စိတ်ဝင်စားစရာတွေ ရှိနေပါသေးတယ်။ ဘာတွေ ဆက်ဖြစ်သေးသလဲ ဆိုတော့ ...

ကိုယုန်က ပြိုင်ပွဲ ရှုံးသွားလို့ အတော်လေး စိတ်တိုသွားတယ်။ ဒါပေမယ့် သူ ရှုံးရတဲ့ အကြောင်းအရင်းကို ကိုယ့်ဖာသာ မညှာတမ်း ပြန်ပြီး သုံးသပ်နေမိတယ်။ ကိုယ့်ကိုယ်ကို အသားလွတ် အထင်ကြီးခဲ့မိလို့ ဆိုတာ သိလာခဲ့တယ်။ နောက်ပြီး ဂရုမစိုက်ဘူး။ အရမ်း ပေါ့ပေါ့ဆဆ နိုင်ခဲ့တယ်လို့ သူ နားလည်လိုက်တယ်။ ဒါတွေကိုသာ သူ ပြင်နိုင်မယ် ဆိုရင် သူ ကိုရွှေလိပ်ကို ဘာမနိုင်စရာ အကြောင်း ရှိမလဲ။ ဒီလိုနဲ့ ကိုယုန်ဟာ ယုံကြည်ချက် အပြည့်နဲ့ ကိုရွှေလိပ်ကို နောက်တစ်ခါ ထပ်ပြိုင်ဖို့ စိန်ခေါ်လိုက်တယ်။ ကိုရွှေလိပ်ကလည်း "ကြောက်လို့လား" လို့တော့ အပြောမခံဘူး။ ပြိုင်ဖို့ ခေါင်းညိတ်လိုက်တယ်။ ဒီတစ်ခါတော့ ကိုယုန်က ပန်းတိုင်ရောက်တဲ့အထိ နည်းနည်းလေးမှကို အနားမယူတော့ဘဲ တရစက် ပြေးတော့တာပဲ။ ဒီတော့ မိုင်ပေါင်းများစွာ အပြတ်အသတ်ကွာပြီး ကိုရွှေလိပ်ကို အနိုင်ရလိုက်တယ်။

အနှစ်သာရ - ခပ်မြန်မြန်လေး တသတ်မတ်တည်း လုပ်နိုင်မယ်ဆိုရင် ဖြည်းဖြည်းနဲ့ မှန်မှန် လုပ်တတ်သူကို ဘယ်တော့မဆို ယှဉ်နိုင်ပါတယ်။ ဖြည်းဖြည်းနဲ့ မှန်မှန် လုပ်တတ်တာ ကောင်းပါတယ်။ ဒါပေမယ့် အရှိန်ကို ခပ်သွက်သွက်လေး ထိန်းပြီး အလုပ်လုပ်သွားနိုင်ရင် ပိုကောင်းတာပေါ့။

ဇာတ်လမ်းက ဒီလောက်နဲ့တင် မဆုံးသေးပါဘူး။

ဒီတစ်ခါတော့ ကိုရွှေလိပ် စဉ်းစားရပြီပေါ့။ ဒီပုံ ဒီလမ်းနဲ့သာ ပြိုင်မယ်ဆိုရင်တော့ ဘယ်လိုနည်းနဲ့မှ ကိုယုန်ကို မယှဉ်နိုင်တာ သေချာနေတယ်။ သူ အကြိတ်အနယ် စဉ်းစားပြီး တခဏမှာတော့ ကိုယုန်ကို နောက်တစ်ခါ ထပ်ပြိုင်ဖို့ စိန်ခေါ်လိုက်တယ်။ ဒါပေမယ့် ဒီတစ်ခါတော့ ပြေးလမ်းကြောင်းကို အပြောင်းအလဲ အနည်းငယ် လုပ်လိုက်တယ်။ ကိုယုန်က သဘောတူတော့ ပြိုင်ပွဲကို နောက်တစ်ကြိမ် စလိုက်ပြန်ပြီ။ ထုံးစံအတိုင်း ယုံကြည်ချက် အပြည့်နဲ့ ကိုယုန်ဟာ သူ ခံယူထားတဲ့အတိုင်း ခပ်မြန်မြန်လေး မနားတမ်း ပြေးတော့တာပေါ့။ ပြေးရင်းနဲ့ အတန်အသင့် ကျယ်တဲ့ မြစ်ကမ်းနားဘေး ရောက်တော့ ကိုယုန် အတွေးနယ် ချဲ့ရပြန်ပြီ။ မြစ်တစ်ဖက်ကမ်းရဲ့ မိုင်အနည်းငယ်ကို သွားပြီးမှ သူတို့ သက်မှတ်ထားတဲ့ ပန်းတိုင်က ရောက်မယ်လေ။ ကိုယုန် ငုတ်တုတ်ကြီးထိုင်ပြီး ဘယ်လို ဆက်လုပ်ရမလဲ ဆိုတာ စဉ်းစားခန်း ၀င်နေတော့တယ်။ ဟိုကောင် ကိုရွှေလိပ် ဘယ်လို လုပ်မလဲဆိုတာလည်း သူ စိတ်ဝင်စားနေတယ်။ ခဏကြာတော့ ကိုရွှေလိပ်ရောက်လာပြီး မြစ်ထဲဆင်းသွားလေရဲ့။ လက်ပစ်ကူးသွားပြီး ဟိုဘက်ကမ်းရောက်တော့ မနားတမ်း ဆက်လျှောက်သွားတယ်။ ဒီလိုနဲ့ ကိုရွှေလိပ် ပန်းဝင်သွားတယ်။

အနှစ်သာရ - ပထမဆုံး ကိုယ့်ရဲ့ ယှဉ်ပြိုင်နိုင်တဲ့ အားသာချက်ကို စမ်းစစ်ပါ။ နောက်ပြီး အဲဒီ အားသာချက်နဲ့ သင့်လျော်မယ့် ပတ်ဝန်းကျင်ကို ရွေးချယ်ပြီး ပြိုင်ဆိုင်ဖို့ ကြိုးစားပါ။ အဲဒီလို ပတ်ဝန်းကျင်ကို ဖန်တီးပါ။

ဇာတ်လမ်းက ဒီလောက်နဲ့တင် မဆုံးသေးပါဘူး။

ဒီအချိန်မှာတော့ ယုန်နဲ့လိပ်ဟာ အင်မတန် ခင်တဲ့ သူငယ်ချင်းတွေ ဖြစ်နေကြပြီ။ သူတို့ နှစ်ကောင် အတူတကွ အကြံထုတ်ပြီး နောက်ဆုံး ပြိုင်ပွဲလေးတစ်ပွဲကို လှလှပပနဲ့ အဆုံးသတ်လိုက် ချင်ကြတယ်။ ဒါကြောင့် နောက်ထပ် ပြေးပွဲလေး တစ်ပွဲနွှဲပြီး စည်းလုံးမှုကို ပြဖို့ ဆုံးဖြတ်လိုက်တယ်။ ပြေးပွဲလေး စပြီ။ ဒီတစ်ခါတော့ ကိုယုန်ဟာ ကိုရွှေလိပ်ကို မြစ်ကမ်းနားပါး ရောက်တဲ့ အထိ ထမ်းခေါ်သွားလိုက်တယ်။ မြစ်ထဲမှာတော့ ကိုရွှေလိပ်က ကိုယုန်ကို ကျောပေါ်တင်ပြီး မြစ်ကို အတူကူးကြတယ်။ ဟိုဘက်ကမ်းလည်း ရောက်ရော ကိုယုန်က ပြန်ထမ်းပြီး အတူတူ ပန်းဝင်လိုက်ကြတယ်။ ဒီတခါတော့ အရင်က ခံစားခဲ့ရတဲ့ ကျေနပ်မှုထက် အများကြီးသာတဲ့ ကျေနပ်မှုတွေ နှစ်ယောက်လုံး ပိုင်ဆိုင်ကြရတယ်။

အနှစ်သာရ -တစ်ဦးတစ်ယောက်ချင်းစီ အနေနဲ့ အောင်မြင်တယ်ဆိုတာ ကောင်းပါတယ်။ ကိုယ်ပိုင် ထူးကဲတဲ့ အရည်အချင်းနဲ့ပေါ့။ ဒါပေမယ့် စုစုစည်းစည်း တစ်ဦးချင်းစီရဲ့ အားသာချက်တွေ အသုံးပြုပြီး အဖွဲ့နဲ့ အလုပ် မလုပ်တတ်ဘူးဆိုရင်တော့ သင်ဟာ သာမန်လူ သာသာပါပဲ။ ဘာလို့လဲဆိုတော့ သင်မတတ်နိုင်တဲ့ ကိစ္စတချို့မှာ တခြားသူက ကောင်းကောင်း ကိုင်တွယ်နိုင်တဲ့ အနေအထားတွေ အမြဲ ရှိနေမယ်လေ။ နေရာတိုင်းမှာ နံပါတ် တစ် ဆိုတာတော့ ဘယ်ဖြစ်နိုင်မလဲ။ ဒီတော့ အားလုံး ခြုံကြည့်လိုက်ရင် သင်ဟာ သာမန်လူ သာသာပဲ။ စုစည်းလုပ်ဆောင်မှုမှာ အခြေအနေအရ ခေါင်းဆောင်တွေ အပြောင်းအလဲ လုပ်ပေးရမယ်။ သူတို့ရဲ့ ထူးကဲတဲ့ အားသာချက် စွမ်းရည်တွေအပေါ် မူတည်ပြီးတော့ပေါ့။

အထက်က ပုံပြင်မှာဆိုရင် ယုန်ကော လိပ်ပါ ဆုံးရှုံးမှုတွေ ကြုံတွေ့ခဲ့ရပေမယ့် နောက်မဆုတ်၊ လက်မတွန့်ခဲ့ပါဘူး။ ယုန်ဟာ ရှုံးပွဲနဲ့ ကြုံရပြီးနောက်ပိုင်း အရင်ကထက် ပိုကြိုးစားပြီး ပိုအားစိုက်ထုတ်ခဲ့တယ်။ လိပ်ဟာလည်း သူ အစွမ်းကုန် ကြိုးစားပြီးတာတောင် မအောင်မြင်နိုင်တော့ လမ်းဟောင်းကို စွန့်ပြီး နည်းဗျူဟာ အသစ်ကို ပြောင်းသုံးဖို့ ၀န်မလေးခဲ့ဘူး။

ကျနော်တို့ ဘ၀မှာကော ....။ ဆုံးရှုံးမှုတွေနဲ့ ကြုံလာရတဲ့အခါ တစ်ခါတလေ ပိုကြိုးစားပြီး ပိုအားစိုက်ထုတ်လိုက်ရင် အဆင်ပြေသွားနိုင်ပါတယ်။ တစ်ခါတလေမှာ နည်းဗျူဟာ နဲ့ တခြား ပြောင်းလဲမှု တစ်စုံတစ်ရာ လုပ်ယူရတယ်။ တစ်ခါတလေတော့လည်း နှစ်ခုစလုံး တပြိုင်တည်း လုပ်ရလိမ့်မယ်။ ကျနော်တို့ တစ်ယောက်နဲ့ တစ်ယောက် ယှဉ်ပြိုင်နေကြမယ့်အစား လက်ရှိအခြေအနေတွေကို စိန်ခေါ်နိုင်ရင် ပိုပြီး ကောင်းမွန်တဲ့ ရလဒ်တွေ ထွက်လာပါလိမ့်မယ်။

ယုန်နဲ့လိပ် ပုံပြင်ကို အနှစ်ချုပ်ကြည့်မယ်ဆိုရင် ....
• ခပ်သွက်သွက်၊ ခပ်မြန်မြန်ဖြင့် ပြီးမြောက်အောင် လုပ်ခြင်းသည် ဖြည်းဖြည်းနှင့် မှန်မှန် ပြုလုပ်ခြင်းထက် သာလွန်မြဲ ဖြစ်၏။
• မိမိ၏ ယှဉ်နိုင်စွမ်းရှိသော အားသာချက်ဖြင့် အလုပ်လုပ်ပါ။
• အဖွဲ့တစ်ဖွဲ့အနေဖြင့် ရှိပြီး အရင်းအမြစ်များအား ခွဲဝေအသုံးချတတ်လျှင် တစ်ကိုယ်တည်း စွမ်းဆောင်မြင့်သူထက် သာလွန်သည်သာ ဖြစ်၏။
• ဆုံးရှုံးမှုများ တွေ့ကြုံလာသော်လည်း မည်သည့်အခါမျှ အရှုံးမပေးအပ်။

ဆက်လက်ဖတ်ရူ့ရန်

ကိုယ့်လမ်းကိုယ်ထွင်စေချင်သူ

ရန်ကုန်မြို့တွင် နေထိုင်သည့် သတင်းစာဆရာ လူထုစိန်ဝင်းအား အမေရိကန် သမ္မတသစ် ဘရက် အိုဘားမားနှင့် ပတ်သက်ပြီး ဧရာဝတီက ဆက်သွယ် မေးမြန်းခဲ့ပါသည်။လူထု စိန်ဝင်းသည် တပါတီ အာဏာရှင် ဦးနေ၀င်း အစိုးရ လက်ထက်တွင် ထောင်ဒဏ် ချမှတ်၍ တကျွန်း အပို့ ခံခဲ့ရသည်။ ဆရာသည် သတင်းစာဆရာ တဦးအနေဖြင့် မဂ္ဂဇင်း၊ ဂျာနယ် များတွင် ဆောင်းပါးများ၊ စာအုပ် စာတမ်းများကို ရေးသား ထုတ်ဝေနေခဲ့သူ ဖြစ်သည်။ ယခု ဆက်သွယ် မေးမြန်းမှုကို ကျန်းမာရေး ချို့ယွင်းနေသည့် ကြားမှ ဖြေကြား ပေးခဲ့ခြင်း ဖြစ်ပါသည်။

မေး။ ။ အမေရိကန် သမ္မတသစ် မစ္စတာ ဘရက် အိုဘားမားအပေါ် မြန်မာသတင်းစာသမား တယောက် အနေနဲ့ အမြင်ကို သိချင်ပါတယ်။
ဖြေ။ ။ ကျနော်က တလျှောက်လုံးပေါ့၊ under dog တွေဘက်က ရပ်တည်ပြီးတော့ ရေးခဲ့တဲ့ လူပါ၊ အထူးသဖြင့် အမေရိကန် လူမည်းတွေရဲ့ တိုက်ပွဲပေါ့လေ၊ အဆက်ဆက်ကို အများကြီးထောက်ခံပြီး ရေးခဲ့တဲ့လူပါ၊ "အဖြူနဲ့ အမည်း"ဆိုတဲ့ စာအုပ်လည်းပဲ ကျနော် ထုတ်ဝေခဲ့ဖူးတယ်၊ ကျနော်က အမြဲတမ်း အနှိမ်ခံ အဖိခံတွေဘက်က ရပ်တည်တာပါ။သာမန်အားဖြင့် ကျနော်က အိုဘားမားကို ထောက်ခံတယ်၊ အိုဘားမား ဟာ လူတော်တယောက်ပါပဲ၊ လူဖြူတွေ ကြီးစိုးတဲ့ နိုင်ငံမှာ သာမန် အောက်ခြေကလူတယောက်က ဒီနေရာကို အရွေးခံရတယ်ဆိုတာ သူအင်မတန် တော် လို့သာ ဖြစ်ပါတယ်၊ လူတော်တယောက်လို့ ကျနော် သူ့ကိုချီးကျူးပါတယ်၊ အသိအမှတ်ပြုပါတယ်၊ လေးစား ပါ တယ်။ဒါပေမယ့် အမေရိကန် နိုင်ငံရဲ့ မူဝါဒတွေကို ဖန်တီးနေတာက အမေရိကန် လူတော်တွေ၊ သမ္မတတွေ မဟုတ်ကြ ဘူး၊ ဘဏ်သူဌေးကြီးတွေ၊ Wall street က ငွေကြေးကုန်သည်တွေတို့၊ လက်နက်ကုန်သည်တွေတို့၊ ရေနံကော်ပို ရေးရှင်းကြီးတွေပေါ့လေ၊ သူတို့က ဖန်တီးနေတာ ဖြစ်တယ်။

အဲဒီတော့ အိုဘားမား ဟာ ဘယ်လောက်ပဲ တော်တော် လက်ရှိ ရှိနေတဲ့ အမေရိကန်နိုင်ငံရဲ့ အခြေခံမူဝါဒ တွေ ကိုတော့ သူ များများစားစား ပြောင်းလဲနိုင်လိမ့်မယ်လို့ မထင်ဘူး၊ သူ့ရှေ့က ရှိခဲ့တဲ့ ကစ်ဆင်းဂျားတို့ ဆိုလည်း လူတော်တွေပါပဲ၊ နောက် ကွန်ဒိုလီစာ ရိုက်စ်ဆိုရင်လည်း တကယ့်ကို ထိပ်ထိပ်ကြဲ အင်မတန် ထက်မြက်တဲ့ အမျိုးသမီး တယောက်ပါပဲ၊ ဒါပေမယ့်လို့ သူတို့ရဲ့အစွမ်းအစတွေဟာ ငွေကြေး အဓိကထားတဲ့ကော်ပိုရေးရှင်းကြီး တွေရဲ့ အောက်မှာ တိမ်မြုပ် သွားကြတာပဲ။

အဲဒီတော့ကာ ကျနော့်အနေနဲ့ သိပ်ပြီးအများကြီး မျှော်လင့်မထားပါဘူး၊ အနည်းအကျဉ်း အပေါ်ယံ အပြောင်း အလဲတွေလောက်ပဲ ဖြစ်မယ် ထင်တယ်၊ အခြေခံ မူဝါဒတွေကတော့ ဒီအတိုင်းပဲ ဆက်သွားမယ်လို့ ထင်ပါတယ်၊ တခု ကျနော် သတိပေးချင်တာပေါ့လေ၊ အိုဘားမားကလည်း အာဖဂန်နစ္စတန်မှာ စစ်အင်အားတွေ တိုးပြီး ပို့မယ်လို့ ပြောခဲ့တာတွေ ရှိတယ်။

အာဖဂန်နစ္စတန် ဆိုတာ ဟိုး အင်္ဂလိပ် လက်ထက်၊ အင်္ဂလိပ် ကျွန်ဘ၀ တုန်းကလည်း အင်္ဂလိပ်တွေ ခွက်ခွက် လန် ရှုံးအောင် ပထန် တော်လှန်ရေးသမားတွေက တိုက်ခိုက်ခဲ့တယ်၊ နောက်တခါ ရုရှ တွေ အာဖဂန်နစ္စတန် ကို သိမ်းပိုက်တဲ့ အခါမှာလည်း ရုရှတွေ လက်မြှောက်ပြီးတော့ ပြန်ပြေးရလောက်အောင် တိုက်ရေး ခိုက်ရေးမှာ အစွမ်းထက်တဲ့ တကယ့် စစ်သူရဲတွေပါ။အခုအမေရိကန်ကလည်း အာဖဂန်မှာ တိုးပြီး စစ်အင်အားတွေ မြှင့်မယ်ဆိုလို့ ရှိရင်လည်း ဒီစစ်သူရဲ ပထန်တွေရဲ့ အောက်မှာပဲ ရုရှတွေ ပြေးသလိုပဲ နောက်ဆုံးကြ ပြေးရလိမ့်မယ်လို့ ကျနော်ကတော့ အိုဘားမားကို သတိပေး လိုက်ချင်တယ်။

မေး။ ။ မြန်မာ့အရေးနဲ့ ပတ်သက်ပြီးတော့ရော အိုဘားမားကို မျှော်လင့်လို့ရမလား၊ ဘယ်လောက်အထိ မျှော်လင့် နိုင်ပါသလဲ။
ဖြေ။ ။ ကျနော်ကတော့ သိပ်ပြီးတော့ မမျှော်လင့်ဘူးဗျ၊ ဘာဖြစ်လို့လည်း ဆိုတော့ ဘုရှ် လက်ထက်မှာလည်းပဲ၊ ဘုရှ် Lip service ပေးတဲ့(ပါးစပ်နဲ့ ဆောင်ရွက်တဲ့)နေရာမှာ အင်မတန် တော်တဲ့ လူပဲ၊ ဘုရ်ှကော လော်ရာ ဘုရ်ှကော တလျှောက်လုံး မြန်မာပြည် အရေးအတွက် Lip service တွေ ပေးခဲ့တာပဲ၊ တကယ် လက်တွေ့ကြ တော့ ဘာမှ မလုပ်နိုင်ပါဘူး၊ လုပ်ချင်တဲ့ ဆန္ဒလည်း မရှိပါဘူး။

ဘာကြောင့်လည်း ဆိုတော့ မြန်မာပြည်နဲ့ပတ်သက်လို့ ရေနံ အကျိုးစီးပွားတွေ၊ ရေနံကုမ္ပဏီကြီးတွေပေါ့၊ တိုတယ်လ် တို့လို၊ ပရီးမီးယားတို့လို ရေနံ ကုမ္ပဏီကြီးတွေရဲ့ သြဇာက အများကြီး ကြီးမားတယ်၊ အဲဒါကြောင့် ကျနော်ကတော့ အိုဘားမား လက်ထက်မှာလည်းပဲ Lip service ပေးတာထက်ပိုပြီး လုပ်နိုင်လိမ့်မယ်လို့ မျှော်လင့်မထားပါဘူး။

ကျနော်တို့က နဂိုကတည်းက ခဏခဏ ကျနော့် ပုဂ္ဂိုလ်ရေးအရ ပြောပါတယ်၊ ဘယ်သူ့မှ အားမကိုးနဲ့ ကိုယ်လုပ်မှ ကိုယ်ရမယ်ဆိုတာပဲ၊ အခုလည်း အဲဒီအတိုင်းပဲ ထပ်ပြီးတော့ ဆော်သြချင်တယ်၊ အိုဘားမားကိုလည်း အားကိုး မနေ ပါနဲ့ ဘန်ကီမွန်းလည်း အားကိုးမနေပါနဲ့ ကိုယ့်အား ကိုယ်ကိုးပါလို့။

မေး။ ။ ဒါဆိုရင် မြန်မာပြည်အပေါ် အမေရိကန်ရဲ့အရေးယူပိတ်ဆို့တဲ့ ဒဏ်ခတ်မှု(Sanction)တွေက အသုံးမတဲ့ ဘူး၊ မထိရောက်ဘူး ဆိုတဲ့ သဘောလား။
ဖြေ။ ။ ဟုတ်ကဲ့ တကယ်တမ်း ထိရောက်မှု မရှိခဲ့ပါဘူး၊ သာမန် အပေါ်ယံကြော ထိခိုက်တာမျိုးတော့ အနည်း အကျဉ်း ရှိမှာပေါ့လေ၊ အစိုးရတဖွဲ့ကို ပြုတ်ကျသွားအောင် Sanction က လုပ်လိုက်တယ်လို့ ကမ္ဘာမှာ မရှိခဲ့ပါ ဘူး၊ အစိတ် အပိုင်း တခုအထိတော့ အထိုက်အလျောက် အကျိုးရှိပါတယ်၊ လုံးဝ အသုံးမကျဘူးလို့တော့ မဆို လိုပါဘူး၊ ဒီ တခုတည်း အပေါ်မှာလည်း မြန်မာ လူမျိုးတွေက မျှော်လင့်နေလို့ မဖြစ်ဘူး၊ ကျနော်တို့ တခြား နည်းလမ်းပေါင်းစုံ အသုံးပြုဖို့လည်း လိုအပ်ပါတယ်။

မေး။ ။ နည်းလမ်းပေါင်းစုံ အသုံးပြုဖို့ လိုတယ်ဆိုတော့၊ အကြံပြုလိုတဲ့ နည်းလမ်းများ ရှိပါသလား။
ဖြေ။ ။ ကျနော် ခဏခဏ ပြောပါတယ်၊ ဧရာဝတီမှာပဲ ကျနော် လွန်ခဲ့တဲ့ နှစ်ထဲက ပြောခဲ့ပါသေးတယ်၊ ကျနော် တို့ က ဒီ ကုလသမဂ္ဂကိုလည်း အားမကိုးနဲ့၊ အမေရိကန်ကိုလည်း အားမကိုးနဲ့ ဘယ်သူ့ကိုမှ အားမကိုးနဲ့ ကိုယ့် ပြည်သူ လူထုကို ကိုယ်အားကိုးပါ၊ မြန်မာပြည်သူလူထုက နိုင်ငံရေး နိုးကြားမှုမှာ မညံ့ပါဘူး၊ ကျနော်တို့ စက်တင် ဘာ သံဃာ့ အရေးအခင်းကပြခဲ့ပြီပဲ၊ မြန်မာပြည်သူတွေဟာ ကြောက်မနေပါဘူး၊ ညံ့မနေပါဘူး၊ ကိုယ့်ပြည်သူ ကိုယ် အားကိုးပါလို့ ကျနော် ပြောခဲ့တယ်၊ အခုလည်း အဲဒီနည်းပဲ ကျနော် ထပ်ပြီးတော့ တိုက်တွန်းချင်တယ်၊ ပြည်သူ့ အားကို ယုံပါ၊ ပြည်သူကို အားကိုးပါ။

မေး။ ။ လက်ရှိအခြေအနအရ မြန်မာပြည်သူတွေက ၂၀၁၀ ရွေးကောက်ပွဲကို မဖြစ်မနေ သွားပြီး မဲပေးရတော့ မယ့် အခြေအနေ ဖြစ်နေတော့၊ အဲဒီ အပေါ်မှာရော ဘယ်လိုပြောမလဲ။
ဖြေ။ ။ ဒါကလည်း ကျနော်တို့ဆီမှာ၊ ဒါမျိုးတွေ အကြိမ်ကြိမ်ကြုံခဲ့ပြီးပါပြီ၊ ၁၉၇၄ ခုနှစ်ကလည်း ဆန္ဒခံယူပွဲတို့ ဖွဲ့စည်း အုပ်ချုပ်ပုံ အခြေခံ ဥပဒေ တို့ ကြုံခဲ့သလိုပဲ၊ ရွေးကောက်ပွဲတွေလည်း အကြိမ်ကြိမ် ကျင်းပခဲ့တာပဲ၊ အခုလာမယ့် ရွေးကောက်ပွဲလည်း အဲဒီ ၇၄ ရွေးကောက်ပွဲ တွေလိုပဲ ဖြစ်မှာပါပဲ၊ ဘာမှ ထူးမှာ မဟုတ်ပါဘူး၊ သာမန် ပြည်သူ လူထုကတော့ ရွေးကောက်ပွဲတို့ ၊ ဖွဲ့စည်းအုပ်ချုပ်ပုံ အခြေခံ ဥပဒေတို့ အပေါ်မှာ စိတ်ဝင်စားမှု တယ်မရှိပါဘူး။

မေး။ ။ ဒါဆို မြန်မာပြည်သူလူထုကိုရော ဘာထပ်ပြောချင်ပါသေးလဲ။
ဖြေ။ ။ စောစောက ကျနော်ပြောခဲ့တဲ့အတိုင်းပါပဲ၊ ကုလသမဂ္ဂတို့ ဘန်ကီမွန်းတို့ အားမကိုးနဲ့ ရွေးကောက်ပွဲကို လည်း မျှော်လင့်ချက်ကြီး ထားမနေနဲ့ ကိုယ့်ပြည်သူအားကို အားကိုးပြီး ကိုယ်လုပ်စရာရှိတာကို ကိုယ်လုပ်ပါလို့ ကျနော်ကတော့ နောက်ဆုံး ပြောချင်ပါတယ်။ ။

ဆက်လက်ဖတ်ရူ့ရန်

ခေါင်းဆောင်

အမေရိကန်သမ္မတ ရွေးကောက်ပွဲကာလမှာ ဖတ်လိုက်ရတဲ့ Men's Health Magazine ထကဲ Life & Style
ကဏ္ဍမှာ ခေါင်းဆောင်ဖြစ်ဖို့ လူတိုင်းရှိသင့်တဲ့ အခြေခံ(၁၀)ချက် ကို လူတိုင်းနားလည်လွယ်၊မြင်လွယ်အောင်

ပေါ့(ပ်) မဂ္ဂဇင်းဆိုတဲ့အတိုင်း ပေါ့ပေါ့ပါးပါးလေးရေးထားတာတွေ တဲ့အတွက် ဘာသာပြန်မိပြီး တဆက်ထဲ မြန် မာပြည် လက်ရှိအခြေအနေတွေနဲ့သွား ယှဉ်ကြည့်လိုက်တဲ့အခါ အောင်မြင်တဲ့ခေါင်းဆောင်ဖြစ်ဖို့ ဒီအခြေခံ (၁၀) ချက် အရင်ပြည့်စုံရမယ်ဆိုပဲ........

၁။ သူတပါးကို လေးစားတတ်ခြင်း
ဂျွန် အက်(ဖ)ကနေဒီ ဟာ ဂျာမဏီ နိုင်ငံအလည်ရောက်တဲ့အချိန်တုန်းက ဘာလင်မြို့ သူမြို့ သား တစ်သိန်း
နှစ်သောင်း ရှိ တဲ့ ပရိသတ်ကြီး ရှေ့မှာ မိမိဘာသာ နှိမ့်ချပြီး သူ့  မိန့်  ခွန်းလာနားထောင်တဲ့ လူအများစုကြီးကို

လေးစားတာပြတဲ့ အနေနဲ့ ၊ ကိုယ့်နာမည် ကို J.F ကနေဒီ အစား သာမာန် ဒိုးနတ်လေးတစ်ခုပါပဲ (a doughnut )လို့ ပြန်ခေါ်ပြသွားပါတယ်။ ဒါ့အပြင် ဒေသ ခံတွေရဲ့ စကားကို တစ်လုံးချင်းကြိုးစား ပြောသွားပါ သေးတယ်။

(ဒါမျိုး တွေ ဗိုလ်ချုပ်အောင်ဆန်း အထုပတ္တိထဲမှာ တွေ့ နိုင်ပါတယ်။နောက်ပိုင်းတော့ ပြောတတ်ဘူး)

၂။ စိတ်ထိန်း၊ သည်းခံတတ်ခြင်း
ဂျွန်အက်(ဖ)ကနေဒီပါပဲ။ ကျူးဘား နိုင်ငံ တာဝေးပစ်ဒုံးကျည် အရေးအခင်း ကာလ မှာ ကျူးဘားမြို့ တော် ဟာ ဗားနား ကိုမီးတင်ရှို့ ဖို့ အချက်ပေးတာ မျိုးမလုပ်ခဲ့ ဘဲ၊ ကျူးဘားဖြစ် လက်နဲ့ လိပ်တဲ့ ဟာဗာနား တံဆိပ် ဆေးပြင်း လိပ် ကြီး တစ်လိပ်ကို မီးညှိသောက်ပြခဲ့ပြီး ဆိုဗီယက်တွေရဲ့ မာန်တွေနဲ့ ဒေါသကိုပြေလျော့ ကျစေ ခဲ့ပါတယ် "lighting up a Havana, not lighting up Havana" လို့ ဆိုစမှတ်ဖြစ်ခဲ့ ပါတယ်။အဲဒီလို တကယ် လို့ များ နောက်တစ်ကြိမ် သင့် အလုပ် စားပွဲဘေးမှာ တယ်လီဖုန်း အနီလေး (Red Phone) တစ်လုံးအနား သင်ရောက် နေခဲ့မယ်ဆိုရင် ဒီအကြောင်းလေးတေွး လိုက်ပါတ့။ဲ

(Red phone ဆိုတာကတော့ အရေးအခင်းအကြီးကြီး တွေမှာအစိုးရထိပ်သီးခေါင်းဆောင်ပိုင်းတွေအချင်းချင်း လျို့  ၀ှက် ပြောဖို့ တိုက်ရိုက် ဆက်သွယ်ပေးထားတဲ့တယ်လီဖုန်းလိုင်းကိုခေါ်တာပါ။ )
(မြန်မာပြည်က ၁၉၇၄၊ ၈၈၈၈ နဲ့ စက်တင်ဘာ ရွေဝါရောင်ကာလ တွေမှာတော့ ဒီအနီရောင်ဖုန်းလိုင်းတွေပြောခွင့်ရှိသူများ ပြောနေရင်းကထိန်းချုပ်သတိချပ်သုံးသပ်ဖို့ နေနေသာသာ၊ ဒေါသမီးတွေ ဟုန်းဟုန်း တောက် လို့ လိုင်း တွေပြတ်ကျမတတ် ဖြစ်ခဲ့ပုံရပါတယ်။ မြန်မာ့ ဖုန်းနီကလေးတွေရဲ အဲဒီအာဃာတ စက်ကွင်းကြောင့် နောက်ဆက်တွဲ ကျောင်းသားသမ၈္ဂ အဆောက်အဦး ဒိုင်းနမိုက် စာမိခဲ့သလို ၊လမ်းတွေပေါ်မှာ အပြစ်မဲ့ ကျောင်း သား၊ ရဟန်းရှင်လူ၊ ပြည်သူအသက်ပေါင်း၊ ဘ၀ပေါင်း များစွာဆုံးရှုံးခ့ရဲ ပါတယ်။)

၃။ ပွင့်လင်းသော စိတ်ဓာတ်ရှိ ခြင်း(သို့ ) အမြင်ကျယ်ခြင်း
ခေါင်းဆောင်ကောင်း တစ်ယောက်အဖြစ်ရပ်တည်နိုင်ဖို့  အကြံဥာဏ်ကောင်း လိုအပ်ပါသလား၊ သင့်ကို အမြဲတမ်း သဘောမတူု ဆန့်ကျင်နေတဲ့ လူဆီကိုသွားပါ တဲ့။ လူကြိုက်အများဆုံးဖြစ်ခဲ့တဲ့ အမေရိကန်သမ္မတ အီဗရာဟင်လင်ကွန်း ဟာ သူ့  အစိုးရကက်ဘိနက်အဖွဲ့ ဝင်တွေကို အတိုက်အခံတွေနဲ့ ဖွဲ့စည်းခဲ့ပါတယ်။ ဘေ့(စ)ဘော(လ်) ချန်ပီယံ Jete အကြောင်းသိချင်ရင် သူ့ ပြိုင်ဘက် Red Sox ပရိသတ်ကိုသွား မေးကြည့်လို့ ရသလို ပေါ့။ဒီလိုပဲ အာစန်နယ် အားနည်းချက်တွေကို မန်ယူပရိသတ်နဲ့ ချယ်(လ)ဆီးပန်ကာတွေဆီ သွားမေးကြည့်၊သိနိုင်သလိုမျိုးပါ။

(မြန်မာပြည်မှာလဲ သွားမေးကြည့်နိုင်ပါတယ်။ အတိုက်အခံတွေက လင်ကွန်း ကက်ဘိနက်ထဲမှာလိုတော့ မဟုတ်ပါ။ သူတို့ အများစုရှိတ့ေဲ နရာရောက်ဖို့ တော့ ခရီးစရိတ်ကမသေးပါ။ တွေ့ ခွင့်ရချင်မှလဲရပါမယ်။
အနည်းဆုံး ဂမ်ဘာရီအဆင့် လောက်တော့ လိုမယ်ထင်တာပဲ။)

၎။ စိတ်အား ထက်သန်ခြင်း
အကောင်းဆုံး စိတ်ကူးစိတ်သန်းတွေဟာ တရားမျှတတဲ့ ဆုံးဖြတ်မှု၊ ဝေဖန် သုံးသပ်မှု တော်တော်များများကို ဆွဲခေါ် လာတတ်ပါတယ်။ ခင်ဗျားရဲ ဖြစ်ချင်တဲ့ဆန္ဒနဲ့ အပြုံးလေးကိုသာ ထိန်းသိမ်းထားပါ။ တခြားသူတွေခင်ဗျား လုပ်ချင်တာကိုပူးပေါင်းဆောင်ရွက်လာပါလိမ့်မယ်။
(ဒါတော့စံမှီပါတယ်။ ထိုင်ခုံမြဲရေး စိတ်အားထက်သန်လို့  စိတ်ကူးလေးတွေကောင်းခဲ့ လိုက်တာ ဒီပဲယင်း နဲ့ တံတားနီဟာ သမိုင်းမှာမရှုမလှပါပဲ။ အခွင့်အရေးတန်ခိုးနဲ့ ဝါးရင်းဒုတ်ယိမ်း ကပြီး ၀င်ရောက်ပူးပေါင်းကြသူ လူမိုက်များလဲ ဒုနဲ့ ဒေးပါ)

၅။ တာဝန်ခံခြင်း
အမှားကြီးလေ၊ တောင်းပန်ရလေ တ့။ဲ အမေရိကန်သမ္မတ ကလင်တန် ဟာ မိုနီကာ လူးဝစ်စကီး ဆိုတဲ့ မိန်း မသား တစ်ဦး ကို ရှစ်ခါတိတိ ၀န်ချ တောင်းပန်စကား ဆိုခဲ့ပါတယ်။ လူတွေမသိသေးတဲ့အရာတွေက ပဲ သင့်ကို အံ့အားသင့်စေမှာဖြစ်ပါတယ်။
(ကျောင်းသား နဲ့ ရဟန်းတွေအပေါ်ကျူးလွန်မိတဲ့ အပြစ်လေးတွေအတွက် တောင်းပန်စကား ပြောဖိုဝန်လေးလို့ ၊ အဖြစ်မှန်တစ်ခု ကို အမှန်အတိုင်းဖော်ပြဖို့ တောင်းဆို တာကို ငြင်းပယ်ခဲ့လို့ ၊အမှိုက်ကစပြသာဒ်မီးလောင် ဆိုသလို ၈၈၈၈ နဲ့  စက်တင်ဘာအရေး အခင်းတွေဖြစ်ခဲ့တဲ့အပေါ် တာဝန်ခံမည့်သူရှိခဲ့ပါပီလား။)

၆။ နှိမ့်ချတတ်ခြင်း
George W Bush ဟာ လူမည်း (အာဖရိကန်) ကချေသည်တွေ နဲ တွဲကခဲ့တာ ချစ်ကြည်ရေးအတွက် ရည်ရွယ် ခဲ့ပေမယ့် အဆုံးမှာ သူဟာ YouTube က ဟာသ တစ်ခု ပြကွက်တစ်ခုလို ရယ်မောဖွယ် အဆုံးသတ်ပြခ့ဲတယ်။ ကိုယ့် ရဲ့ အားနည်းချက်ကို သိခြင်းဟာ ကိုယ့်ရဲ့ အားသာချက်အစွမ်းအစတွေကိုမြှင့် တင်ပေးဖို့ လိုသ လောက်ကို အရေးကြီးပါတယ်တဲ့။
(နှိမ့်ချသလားဆိုတော့၊ မနေ့ ကပဲ ခေတ်ပြိုင် မှာ သတင်းဖတ်လိုက်ရတယ်။ သတင်းက ဘယ်လောက် သေချာသလဲ တော့မသိဘူး။ ကြားရတာတော့ မကောင်း။ ဘီလိယက်ထိုးဂေါ့ဖ်ရိုက်နေတဲ့ ၀န်ကြီးကိုဘီယာ ငှဲ့ပေးရတဲ့ တာဝန်ပေးခံရလို့ ဝန်ထမ်းတွေ စိတ်ဓါတ်ကျ နေတဲ့အကြောင်း၊ သစ်ပင်ရှင်အောင် မစိုက်ရင် ထမင်းအိုးလဲကွဲမှာဖြစ်ကြောင်း။ http://www.newskhitpyaing.co.cc/?p=914)

၇။ စာနာ၊ နားလည်တတ်ခြင်း
တခြားသူများကျင်လည် ရှင်သန်နေရတဲ့ သူ တို့ ကမ္ဘာ၊ ဘ၀ နဲ ယှ့ဉ်ပြီး စာနာဆုံးဖြတ်ပါ။ ပါပူးဝါးနယူးဂီနီ က
ယောကျာ်းတွေ အရှက်လုံ ၊အင်္ဂါလုံရုံ လောက်ဖုံးထားတဲ့ လန်ကွတ်တီ နံပိုင်းလေးဝတ်ထားတာကို သွားပြီးအသုံး မကျတဲ့ အလကားလူတေလွို့  သွားပြောမယ်ဆိုရင် သူတို့ ကလဲ ဆီတစ်ဂါလံ ၁၅ မိုင်လောက် သွားဖိုပဲသုံးနိုင်တဲ့ SUV ကားကြီး စီးနေတဲ့ ခင်ဗျား ကိုဘယ်လိုဆုံးဖြတ်မလဲတွေးကြည့်ပါ တဲ့။

(နိုင်ငံတကာထောက်ပံ့မှု အပြည့် ခံစားခွင့်မရခဲ့ဘဲ၊ ဖား ငါးရှာစားကြလို့ အကြံပေးခံရတဲ့ နာဂစ်ဒါဏ်ခံရတ့ြဲပည်သူတွေက၊ ပြည်သူ့ အခွန်ငွေတွေနဲ့ စင်္ကာပူဆေးသွားကုမယ့် လူများကိုဘယ်လိုမြင်ပါလဲလို့ တွေးကြည့် ခိုင်း သလိုမျိုး ထင်တာပဲ)

၈။ တာဝန်သိခြင်း
စစ်မြေပြင်မှာ ခင်ဗျားဟာ စစ်ဦးချုပ်ကြီ်းဖြစ် နေ တာ၊ တပ်ခွဲ တပ်စုမှုးကလေးဖြစ်နေတာ ဆိုတဲ့ အချက်တွေက အရေးမကြီးပါဘူး။ ကိုယ်ဦးစီးရတဲ့ ကိုယ့်တပ်ဘာတွေလုပ်နေတာ မသိရင်ခင်ဗျားဟာစစ်မြေပြင် ရဲ့ အလွန်အလှမ်းဝေးတဲ့ဆီ မှာ ဖယ်ရှားခံအဖြစ် ရောက်နေသလိုမျိုးပဲဖြစ်လိမ့်မယ်။
(ဒါတော့ နံပါတ် ၂ နဲ့ ၅ က အဖြစ် တွေနဲ့ ဆက်စပ်နေတယ်ထင်တာပဲ ။သိကျွမ်းသူများဖြည့်စွက် သွားနိုင်ပါ တယ်။)

၉။ အစပျိုးပြီးလမ်းဆောင်ပြတတ်ခြင်း
အတိတ်က ကိုယ်ဘာတွေလုပ်ခြဲ့ပီးပြီ ဆိုတာတွေကိုထိုင် ပြောနေမယ့်အစား ကိုယ်ဘာလုပ်ချင်တယ်၊ ဘာလုပ်မယ်ဆိုတာကို ပိုပြီးပြောပြပါ။ သင့် resume ကိုယ်ရေးအချက်အလက်အကျဉ်း ကိုစိတ်အ၀င်စားဆုံး လူဟာ အဲဒါကို မိတ္တူဆွဲပြီး Staples ချုပ်စက် နဲ့ ဖိုင်တွဲပေးရမယ့်လူပဲဖြစ်တယ်။

(လူနေမှု ၀န်းကျင် အခြေခံအဆောက်အဦးဖြစ်တဲ့၊ ပြည်သူ့ အခွန်ငွေတွေနဲ့ ဆောက်တဲ့ တံတားတွေ၊လမ်းတွေ ချည့်၊ ပဲ ထိုင်ထိုင်ပြောနေမယ့်အစား၊လွန်ခဲ့တဲ့အနှစ် ၂၀ ထဲက ချမှတ်ထားတဲ့ နိုင်ငံရေး ၊ စီးပွားရေး၊လှုမှုရေး ဦးတည်ချက်တွေဘယ်တော့ပြည့်အောင်လုပ်နိုင်မလဲပဲ ကြားချင်ပါတယ်။ မလုပ်နိုင်တော့လဲလုပ်နိုင်မယ့်လူ လုပ်ပါစေ။ မြန်မာကာရာအိုကေအခွေတွေ ကြည့်တိုင်း ၊အဲဒါတွေကျော်ကျော်နေရတာလဲအများပြည်သူ၊ လက်ညောင်းလှပါပြီ။ )

၁၀။ သံတမန်ဆန်ခြင်း
ဒီအချက်ကိုတော့အင်မတန်ပေါ့ပါးတ့ဥဲ ပမာလေးနဲ့ ပြသွားပါတယ်။ သင့် ရည်းစားဖြစ်သူက သူဘယ်လိုနေလဲ၊ ကြည့်ပါဦး လို့ သင့်ကိုမေးလာတ့အဲ ခါမှာ၊ နူကလီးယား လက်နက်ပုံကြီး ပေါ်ဖင်ခုထိုင်ရင်း ဖြေရှင်းရမယ့် နိုင်ငံရေးအလား သူ (သို့ )သူမ ကို အရေးတယူဖြေပြပါတဲ့။ အငြင်းပွားဖွယ်အလျဉ်းမရှိသော ပြဿနာဖြေရှင်း ခြင်းနည်းလမ်း သာလျင် နှစ်ဖက် ယုံကြည်မှုနှင့် ဆက်ဆံရေးပျက်ပြားမည့်အရေးကိုရှောင်လွဲနိုင်မည့် စိတ်အချ ရဆုံး သော နည်းလမ်းဖြစ်ပေသည်။
(ဒါကိုတော့ပြောစရာမလိုတော့ပါဘူး။ ကုလ သံတမန်တွေ လဲ ရွှေတိဂုံတက်တက် ဖူးနေရတာနဲ့ ကိုကုသိုလ် တွေ တော်တော်ရနေပြီပဲ။)

အဲဒိ ၁၀ ချက်ကတော့ Men's Health Magazine တစ်ခုက Life & Style ကဏ္ဍမှာရေးထားတဲ့ အချက်တွေပါ။ POP မဂ္ဂဇင်းဆိုတော့သိပ်အလေးအနက် တည်တည်တံ့တံ့ကြီးတွေတော့မပါ ပါဘူး။ ခေါင်းဆောင်ကောင်း ရဲ့ ဂုဏ်အင်တွေသေချာလေ့လာချင်ရင်တော့စာအုပ်တွေများပါတယ်။ ယူတတ်ရင် ၅၅၀ ဇာတ်နိပါတ်ထဲမှာတောင် ပါပါသေးတယ်။ ဒီပေါ့(ပ်)မဂ္ဂဇင်းထဲက အများမြင်လွယ်မယ့် ဥပမာလေးတွေပေးပြီး ခေါင်းဆောင် ဖြစ်သင့်တ့အဲ ခြေခံ အဂါင်္ရပ်တွေကို အပေါ်ယံလေးရေးပြထား တာပါ။သိပ်မနက်နဲပေမယ့်မှတ် သားစရာတွေပါ။ ဘာပဲပြောပြော အထက်က အချက်တွေနဲ့ ပြည့်စုံခဲ့တဲ့ လင်ကွန်း တို့ ၊ ကလင်တန် တို့ ၊ ဘုရ်ှတို့ နေရာ ဆက်ခံမယ့် အိုဘားမားကို အမေရိကန်ပြည်သူတွေ ရသွားပါပြီ။ မြန်မာပြည် သူ တွေ အတွက် ခေါင်းဆောင်ဘယ်တော့ရမလဲ ဆိုတာကတော့….

မောင်ရင်

ဆက်လက်ဖတ်ရူ့ရန်

မစ္စတာအိုဘားမား အမေရိကန်ပြည်ထောင်စုသမ္မတ တရားဝင်ဖြစ်ပြီ

ခက်ခဲသော၊ စိန်ခေါ်မှုြ်းထန်သော အခြေအနေများကို ကျော်ဖြတ်ပြီးနောက် ဘာရတ်အိုဘားမားသည် အမေရိကန်နိုင်ငံ၏ (၄၄)ဦး မြောက် သမ္မတအဖြစ် တရားဝင် ကျမ်းသစ္စာကျိန်ဆိုကာ အိမ်ဖြူတော်သို့ ရောက်ရှိခဲ့ပြီဖြစ်သည်။ အမေရိကန်နိုင်ငံ၏ သြဇာအာ ဏာ အကြီးမားဆုံးသမ္မတနှင့် စစ်ဦးစီးချုပ် ဖြစ်လာခဲ့သည့် အိုဘားမား၏ ဇန်န၀ါရီလ (၂၀)ရက်နေ့က သမ္မတရာထူးကို လက်ခံရယူပွဲ သို့ နိုင်ငံတ၀ှမ်းမှ ပြည်သူ(၂)သန်းကျော် လာရောက်ဂုဏ်ပြု အားပေးခဲ့ကြသည်။ ၀ါရှင်တန်ဒီစီရှိ အိမ်ဖြူတော်တွင် ကျင်းပခဲ့သော သမ္မတသစ်၏ မိန့်ခွန်းပြောပွဲတွင် အိုဘားမားက အမေရိကန်ပြည်သူများအနေနှင့် တိုင်းပြည်၏ ကြုံတွေ့နေရသော စစ်ပွဲနှင့် ငွေကြေးဆိုင်ရာ အရှုပ်အထွေးများကို စည်းလုံးမှုဖြင့် တွန်းလှန်ကြရန် တိုက်တွန်းသွားခဲ့သည်။

(သမ္မတအဖြစ် ကျမ်းကျိန်နေသည့် အိုဘားမား)

အမေရိကန်နိုင်ငံ၏ ပထမဆုံးသော လူမည်းသမ္မတအဖြစ် မှတ်တမ်းဝင် သမိုင်းမော်ကွန်း ရေးထိုးနိုင်ခဲ့သည့် ဒီမိုကရက်တစ်ပါတီမှ အိုဘားမားသည် ရီပတ်ဘလစ်ကန်သမ္မတ ဂျော့ဘုရ်ှထံမှ အာဏာကို လွှဲပြောင်းလက်ခံပြီးနောက် အနာဂါတ်အမေရိကန်ကို အကောင်းဘက်သို့ ဦးတည်နိုင်ရန် အစွမ်းကုန်ကြိုးစားသွားမည်ဟု ကတိပြုခဲ့သည်။ အိုဘားမားနှင့် မိသားစုကို အမေရိကန်နိုင်ငံ အရပ်ရပ်မှ ကိုယ်စားလှယ်များက လာရောက်ဂါရ၀ပြုခဲ့ကြသလို အိုဘားမားနှင့် မိသားစုကလည်း ပြည်သူများကို လေးလေးစားစား နှုတ်ဆက်ခဲ့သည်။ အိုဘားမားက ၎င်း၏မိန့်ခွန်းအတွင်း “အပြောင်းအလဲတွေ ဖြစ်လာဖို့ အချိန်တန်ပြီ”ဟု ကြွေးကြော်လိုက်ချိန်တွင် ပြည်သူများက သောင်းသောင်းဖြဖြ အားပေးခဲ့ကြသည်။

(တက်ရောက်အားပေးဂုဏ်ပြုကြသည့် အမေရိကန်ပြည်သူများ)

အိုဘားမား၏ အိမ်ဖြူတော်တက်ပွဲ အခမ်းအနားသို့ ကမ္ဘာအရပ်ရပ်မှ သတင်းထောက်များ လာရောက်သတင်းယူခဲ့သလို အမေရိကန်၏ လူမည်းသမ္မတ အာဏာလက်ခံပွဲကို ကမ္ဘာတ၀ှမ်းတွင် ရုပ်မြင်သံကြားမှ စောင့်ကြည့်နေသူဦးရေမှာ သန်းပေါင်းများစွာမျှ ရှိခဲ့ကြောင်း သိရှိရသည်။ အိုဘားမား ၎င်းသည် ကမ္ဘာ့အင်အား အကြီးမားဆုံးနိုင်ငံ၏ ခေါင်းဆောင်တစ်ဦးအဖြစ် ကမ္ဘာ့ငြိမ်းချမ်းရေးကို ရှေးရှုဖော်ဆောင်သွားရန် ကြိုးစားသွားမည်ဟု ပြောကြားခဲ့သည်။ အိုဘားမားနှင့် မိသားစုအတွက် Capitolအဆောက်အအုံနှင့် အိမ်ဖြူတော်တို့တွင် လုံခြုံရေး တင်းတင်းကြပ်ကြပ် ချထားခဲ့သော်လည်း တစုံတရာ ရုတ်ရုတ်သဲသဲ ဖြစ်ပွားမှုမျိုး မပေါ်ပေါက်ခဲ့ဘဲ ပြည်သူများသည် ၎င်းတို့ယုံကြည်အားကိုးသည့် သမ္မတသစ်အား ပျော်ရွှင်အေးချမ်းစွာ ကြိုဆိုခဲ့ကြကြောင်း FBIမှ သတင်းထုတ်ပြန် ကြေညာသွားခဲ့သည်။

(ကျမ်းကျိန်ပွဲကျင်းပရာ Capitol အဆောက်အဦ)

အခမ်းအနားသို့ရောက်ရှိလာသည့် အိုဘားမားဇနီးမောင်နှံ)


(အိုဘားမား၏သမီးနှစ်ဦး) (ဟီလာရီကလင်တန်)

(သတင်းတက်ရောက်ရယူကြသည့် မီဒီယားများ)




(ညစာစားပွဲတွင် သီဆိုဖျော်ဖြေနေသည့် ဘီယွန်းစ်နိုးလ်)

(သမ္မတကျမ်းကျန်ပွဲအခမ်းအနားကို အပေါ်စီးမှ မြင်ရစဉ်)

ဆက်လက်ဖတ်ရူ့ရန်

အမေရိကန်သမ္မတသစ် အိုဘားမားကို ကြိုဆိုနေကြပြီ

အမေရိကန်သမ္မတသစ် အိုဘာမား၏ ဇန်နဝါရီ(၁၈)ရက်ည မိန့်ခွန်းပြောကြားမှုကို အမေရိကန် ပြည်သူပေါင်းများစွာက အအေးဒဏ်ကိုမမှုပဲ လာရောက်အားပေး နားထောင်ခဲ့ကြသည်။ အမေရိကန်သမ္မတသစ် အိုဘာမား ကျမ်းသစ္စာကျိန်ဆိုပွဲ အခမ်းအနား မရောက်မီကတည်းက ကျော်ကြားသည့် အနုပညာရှင်များကလည်း အိုဘားမားကို ဂုဏ်ပြုသည့်အနေဖြင့် တင်ဆက်မှုများ ပြုလုပ်နေကြသည်။



(အိုဘားမားမိန့်ခွန်းကို လာရောက်နားထောင်ကြသူများ)



(ဇန်နဝါရီ(၁၈)ရက်ည မိန့်ခွန်းပြောကြားမှု အစီအစဉ်တွင် ကျည်ကာမှန်များ တပ်ဆင်ထားသည့် အခန်းထဲတွင် တွေ့ရသည့် သမ္မတသစ် အိုဘားမားတို့ဇနီးမောင်နှံနှင့် သမီးငယ်၊ ဒုတိယသမ္မတသစ် ဇနီးမောင်နှံတို့ကို တွေ့ရစဉ်။)



(ဘီယွန်းစေးလ်၏ သီဆိုဖျော်ဖြေမှု)



(U2အဖွဲ့မှ ဘိုနို၏သီဆိုဖျော်ဖြေမှု) ဆက်လက်ဖတ်ရူ့ရန်

အာဏာရှင်တို့သွားရာလမ်း

အာဏာဆိုတာ ရေပွက်ပမာ

တစ်ခဏတာမို့

ရလာအခိုက် လူမိုက်ပမာ

ဟိုရမ်းဒီရမ်းလွန်ဆိုိးသွမ်းကာ

မဲမဲမြင်ရင်ကိုက်ပစ်ချင်ကြ

သခင်ကမွေးအိမ်ကခွေးသည်

ထမင်းကျွေးလက်ကျေးဇူးမှတ်၍

ပြန်လည်တိုက်ခိုက်မကိုက်ခဲ့လည်း

ပင်ကိုယ်စိတ်ပျောက်ရောဂါဖောက်ကာ

ခွေးရူးပြန်ချိန်ထိုအချိန်ဝယ်

ကျေးဇူးဆိုတာဗလာနတ္ထိသူမသိတော့

ထိုသို့ ပမာနှိုင်းယှဉ်ကာဖြင့်

အာဏာဆိုတာမရပါခင်

ထမင်းကျွေးလက်ကျေးဇူးမှတ်၍

ပြန်လည်တိုက်ခိုက်မကိုက်ခဲ့လည်း

အာဏာရူးချိန်ထိုအချိန်ဝယ်

ကျေးဇူးဆိုတာဗလာနတ္ထိသူမသိတော့

ထမင်းကျွေးလက်ပြန်ကိုက်ဖြတ်၏

ဘုရားတရားသံဃာ

ရတနာသုံးပါးဆည်းကပ်ငြားလည်း

အာဏာတည်ရေးချမ်းသာရေးနှင့်

မိမိအတ္တမာန်မာနကို ရှေ့ တန်းတင်၏

ထေရ် ကြီးဝါကြီးမထေရ်ကြီးတို့ 

ပြောဆိုဆုံးမသြ၀ါဒလည်း

လုံးဝလက်မခံသူငြင်းဆန်ခဲ့

ပြည်သူကမွေးပြည်သူကြွေးထား

စစ်ဗိုလ်များသည်အာဏာရူးပြီကျေးဇူးမသိပြီမို့

ခွေးရူးကောင်းစားတစ်မွန်းတည့်ဟု

သူသူငါငါတုတ်ဓါးကိုင်ကာပြေးထွက်လာ၍

တွေ့ ရာသင်္ချိုင်းဓါးမဆိုင်းဘဲ

ပိုင်းဖြတ်ခုတ်ထွင်ရှင်းလင်းချင်လည်း

အာဏာအရူးအော်ကာကျူးရင့်

သူသူငါငါတုတ်ဓါးကိုင်ကာပြေးထွက်မလာဘဲ

အော်သူကိုပင်အရူးထင်ခဲ့

ခွေးရူးဆိုတာကိုက်ခဲ့ပါရင်

ချိန်မှီဆေးသောက်ရောဂါပျောက်လည်း

အာဏာအရူးကိုက်ခံရူးရင်

ကုရာနတ္ထိဆေးမရှိဘူး

ဒါကြောင့်—

အာဏာအရူးအာဏာအရူး အော်ကာကြူးရင့်

သူသူငါငါတုတ်ဓါးကိုင်ကာပြေးထွက်လာ၍

တွေ့ ရာသင်္ချိုင်းဓါးမဆိုင်းဘဲ

ပိုင်းဖြတ်ခုတ်ထွင်ရှင်းလင်းပါလျှင်

အာဏာအရူးစစ်ဘီလူးတို့ 

ခွေးရူးပမာသေကြမှာပါ—–

ရေးသားသူ။ ။ မင်းသုည(ကွမ်းခြံကုန်း) ဆက်လက်ဖတ်ရူ့ရန်

အစ္စရေးအပစ်ရပ် ကြေငြာချက် ဟားမတ်စ်အဖွဲ့ ကျေနပ်မှု မရသေး

အစ္စရေးဝန်ကြီးချုပ် အီဟွတ်အိုမာ့တ်က ဂါဇာက ဟားမတ်စ် အုပ်စုတွေကို သုံးပတ်ကြာ ထိုးစစ်ဆင်ခဲ့တာကို ရပ်တန့်တော့မယ်လို့ ကြေညာလိုက်ပါတယ်။ ဟားမတ်စ် အဖွဲ့ရဲ့ ပြောခွင့်ရသူကတော့ အစ္စရေးတို့ ရဲ့ တဖက်သတ် အပစ်အခတ် ရပ်စဲရေးဟာ ကျေနပ်နိုင်ဖွယ် မရှိဘူးလို့ တုံ့ပြန်လိုက်ပါတယ်။ ဂါဇာမှာ အစ္စရေးစစ်သားတွေ တဦးတယောက်မှ ရှိနေတာကို မလိုလားဘူးလို့လည်း ပြောခဲ့ပါတယ်။

ဒေသစံတော်ချိန် စနေနေ့ည က အစ္စရေးလုံခြုံရေး ဦးစီးအဖွဲ့ဝင်တွေ တွေ့ဆုံပြီး တဖက်သတ် အပစ်အခတ် ရပ်စဲရေး ကို ချမှတ်ဖို့ မဲခွဲဆုံးဖြတ်လိုက်တာ ဖြစ်ပါတယ်။ အစည်းအဝေးအပြီးမှာ ၀န်ကြီးချုပ် အိုမာ့တ် က ဂါဇာမှာ အစ္စရေးတို့ တိုက်ပွဲဆင်နွှဲရတဲ့ ရည်ရွယ်ချက်တွေအားလုံး ထမြောက်ခဲ့ပြီးဖြစ်တယ်လို့  ပြောခဲ့ပါတယ်။

ဒီတဖက်သတ် အပစ်အခတ်ရပ်စဲရေး အစီအစဉ်အရ အစ္စရေးတို့ ရဲ့ စစ်ဘက်ဆိုင်ရာ လှုပ်ရှားမှုအားလုံးကို ဒေသစံတော်ချိန် တနင်္ဂနွေနေ့ မနက်စောစော ၂ချက်ထိုး အချိန်မှာ ချက်ချင်းရပ်ဆိုင်းမှာဖြစ်ပါတယ်။ အဲဒီနောက် ဂါဇာဒေသမှာ အစ္စရေး တပ်တွေကို ရက်အတန်ကြာ တပ်ချထားဦးမှာဖြစ်ပါတယ်။ တချိန်တည်းမှာပဲ ရေရှည် ချမှတ်မယ့် အစီအစဉ်တွေကို ဆွေးနွေးမှာဖြစ်ပါတယ်။ အစ္စရေးဝန်ကြီးချုပ်က တကယ်လို့ အစ္စရေးတို့ကို တဖက် က စတင်တိုက်ခိုက်ခဲ့မယ်ဆိုရင် သူတို့က တုံ့ပြန်ရလိမ့်မယ်လို့လည်း ပြောခဲ့ပါတယ်။

စနေနေ့ အစောပိုင်းတုန်းက ဟားမတ်စ် ခေါင်းဆောင်တွေက သူတို့ရဲ့ တောင်းဆိုချက်တွေ မရမချင်းတော့ ဆက်ပြီး တိုက်ပွဲဝင်ဦးမှာဖြစ်တယ်လို့ ပြောခဲ့ပါတယ်။ ဟားမတ်စ်တို့ က ဂါဇာဒေသမှာ အစ္စရေးတို့ တပတ်အတွင်း လုံးဝ ထွက်ခွာသွားဖို့နဲ့ ဂါဇာကမ်းမြောင်ဒေသရဲ့ အီဂျစ်နယ်စပ် အပါအ၀င် နယ်စပ်တွေအားလုံးကို ပြန်ဖွင့်ပေးဖို့ တောင်းဆိုထားတာ ဖြစ်ပါတယ်။

အီဂျစ်သမ္မတ ဟိုစနီ မူဘာရက် (Hosni Mubarak) က ဂါဇာကမ်းမြှောင်ပဋိပက္ခနဲ့ ပတ်သက်ပြီး နိုင်ငံတကာ ထိပ်သီး အစည်းအဝေး တခုကို ဒေသစံတော်ချိန် တနင်္ဂနွေနေ့မှာ လက်ခံကျင်းပဖို့ ရှိပါတယ်။ ကုလသမဂ္ဂ အတွင်းရေးမှူးချုပ် ဘန်ကီမွန်း အပါအ၀င် ဗြိတိန်၊ ဂျာမဏီ၊ ပြင်သစ်၊ စပိန်နဲ့ တူရကီ နိုင်ငံခေါင်းဆောင်တို့လည်း တက်ရောက်ဖို့  ရှိပါတယ်။

ဆက်လက်ဖတ်ရူ့ရန်

ဒီမိုကရေစီတိုက်ပွဲ

နှစ်လုံးသားကိုတံတားခင်း

အသက်နဲ့ ရင်းရတဲ့ လွတ်လပ်ခြင်းဆိုတဲ့ဂုဏ်

ဒီမိုကရေစီအရေးတော်ပုံမှာ

ကိုယ်ရဲ့အသက်ကိုမငဲ့ နိုင်ပေမယ့်

မြန်မာပြည်သူတွေကိုရင်ခွင်ပိုက်ပြီး

ခေါင်းမငိုက်ဦးမညွတ်

ကိုယ်ကျိုးစွန့်လွတ် တဲ့ခွပ်ဒေါင်းဇာနည်

ဒီမိုကရစီတိုက်ပွဲဝင်သူတွေရဲ့

တည်ကြည်ရဲရင့်မြင့်မြတ်တဲ့ဂုဏ်ပုဒ်ဟာ

ကမ္ဘာမြေတုန်လောက်ပါတယ်။

အာဇာနည်စိတ်ဓာတ်ကို

မှတ်ကျောက်တင်စမ်းသပ်လိုက်တဲ့

ယုတ်မာသူလူတစ်စုရဲ့ နှိပ်စက်ကာညှင်းပန်း

သတ်ဖြတ်ကာရက်စက်ပေမဲ့

နောက်မဆုတ်ဇွဲမာန်ထောင်

တချိန်မှာ ဧကန်အောင်ရမယ်လို့ 

မြန်ပြည်သူချမ်းသာကြောင်းပေမို့ 

လှေခွက်ချည်းကျန်အလံမလဲပါဘူး

တိုက်ပွဲဝင်ပန်းတိုင်

ဒီမိုကရေစီမဏ္ဍိုင်ကို အနိုင်ရအောင်တိုက်မယ်လို့ 

ရင်ဆိုင်ကာချီတက်သူ မျိုးချစ်ဇာနည်ဖြူတွေကို

တို့ ပြည်သူတွေ နှလုံးသားယဉ်ပြင်မှာ

သမိုင်းမှတ်တမ်းဝင်

ကမ္မည်းထိုးတင်ထားပါရဲ့

ကမ္ဘာရှည်သရွေ့တည်နေမယ်။

ရေးသားသူ။ ။ မင်းသုည(ကွမ်းခြံကုန်း) ဆက်လက်ဖတ်ရူ့ရန်

မကြောက်တရား

ကဗျာတစ်ပုဒ်အတွက်

စစ်ခင်းခဲ့ဘူးတယ်…….

အောက်ကြေးကဖောက်လို့ပေါ့……..

အများကြီး အများကြီး

တစ်ကယ်ကိုအများကြီး

ပန်းတွေ

ငုံကြတယ်

ပွင့်ကြတယ်………

ငှက်တွေ

ပျံကြတယ်

လွှားကြတယ်……..

ဟေ့သူငယ်ချင်း

သေချင်းတရားဟာ

လူ့ဘ၀ရဲ့လွှတ်တော်မဟုတ်……..

နရသိန်ဟာလဲ

တာဝတိံသာမဟုတ်

ဒါကို

သစ္စာတရားတိုင်းသိကြတယ်

ဒါပေမဲ့………

ဘာကြောင့်သင်္ချိုင်းမြေကိုလုကြတာလဲ ?

ဘာကြောင့်ဖိုးသူတော်ဝတ်ရဲတာလဲ ?

သေချာပါတယ်

အဖြေထွက်ရင်

အသေသတ်တောင်

မင်းမကြောက်တော့ဘူးဆိုတာပေါ့………

စာရေးသူ။ ။ နန်းရှင်

ဆက်လက်ဖတ်ရူ့ရန်

လူ့အခွင့်အရေးနှင့် ဒီမိုကရေစီ ဆက်စပ်မှု ကွာခြားမှု

လူ့အခွင့်အရေးနှင့် ဒီမိုကရေစီ ဆက်စပ်မှု ကွာခြားမှု

လူ့အခွင့်အရေးနှင့် ဒီမိုကရေစီ ဆက်စပ်မှုကွာခြားမှုနှင့် ပတ်သက်ပြီး ပုံပြင်ကလေးတစ်ခုကို ပြန်လည်ဖေါက်သည်ချလိုပါသည်။ ဒီပုံပြင်ဟာ ကျမသင်တန်းတက်တုန်းက သင်ခဲ့ရတဲ့ ပုံပြင်တစ်ပုဒ်ဖြစ်ပါတယ်။ သူငယ်ချင်းတို့လဲ ဘယ်လိုသဘောရလဲဆိုတာ ဖော်ပြလိုက်ပါ တယ်။ ကျေးဇူးပြုပြီး ဒီပုံပြင်ကို ဆုံးအောင်းဖတ်ပေးပါနော်။

ရှေးအခါက ဒီမိုကရေစီနိုင်ငံကြီးတစ်နိုင်ငံမှာ လူသုံးသောင်လောက်နေထိုင်ကြတဲ့ ရွာကြီး တစ်ရွာရှိသတဲ့။ ရွာက သာမန်ရွာဆင်းရဲသား လယ်သမားတွေ အနေများကြတဲ့ ရွာဖြစ်သ တဲ့။ ငယ်စဉ်ကတည်းက မိဘနှစ်ပါးလုံး ဆုံးပါးသွားပြီး ဆွေမျိုးများနဲ့ နေထိုင်ရတဲ့ မိန်းမပျို လေးတစ်ယောက်ဟာ တစ်နေ့တော့ ရွာကနေ မျက်ရည်စက်လက်နဲ့ ထွက်ခွာသွားသတဲ့။ သူမဘာကြောင့်ဒီလို ၀မ်းနည်းပက်လက်နဲ့ ထွက်ခွာသွားကြောင်းကို မေ့သွားကြသတဲ့။

နှစ်တွေသုံးဆယ်ကျော်ကြာပြီတဲ့တနေ့မှာ သစ်လွင်ကောင်းမွန်ပြီး တကယ့်သူဌေးကြီးတွေမှ သာ စီးနိုင်တဲ့ ဇိမ်ခံကားကြီးတစ်စီးဟာ ရွာထဲကို တဖြေးဖြေးမောင်းဝင်လာသတဲ့။ ရွာသား တွေကလဲ ဒီလောက်ကောင်းတဲ့ ကားကြီးရွာကိုလာတာ မမြင်ဖူးတော့ ထွက်ကြည့်ကြသတဲ့ ကားကြီးဟာ ရွာသူကြီးအိမ်ရှေ့မှာ ရပ်ပြီးစိန်တွေ ရွှေတွေညွတ်နေအောင် ၀တ်ထားတဲ့ မ်ိန် မကြီးတစ်ယောက်နဲ့ သူ့အဖေါ်တွေ ဆင်းလာသတဲ့။ ပြီးတော့ အဲဒီမိန်းမကြီးက ရွာသား တွေအားလုံးအတွက် လက်ဆောင်ပေးစရာပါလာတဲ့အတွက် နံက်ဖြန်ကျရင် ရွာလည်က ဓမ္မရုံကြီးမှာ လူစုပေးဖို့ ရွာသူကြီးကိုပြောသတဲ့။ ရွာသူကြီးကလည်း မိန်းမကြီးရဲ့အရှိန်အ၀ါ ကို စိုးရွံ့တာရော။ လက်ဆောင်ပစ္စည်းလိုချင်တာရော နှစ်ခုပေါင်းပြီး လူစုပေးဖို့ သဘောတူ လိုက်သတဲ့။

နောက်တစ်နေ့ နံနက် ဓမ္မရုံမှာ လူစုံတဲ့အခါကျတော့ မိန်းမကြီးက မတ်တပ်ရပ်လိုက်ပြီး လွန်ခဲ့တဲ့နှစ်ပေါင်းသုံးဆယ်လောက်တုံးက ဒီရွာကထွက်သွားတဲ့ မိန်းကလေးဟာ ကျမပဲလို ပြောလိုက်သတဲ့၊ အဲဒီအခါမှာ ရွာသားတွေအားလုံးဟာ အံ့သြလွန်းအားကြီးတဲ့အတွက် ဟင် ဆိုတဲ့ အသံကြီးထွက်လာသတဲ့။ မိန်းမကြီးကလဲ သူ့မအဖြစ်ကိုသူမ အကျဉ်းချုံပြီး ပြန်ပြောပြသတဲ့။ ဒီရွာကထွက်ကာစမှာ သူမဒုက္ခအမျိုးမျိုးရောက်ခဲ့သတဲ့။ နောက်ဆုံးမှာ ကံအားလျှော်စွာ အလွန်ချမ်းသာတဲ့ သူဌေးကြီးတစ်ဦးနဲ့ အိမ်ထောင်ကျပြီး အခြေနေ ကောင်းသွားသတဲ့။ အခုသူဌေးကြီးကွယ်လွန်သွားပြီး အမေရိကန်ဒေါ်လာ သန်းပေါင်းတစ် ထောင်ကျော်လောက် သူမအတွက် ချန်ထားခဲ့သတဲ့။ အဲဒီငွေတွေထဲကနေ သူမအတွက် နည်းနည်းဘဲချန်းထားပြီး သန်းတထောင်လုံး သူမကို ငယ်စဉ်ကကြည့်ရှု စောင့်ရှောက်ခဲ့ တဲ့ ကျေးရွာကိုလှူချင်ပါသတဲ့။

မ်ိန်းမကြီးရဲ့ အဲ့ဒီပြောစကားကို ကြားလိုက်တဲ့အခါမှာ ရွာသားတွေအားလုံးဟာ အံ့သြ၀မ်း သာဖြစ်ပြီး ကျယ်လောင်စွာနဲ့ လက်ခုပ်သြဘာတွေ ပေးကြသတဲ့။ ဒါပေမယ့် မိန်းမကြီး ဆက်ပြောတဲ့စကားကို ကြားလိုက်တဲ့အခါမှာတော့ ရွာသားတွေအားလုံးဟာ မီးကိုရေနဲ့ သတ်လိုက်သလို ငြိမ်သွားကြသတဲ့။

မ်ိန်းမကြီးက ဘာပြောသလဲဆိုတော့ ကျမဒီရွာကနေမျက်ရည်စက်လက်နဲ့ ထွက်သွားရတာ ဟာ လူယုတ်မာတစ်ယောက်ကြောင့်ဖြစ်ပါတယ်။ အခုဒီလူဟာ ဒီပရိသတ်ထဲမှာဘဲ ရှိပါ တယ်။ ကျမရွာမှာ စာရင်းငှားလုပ်ခဲ့စဉ်က လယ်ပိုင်ရှင်ဦးကောက်ဆိုသူပါဘဲ။ ဒီလူဟာ စီး ပွားရေးအရ ကျမက သူ့အပေါ်မှီခိုနေရတာကို အကြောင်းပြု အထက်စီးယူပြီး ကျမကိုအ ကြိမ်များစွာ မုဒိန်းကျင့်ခဲ့တဲ့အပြင် ကိုယ်ဝန်ရှိလာတဲ့အခါမှာလဲ ဆေးကြွေးပြီး ကိုယ်ဝန်ကို အတင်းအဓမ္မ ဖျက်ချပစ်ခဲ့တယ်။ ကျမရှက်လဲရှက်ခဲ့။ သူ့အန္တရယ်လဲကြောက်ရတော့ ထုတ် လဲမပြောရဲတာကြောင့် ရွာကနေထွက်သွားခဲ့တာဖြစ်ပါတယ်။

မိန်းမကြီးရှင်းပြတဲ့စကားကို နားထောင်ပြီး ရွာသားတွေဟာ မိန်းမကြီးမျက်နှာကို ကြည့် လိုက် ဦးကောက်ရဲ့ မျက်နှာကို ကြည့်လိုက်နဲ့ ဘာဆုံးဖြတ်ရမှန်းမသိအောင် ဖြစ်နေကြ သတဲ့။ ဦးကောက်ဟာလဲ ကြောက်လွန်းအားကြီးတဲ့အတွက် မျက်နှာတခုလုံးပြီး သွေးမရှိ တော့ဘူး။ မိန်းမကြီးကရွာကို လှူမဲ့ဒေါ်လာ သန်းတစ်ထောင်ဆိုတာ နည်းတဲ့ငွေမဟုတ်ဘူး ။ ရွာလမ်းတွေ အားလုံးကောင်းသွားမယ်။ ရွာမှာလိုအပ်တဲ့ ဆေးရုံတွေ။ ကျောင်းတွေ။ သက်ကြီးရွယ်အိုတွေအတွက် လူအိုရုံတွေ ဆောက်နိုင်မယ်။ တရွာလုံးအတွက် အကျိုးရှိမှာ ကတော့ အသေအချာပဲဖြစ်တယ်။

ခဏကြာတော့ ရွားသားတစ်ယောက်က မတ်တပ်ရပ်လိုက်ပြီး ဒီလိုလုပ်လို့တော့ မဖြစ်ဘူး ထင်တယ်။ အဖြစ်အပျက်တွေကလဲကြာပြီ။ သက်သေအထောက်အထားတွေလဲ မရှိတော့ ဘူး။ လူတစ်ယောက်ရဲ့အသက်ကို ဒီလိုလွယ်လွယ်နဲ့တော့ အဆုံးမစီရင်သင်ဘူးထင်တယ် ။ လို့ မရဲတရဲနဲ့ပြောလာတယ်။

အဲဒီအခါမှာ နောက်ထပ်ရွာသားတစ်ယောက်က ပထမရွာသားပြောတာကို လက်မခံဘူး။ သူကထပြီး အခု ဦးကောက်ဘာမှ ပြန်မပြောဘဲ ငြိမ်နေတာကိုကြည့်ရင် မိန်းမကြီးပြောတဲ့ အဖြစ်အပျက်ဟာ မှန်ပုံရတယ်။ ဦးကောက်ဟာ မုဒိန်းလဲကျင့်ခဲ့တယ်။ ကလေးလဲဖျက်ချပြီး လူလဲသတ်ခဲ့တယ်။ ဒီလိုလူယုတ်မာမျိုးကို သေဒဏ်စီရင်သင့်တယ်။ လို့ ပြောတယ်။

တတိယရွာသားတစ်ဦးက ဒုတိယရွာသားရဲ့အဆိုကို ထောက်ခံတယ်။ ဒါပေမယ့် သူစဉ်း စားပုံက ဒုတိယရွာသားနဲ့မတူဘူး။ သူက မိန်းမကြီးတောင်းဆိုချက်ကို လိုက်လျော့သင့် တယ်လို့ ထင်တယ် ဦးကောက်လုပ်ခဲ့တဲ့ကိစ္စ သက်သေခိုင်လုံတာ မခိုင်လုံတာထားဦး တော့ တစ်ယောက်ကိစ္စ တရွာလုံးအကျိုးဖြစ်နေတယ်။ လိုအပ်ရင် တစ်ရွာလုံးအကျိုး လူ့အကျိုး လူ့အဖွဲ့အစည်းတခုလုံးအကျိုးအတွက် တစ်ယောက်တစ်လေ အနာခံသင့်ရင် ခံရမယ်။
စတုတ္တရွာသားတစ်ဦးက မတ်တပ်ရပ်လိုက်ပြီး သူ့အမြင်ကို ဆွေးနွေးပြန်တယ်။ ဒါပေမယ့် သူစဉ်းစားပုံကလဲ ဒုတိယရွာသားနဲ့ရော တတိယရွာသားနဲ့ မတူဘူး။ နောက်တစ်မျိုး ဖြစ် နေပြန်တယ်။ အခုဆွေးနွေးသူတွေရဲ့ အရေအတွက်ကို အကြမ်းဖျင်းလေ့လာကြည့်တဲ့ အခါ မိန်းမကြီးတောင်းဆိုချက်ကို လိုက်လျောရမယ့် ဘက်ကများနေပုံရတယ်။ ဒါပေမယ့် အတိအကျတော့ မပြောနိုင်သေးဘူး။ အခုဓမ္မရုံထဲမှာလည်း ရွာသားတွေအားလုံးနီးပါး ရောက်နေကြပြီ။ သေချာသွားအောင် ဦးကောက်ကို အဆုံးစီရင်သင့်မသင့် ဒီမိုကရေစီနည်း နဲ့အညီ အားလုံးရဲ့သဘောဆနကို ရယူပြီးမှ ဆုံးဖြတ်လိုက်ကြရင် ကောင်းမယ်ထင်တယ်။

ပုံပြင်ကလေးကတော့ ဒါပါပဲ။


ကဲသူငယ်ချင်းတို့လဲ ဒီပုံပြင်ကိုဖတ်ပြီးဆိုတော့ ဦးကောက်နဲ့ ဒီမိန်းမကြီးရဲ့အမူကို ဘယ်လို စီရင်သင့်သလဲဆိုတာ သိချင်ပါတယ်။ ပထမရွာသားပြောတဲ့စကားကို ထောက်ခံတဲ့လူရှိသ လို မထောက်ခံလဲသူလဲရှိတယ်။ ထိုနည်းတူပဲ ဒုတိယ။ တတိယ။ စတုတ္တရွာသားတွေ ပြော တဲ့စကားကို ထောက်ခံတဲ့သူလဲ ရှိသလို မထောက်ခံတဲ့သူလည်းရှိပါတယ်။ ကဲ သူငယ်ချင်း တို့ကော ဘယ်သူကို ထောက်ခံမလဲဆိုတာ ကွန်မန့်မှာ ၀င်ရေးခဲ့ကြပါနော်။

ဆက်လက်ဖတ်ရူ့ရန်

ခွပ်ဒေါင်း

တခေတ်ကျွန်းတွင်ဖြင့်

သနစ်ဆန်းကိုတဲ့ထွင်ကြပြန်…..။

ရှေးယခင်ဟိုအတိတ်မှာတော့

လည်ငြိတ်ကာတွန်သံချိုတဲ့

တက္ကသိုလ်အိုးဝေဒေါင်းဟာလေ

နွဲ့ နှောင်းကာဂုဏ်မာန်ထယ်လို့ 

မူရာကြွယ်ရွှင်ရွှင်ပျတယ်

ကတဲ့ပုံဖန်……..။

တဘာသာသည်တခေတ်တွင်ဖြင့်

ဘယ်အဟန်ဘယ်သနစ်ပေလဲ

ဆန်းသစ်သည့် ပုံသဏ္ဏာန်

ခွပ်ဟန်ပြဂုဏ်ထွား။

လောကဇမ္ဗူ

လူချင်းအတူတူမို့ 

ဘယ်လူဘယ်သူမိုးရမှာလဲ

မြန်မျိုးဂုဏ်ရှိန်တက်စေဖို့ 

အသက်ရယ်ဖက်ဝယ်ထုတ်ကာပ

" ရင်အုပ်ကိုတမန်ပြုမယ် " လို့ 

ရဲတုကွာမာန်ဇာတိတွေလ

ခွပ်မည့် ဟန်ဒေါင်းပျိုမိဝယ်

ဆောင်ဘိသည်တကား…….။


ရေးသားသူ။ ။ မင်းညိုဦး

ဆက်လက်ဖတ်ရူ့ရန်

ကမ္ဘာတစ်ဝှမ်းတွင် ၂၀၀၉ ခုနှစ် နှစ်သစ်ကို ကြိုဆိုခဲ့ကြ

နှစ်သစ်ကတော့ ရောက်ခဲ့ပါပြီ။ ကမ္ဘာအရပ်တွင်ရှိသော လူများစွာတို့သည် မျှော်လင့်ချက် အသစ်များဖြင့် နှစ်သစ်ကို ကြိုဆိုခဲ့ကြပြီး ခရစ်သက္ကရာဇ် (၂၀၀၉)ခုနှစ်သည် လူ့သမိုင်းအတွက် ကောင်းကျိုးပြု မှတ်တိုင်များ စိုက်ထူနိုင်မည့် ကာလအဖြစ် မျှော်ရည်မှန်းကာ တောင်းဆုများ ပြုနေခဲ့ကြသည်။ သို့သော်လည်း ကမ္ဘာ့စီးပွားရေး အကြပ်အတည်း၊ ဂါဇာဒေသ၏ ထိတ်လန့် တုန်လှုပ်နေမှုများ၊ ထိုင်းနိုင်ငံ၏ မပြီးဆုံးနိုင်သော နိုင်ငံရေး အရှုပ်အထွေးများနှင့် မွမ်ဘိုင်းအရေးကြောင့် အိန္ဒိယနှင့် ပါကစ္စတန်တင်းမာနေမှုများသည် (၂၀၀၈)ခုနှစ် အကာလ အရိပ်မည်းကြီးများအဖြစ် (၂၀၀၉)ခုနှစ် အရုဏ်ဦး အလင်းရောင်ကို ဖြန့်ကျက်ဖုံးလွှမ်း မလာစေရန် မည်သည့်တန်ခိုးရှင်ကမှ မဟန့်တားနိုင်ခဲ့ပေ။ မည်သို့ဆိုစေကာမူ “Happy New Year”ဟု ပျော်ရွှင်အော်ဟစ်သံများနှင့်အတူ (၂၀၀၉)ခုနှစ်ကတော့ လူသားများ၏ သမိုင်းရာဇ၀င်ကို ထုဆစ်နိုင်ရန် ပြက္ခဒိန်စာရွက်များဆီသို့ ချဉ်းနင်းဝင်ရောက်ခဲ့ပါပြီ။

(လန်ဒန်မြို့)

ဗြိတိန်

ဗြိတိန်နိုင်ငံ၊ လန်ဒန်မြို့တော်တွင် လူ(၇)သိန်းခန့် စုရုံးကာ ဒီဇင်ဘာလ (၃၁)ရက်နေ့ သန်းခေါင်ယံ ပြီးဆုံးမည့်အချိန်ကို စက္ကန့်နှင့်အမျှ ပြောင်းပြန်ရေတွက်ပြီး New Yearကို ကြိုဆိုခဲ့သည်။ စကော့ပြည်နယ်၏ မြို့တော်အီဒင်ဘာ့ဂ်တွင်မူ ရိုးရာ Hogmankeyပွဲတော်ကို ပျော်ရွှင်စွာ နွှဲဆင်ရင်း နှစ်သစ်ကိုကြိုသော Homecomingပွဲတော်ကိုပါ (၂၀၀၉)ခုနှစ်၏ ပထမဆုံးကာလများအတွင်း ကျင်းပခဲ့ကြသည်။

(ပဲရစ်မြို့)

ပြင်သစ်

ဥရောပ၏ အလှပဆုံး မြို့တော်ဟု တင်စားခေါ်ဝေါ်ခြင်း ခံရသည့် ပြင်သစ်နိုင်ငံ၊ ပဲရစ်မြို့တော်တွင်မူ သန်းဝက်မျှရှိသည့် မြို့ခံလူထုက Champs-Elyseesတွင် နှစ်သစ်ကူး ခေါင်းလောင်းသံများ မမြည်ဟည်းခင် တစ်နာရီအလိုကတည်းက ပျော်ပျော်ပါးပါး စုရုံးပြီး နှစ်သစ်ကူးကာလကို ဖြတ်သန်းခဲ့ကြသည်။

ယူကရန်း၊ ဆလိုဗက်ကီးယား၊ ရုရှား

ယူကရိန်းမှာမူ ဆက်ဆံရေး မပြေမလည် ဖြစ်မှုကြောင့် ပိတ်ထားခဲ့သော ဓာတ်ငွေ့ပိုက်လိုင်းများကို ရုရှားတို့က ပြန်လည်ဖွင့်လှစ်ပေးမှုအား နှစ်သစ်ကူး လက်ဆောင်မွန်အဖြစ် ရရှိခဲ့ပြီး ဆလိုဗက်ကီးယားမှာမူ နှစ်သစ်ကူးတွင် ယူရိုငွေကြေးကို တရားဝင် သုံးစွဲတော့မည်ဟု သတင်းထုတ်ပြန်ခဲ့သည်။ မြို့တော် ဘရာတီဆလာဗာ၏ ပြည်သူ့ရင်ပြင်တွင် လူတစ်သိန်းခန့် စုရုံးကာ eurozone၏ (၁၆)ခုမြောက် အဖွဲ့ဝင်နိုင်ငံ ဖြစ်လာခြင်းအား ဂုဏ်ပြုကြိုဆိုခဲ့ကြသည်။

ချက်ရီပတ်ဘလစ်

ချက်ရီပတ်ဘလစ်နိုင်ငံသည် နှစ်သစ်ကူးကာလတွင် ဥရောပယူနီယံ၏ အလှည့်ကျ ခေါင်းဆောင်ရာထူးအား ပြင်သစ်နိုင်ငံထံမှ လွှဲပြောင်းယူခဲ့ကြောင်း ကြေငြာခဲ့ပြီး နိုင်ငံ၏မြို့တော် ပရာဂ်တွင် ဥရောပယူနီယံအား ဂုဏ်ပြုသောအားဖြင့် အပြာနှင့် အ၀ါရောင်များ ၀တ်ဆင်ကာ မြို့ခံလူထုက နှစ်သစ်ကူးပွဲတော်ကို ဆင်ယင်နွှဲပျော်ခဲ့သည်။

(အေသင်မြို့)

ပိုလန်၊ ဂရိ

ပိုလန်နိုင်ငံ၊ ၀ါဆောမြို့တော်တွင်လည်း လူတစ်သိန်းခန့် စုရုံးကာ နှစ်ကူးပါတီများ မြိုင်မြိုင်ဆိုင်ဆိုင် ကျင်းပနေခဲ့ပြီး ဂရိနိုင်ငံ၊ အေသင်မြို့ရှိ ပြီးခဲ့သောလအတွင်း အဓိကရုဏ်းများ ဖြစ်ပွားခဲ့ရာ Syntagmaပန်းခြံကြီးတွင်လည်း ပြည်သူအများအပြား နှစ်သစ်ကူးပွဲတော်ကို လာရောက်ဆင်နွှဲခဲ့ကြသည်။

ထိုင်းနိုင်ငံ

သို့သော်လည်း အရှေ့တောင်အာရှ၏ ထိုင်းနိုင်ငံ၊ ဘန်ကောက်မြို့တွင်မူ နိုက်ကလပ်တစ်ခု မီးလောင်ပြီး အနည်းဆုံး လူ(၅၉)ဦး သေဆုံးခဲ့သောကြောင့် နှစ်သစ်ကူးအတွက် အကျည်းတန်သော ဖြစ်ရပ်တစ်ခုအဖြစ် မှတ်တမ်းဝင်ခဲ့သည်။

(စင်ကာပူ)

အစ္စရေး၊ ပါလက်စတိုင်း

ထိုအချိန်တွင် ဟားမတ်စ်တို့က ရန်သူတော် အစ္စရေးနိုင်ငံအား နောက်ဆုံးထွက်သက်အထိ တိုက်ခိုက်သွားမည်ဟူသော ကြုံးဝါးအော်ဟစ်သံများမှာ ဂါဇာဒေသရှိ ပြည်သူများ ငိုကြွေးသံများကြားမှ စူးစူးဝါးဝါး ဖောက်ထွက်လာသည်။

အမေရိကန်နိုင်ငံ၏ စီးပွားရေး အချက်အချာ Wall Streetတွင်တော့ စတော့ဈေးနှုန်းများနှင့် ပတ်ချာလည် အလုပ်များနေပြီး ကမ္ဘာ့စီးပွားပျက်ကပ်ကြောင့် ထုတ်ပယ်ခံရရန် နီးစပ်နေသော အလုပ်သမားများ၏ အရေအတွက်ကို တွက်ချက်ကြည့်ရင်း သက်ပြင်းရှိုက်သံများကိုသာ အတိုင်းသား ကြားနေရပြန်သည်။

အိန္ဒိယနိုင်ငံ

အိန္ဒိယကမူ မွမ်ဘိုင်းတိုက်ခိုက်မှုကြောင့် လူ(၁၇၂)ဦး သေဆုံးခဲ့ရမှုအတွက် အိမ်နီးချင်း ပါကစ္စတန်အား မျက်စောင်းတခဲခဲနှင့် ရန်စောင်နေဆဲဖြစ်ပြီး ထိုနှစ်နိုင်ငံ မပြေလည်မှုသည် နျူကလီးယား တင်းမာမှုအထိ ဖြစ်မလာစေရန် နှစ်နိုင်ငံပြည်သူများက ဆုတောင်းနေကြသည်။

(ဆစ်ဒနီမြို့)

သြစတေးလျနိုင်ငံ

သြစတြေးလျနိုင်ငံ၊ ဆစ်ဒနီမြို့တော်ကမူ (၂၀၀၉)ခုနှစ်အတွင်း အခမ်းနားဆုံး နှစ်သစ်ကူးပါတီ ကျင်းပသော မြို့တော်အဖြစ် ပထမဆုံးအကြိမ် အရွေးချယ်ခံခဲ့ရသလို အိမ်နီးချင်း နယူးဇီလန်နိုင်ငံကလည်း Aucklandမိုးပျံတိုက်ကြီးမှတဆင့် မီးရှူးမီးပန်းများ (၂)နာရီကြာ ပစ်လွှတ်ခဲ့ပြီး ကောင်းကင်ယံတစ်ခုလုံး ထိန်လင်းလှပနေစေခဲ့သည်။ သြစတြေးလျနိုင်ငံသားများနှင့် ကမ္ဘာလှည့်ခရီးသည်များ အပါအ၀င် လူတစ်သန်းခွဲခန့်သည် ဆစ်ဒနီ၏ နာမည်ကျော် ပြဇာတ်ရုံကြီးတွင် စုစည်းခဲ့ပြီး ဒေါ်လာသန်းချီပြီး အကုန်အကျခံ လွှတ်တင်နေသော မီးရှူးမီးပန်းများအား လက်ခုပ်လက်ဝါးတီး အားပေးခဲ့သည်။

အာရပ်နိုင်ငံများ

အာရပ်နိုင်ငံ အတော်များများကမူ အစ္စရေးတို့၏ ဗုံးကြဲတိုက်ခိုက်မှုကို မရှုမလှ ခံစားနေရသည့် ပါလက်စတိုင်း ပြည်သူများအတွက် ၀မ်းနည်းခြင်း အထိမ်းအမှတ်အဖြစ် ခမ်းနားကြီးကျယ်သော နှစ်သစ်ကူးပါတီများ ကျင်းပပြုလုပ်ခြင်းကို ပိတ်ပင်ခဲ့ကြသည်။ အီဂျစ်၊ ဂျော်ဒန်၊ ဆီးရီးယားနှင့် ဒူဘိုင်းစော်ဘွားများက နိုင်ငံအတွင်း ပျော်ပွဲရွှင်ပွဲများ ပြုလုပ်ခွင့်မပြုကြောင်း တရားဝင် အမိန့်ထုတ်ခဲ့ပြီး ဒူဘိုင်းရှိတ်စော်ဘွား မိုဟာမက်ဘင်ရာဆတ် အယ်လ်မက်ခ်တူအမ်က ညီအစ်ကိုတော် ပါလက်စတိုင်းတို့ သွေးမြေကျနေချိန်တွင် ၎င်းတို့အနေနှင့် ပျော်ရွှင်မြူးကြွနေသည်မှာ မဖြစ်သင့်သော အခြေအနေတစ်ရပ်ဟု မိန့်ခွန်းပြောကြားသွားသည်။ မော်ရိုကိုနိုင်ငံကလည်း နိုင်ငံရပ်ခြားမှ နှစ်သစ်ကူး ပျော်ပွဲရွှင်ပွဲများကို ရုပ်မြင်သံကြား ဌာနများက ထုတ်လွှင့်ပြသခြင်း မပြုရဟု တားမြစ်ခဲ့သည်။

(မလေးရှားနိုင်ငံ ကွာလာလမ်ပူမြို့)

ဂျပန်နိုင်ငံ

ဂျပန်နိုင်ငံ၊ တိုကျိုမြို့တော်ရှိ ဟီဘိုင်ယာဥယျာဉ်တွင် လူအများစုစုစည်းစည်းနှင့် နှစ်သစ်ကူးကို ကြိုဆိုခဲ့ကြပြီး ဂျပန်ဧကရာဇ် အကီဟီတိုက နှစ်သစ် ဆုမွန်ကောင်းနှင့်အတူ ကမ္ဘာ့စီးပွားရေး အကြပ်အတည်းက နိုင်ငံအပေါ် ရိုက်ခတ်လာခြင်းကြောင့် ပြည်သူများ အခက်အခဲ ကြုံတွေ့နေရမှုနှင့် ပတ်သတ်ပြီး “ကျွန်ုပ်၏ ပြည်သူများ ခံစားနေရသော သောကသည် ကျွန်ုပ်၏ နှလုံးသားသို့ စူးနစ်နာကျင်စေပါသည်”ဟု ထည့်သွင်းပြောဆိုသွားသည်။

တရုတ်နိုင်ငံ

တရုတ်နိုင်ငံကမူ နှစ်သစ်ကူး ပျော်ပွဲရွှင်ပွဲအား သာမန်မျှသာ ဆင်နွှဲခဲ့ကြပြီး မကြာမီကျရောက်တော့မည့် တရုတ်နှစ်သစ်ကူး ပွဲတော်ကြီးကျမှသာ ရိုးရာလပွဲတော်အတွက် သီတင်းတစ်ပါတ်ကြာ အစိုးရရုံးပိတ်ရက်အတွင်း မီးကုန်ယမ်းကုန် ဆင်နွှဲပျော်ပါးကြရန် တရုတ်ပြည်သူ တစ်ရပ်လုံးက အားခဲထားသည်ဟု သိရှိရပါသည်။

သူငယ်ချင်းများအားလုံးအတွက် ပုလဲနက်မှ ကူးယူဖော်ပြခြင်းဖြစ်သည်။

ဆက်လက်ဖတ်ရူ့ရန်

ရန်ကုန် ကရင်နှစ်သစ်ကူးပွဲ စည်ကားစွာကျင်းပ

ကရင် အင်္ကျီ အနီရောင်လေး ၀တ်ထားသော အသက် ၄ နှစ်အရွယ် စောဂေးမူးသည် စင်မြင့် ပေါ်တွင် ခပ်မတ်မတ် ရပ်ကာ ထောင်သောင်းမက များပြားလှသော လူအုပ်ကြီးဆီသို့ တချက်လှမ်းကြည့်လိုက်ပြီး သူမှတ်မိနေသမျှ သော ကရင်အက္ခရာများကို ကရင်သံဖြင့် ပီပီသသ စတင် ရွတ်ဆိုလေတော့သည်။

ရန်ကုန်တိုင်း အင်းစိန်မြို့နယ်ရှိ ကရင်ကျမ်းစာသင် ကျောင်း၌ကျင်းပသော ယခုနှစ် ကရင်နှစ်သစ်ကူးပွဲတွင် ပြုလုပ်သည့် ကရင်စာရွတ်ပွဲကိုလာကြည့်ကြသော ကရင်တိုင်းရင်းသားပရိသတ်က စောဂေးမူးလေး၏ ပီသသော စာရွတ်သံနှင့် မကြောက်မရွံ့ဟန်ပန်တို့ကို သဘောကျစွာဖြင့် လက်ခုပ်တဖြောင်းဖြောင်း တီးလျှက်ရှိသည်။

စောဂေးမူးလေးအလှည့်ပြီးလျှင် သူ့အလှည့်ြ့ဖစ်သည်ဟု ဆိုကာ ကရင်အင်္ကျီအဖြူရောင်လေးနှင့် ခုန်ဆွ ခုန်ဆွ ဖြစ်နေသူ အသက် ၃ နှစ်အရွယ် စောတော်ထီးကလည်း ခုပင် သူ့ထက်သာအောင် ရွတ်ဆိုလိုက်ချင်စိတ်ဖြင့် ပိုပြီးတက်ကြွလာကာ စင်ပေါ်တက်ပြီး စာရွတ်ရန် ဟန်တပြင်ပြင်နှင့် အဆင်သင့်ဖြစ်လျှက်ရှိလေပြီ။

ကရင်ရိုးရာအင်္ကျီလေးများ ၀တ်ထားကြသော အသက် ၃နှစ် မှ ၁၀ နှစ် ၀န်းကျင်အရွယ် ကရင်ကလေး ငယ် များ သည် စာရွတ်ပြိုင်ရန်အတွက် အဆင်သင့်ဖြစ်လျှက်ရှိကြသလို၊ သူတို့၏ မိဘများသည်လည်း လူအုပ်များကြားမှာ လည်တဆန့်ဆန့်နှင့် စောင့်စားနားထောင်ရင် တပြုံးပြုံးနှင့် ၀မ်းသာပီတိဖြစ်နေကြသည်ကို တွေ့မြင်ရသည်။

"ခုလို ကလေးတွေ ကရင်စာဖတ်သံကို တနှစ်မှ တကြိမ်ပဲ ကြားရတော့တယ်၊ ကရင်ကျောင်းတွေပိတ်လိုက် ကတည်းက ကရင်စာတွေပျောက်ကုန်တော့တာပဲ၊ အရင်ကလို ကလေးတွေ ကရင်စာ သင်ခွင့်ရရင် ဘယ် လောက်ကောင်းမလဲ လို့ တောင့်တမိတယ်" ဟု စောဂေးမူး၏ အဘွားဖြစ်သူ အသက် ၇၃ နှစ်အရွယ် ကရင်အမျိုးသမီးကြီးသည် ဝေ့ကျလာသော မျက်ရည်စက်များကို ငုံ့သုတ်ရင်းပြောဆိုသည်။

ကရင်စာပေမှာ ဖတ်စာနှင့်ပင် အထက်တန်းအဆင့်ထိ သင်ကြားနိုင်ပြီး မဆလ (မြန်မာ့ဆိုရှယ်လစ်လမ်းစဉ်ပါတီ) ဦးနေ၀င်းအစိုးရ လက်ထက်အထိပင် ကရင်ရွာများတွင် ကရင်ကျောင်းများ ဖွင့်ခွင့်ရှိခဲ့ကြောင်း၊ အဆိုပါ ကရင် ကျောင်းများမှာ အစိုးရ အသိအမှတ်ပြု ကရင်ဖတ်စာအုပ်များ ထုတ်ဝေခဲ့ပြီး ကရင်စာများသင်ကြားပေးခဲ့ကြောင်း သိရှိရသည်။

စစ်အစိုးရလက်ထက်ရောက်မှ ကရင်ကျောင်းများပိတ်ခဲ့ရပြီး ကရင်ဖတ်စာထုတ်ဝေခွင့်လည်း ပျောက်ဆုံးခဲ့ရကာ မဆလ လက်ထက်မှထုတ်ဝေခဲ့သော ကရင်ဖတ်စာအုပ်အဟောင်းများကိုသာ မိတ္တူကူးလေ့လာကြရကြောင်း စောဂေးမူး၏ အဘွားက ပြောပြသည်။

ယခုကဲ့သို့ စာရွတ်ပြိုင်ပွဲပြုလုပ်ခြင်းအားဖြင့် ကရင်မိသားစုများအနေနှင့် သူတို့ငယ်စဉ်က သင်ကြားခဲ့ရသော ကရင် စာအုပ်ဟောင်းများကို ရှာဖွေထုတ်ယူလာကြကာ သားသမီးများကို သင်ကြားပေးရန်အတွက် သတိပြန်ရ လာ စေခဲ့ကြောင်း စောတော်ထီး၏ ဖခင်ဖြစ်သူကလည်း ပြောဆိုသည်။

ကရင် သက္ကရာဇ် ၂၇၄၇ မှ ၂၇၄၈ သို့ ကူးပြောင်းသည့် ယခုနှစ် ကရင်နှစ်သစ်ကူးပွဲအပါအ၀င် နှစ်စဉ်နှစ်တိုင်း ကရင်စာရွတ်ပြိုင်ပွဲ၊ ကရင် ဖက်ရှင်ရှိုးပြိုင်ပွဲ၊ ကရင်ဒုံးပြိုင် ပွဲ၊ ကရင် ရိုးရာလက်ဝှေ့ ပြိုင်ပွဲ စသဖြင့် ပြိုင်ပွဲ အမျိုးမျိုး နှင့် စာပေနှင့် ယဉ်ကျေးမှု ပြခန်းများ ထည့်သွင်းခြင်းအားဖြင့် ကရင်ရိုးရာနှင့်ယဉ်ကျေးမှုကို တနည်းအားဖြင့် ထိန်းသိမ်းနေခြင်းဖြစ်ကြောင်း ကရင်အမျိုးသားနှစ်သစ်ကူးပွဲတော် ကျင်းပရေးဗဟိုကော်မတီ အလုပ်အမှုဆောင် အဖွဲ့ဝင်တဦးက ပြောသည်။

နှစ်စဉ်ကျင်းပလျက်ရှိသော ကရင်နှစ်သစ်ကူးပွဲကျင်းပရန်အတွက် စစ်အစိုးရထံသို့ ၂ လ အလိုကတည်းက ကြို တင် ခွင့်တောင်းခြင်း၊ ပြခန်းများ၊ ပြိုင်ပွဲများပြုလုပ်မည့်အကြောင်း အသေးစိတ်စာရေးတင်ရခြင်းများပြုလုပ်ခဲ့ရ ကြောင်း၊ ပြခန်းများမပြမီ အကြိုနေ့တွင် သက်ဆိုင်ရာမှ လာရောက်စစ်ဆေးကာ တချို့ဓာတ်ပုံများနှင့် စာစောင် များ၊ ပြခန်းထဲမှ စာတန်းတချို့တို့ကို ပြခန်းမပြမီ ၂ နာရီအလိုတွင် လာရောက်ဖြုတ်ခိုင်းသောကြောင့် ဖြုတ်ပေးခဲ့ ရ မှုများရှိသည်ဟုလည်း ၎င်းကဆိုသည်။

"ယဉ်ကျေးမှုပြခန်းမှာ စောဘဦးကြီးတို့လို ကရင်ခေါင်းဆောင်တွေရဲ့ ပုံတွေ၊ ကေအန်ယူ ခေါင်းဆောင်တွေရဲ့ ပုံတွေနဲ့ သူတို့ အကြောင်းတွေကိုတော့ လွန်ခဲ့တဲ့ နှစ် ၂၀ ကတည်းကနေ ဒီနေ့အထိ ချိတ်ခွင့်မပေးဘူး၊ အထူး သဖြင့် ကေအန်ယူနဲ့ပတ်သက်တာ ဘာမှ ပြခွင့်မရဘူး"ဟု အဆိုပါ အဖွဲ့ဝင်က ဆိုသည်။

တနှစ်တကြိမ် ထုတ်ဝေနေကြ ကရင့်ကြေးမုံမဂ္ဂဇင်းတွင်လည်း ယခုနှစ်တွင် ပိုမိုတင်းကျပ်လာခဲ့ရာ ကရင်သမိုင်း ကြောင်းကိုပေါ်လွင်စေသော ကဗျာ၊ ဆောင်းပါး၊ ၀တ္ထု စသည့်စာပေများကို သက်ဆိုင်ရာမှ တိုင်းရင်းသား ညီညွှတ်ရေးကို ပျက်ပြားစေသည်ဟု အကြောင်းပြချက်ဖြင့် ဖြုတ်ပယ်ခိုင်းခြင်းများပြုလုပ်လာသည်ကို တွေ့မြင်ရ သည်။

"ဒါကတော့ minority right လူနည်းစု တိုင်းရင်းသားအခွင့်အရေးကို ချိုးဖောက်လိုက်တာပဲ၊ စာပေကို သင်ခွင့် မပေးဘူး၊ သမိုင်းကို သိခွင့်မပေးဘူးလို့ပြောလိုက်တဲ့ သဘောပဲ" ဟု ကရင်ခေါင်းဆောင်တဦးက သုံးသပ်သည်။

ထိုကဲ့သို့ကန့်သတ်မှုများကြားမှာပင် ယခုနှစ်ပြခန်းများတွင် သဘာဝပတ်ဝန်းကျင်နှင့်ပတ်သက်သော ပြခန်းကို စတင် တိုးချဲ့ ပြသနိုင်ခဲ့ကြောင်း၊ ထိုပြခန်းများမှာလည်း လူဝင်များသော ပြခန်းများဖြစ်သည်ကို တွေ့မြင်ရ ကြောင်း ကရင်အမျိုးသားနှစ်သစ်ကူးပွဲတော် ကျင်းပရေးဗဟိုကော်မတီ အလုပ်အမှုဆောင် အဖွဲ့ဝင်က ပြောဆို သည်။

"နာဂစ်မှာ ခံလိုက်ရပြီးကတည်းက လူတွေကြားထဲမှာ သဘာဝပတ်ဝန်းကျင်ထိန်းသိမ်းရေးဆိုတာက အရေးကြီး တယ် ဆိုတာ အားလုံးကို သတိပေးလိုက်သလို ဖြစ်ကုန်ကြတယ်၊ ကရင်တွေတော်တော်များများ ၀င်လာပြီး ကြည့်ကြတယ်၊မေးမြန်းကြတယ်" ဟု သဘာဝပတ်ဝန်းကျင်ထိန်းသိမ်းရေးပြခန်းမှ တာဝန်ရှိသူ တဦးကရှင်းပြ သည်။

နာဂစ်မုန်တိုင်းကြောင့် ဧရာဝတီတိုင်းအတွင်းနေထိုင်လျက်ရှိသော ကရင်ရွာများမှာ ၉၇ ရာနှုန်း ခန့်အထိ ပျက်စီး ဆုံးရှုံးခဲ့ရကြောင်း သိရှိရသည်။

ကရင်နှစ်သစ်ကူးပွဲကို ရန်ကုန်မြို့အတွင်း အင်းစိန် ၊ မြောက်ဥက္ကလာ၊ မရမ်းကုန်းနှင့် အလုံမြို့နယ်တို့တွင် ဒီဇင်ဘာ ၂၇ ရက်နေ့မှ စကာ ၂၉ ရက်အထိ သုံးရက်တိတိ ကျင်းပခဲ့သည်။

ဧရာဝတီမှ ကူးယူဖော်ပြသည်။

ဆက်လက်ဖတ်ရူ့ရန်