မြ၀တီလောင်းအားကစားတဦး ဒီကေဘီအေ ပစ်သတ်လို့သေ

NEJ / မတ်လ(၃၀) ရက်၊ ၂၀၀၉
မြဝတီမြို့ ကညနရုံးအနီးရှိ အဓိဋ္ဌာန်အောင်ဘုရားဝင်းအတွင်း ဒီကေဘီအေအဖွဲ့မှ ဦးစီးကျင်းပသည့် လောင်း ကစား အခြေခံ ပျော်ပွဲရွှင်ပွဲ (အာဝါဒေးပွဲ) တွင် လူသတ်မှုဖြစ်ပွားသဖြင့် မြို့နယ်အာဏာပိုင်များက ပွဲကျင်းပခွင့် ပိတ်ပင်လိုက်သည်။

ယခုလ (၂၇) ရက်နေ့ညက ကျင်းပသည့် အဆိုပါအာဝါဒေးပွဲတွင် ဒီကေဘီအေအဖွဲ့ဝင်များနှင့် အချင်းများသည့် လောင်းကစားသမား (၂) ဦးကို ဒီကေဘီအေက သေနတ်ဖြင့်ပစ်ရာ တဦးပွဲချင်းပြီးသေဆုံးပြီး ကျန်တဦးမှာ အပြင်းအထန် ဒဏ်ရာရရှိသွားသည်ဟု မျက်မြင်သက်သေ မြန်မာအလုပ်သမားတဦးက ခေတ်ပြိုင်သို့ ပြော သည်။

၎င်းက “(၂၇) ရက်နေ့ညကဖြစ်တာ။ ကျနော်တို့ရှေ့တင်ပဲ။ ဒီကေဘီအေ ပြောတာက ဒီလူနှစ်ယောက် မူးပြီး သေနတ် ဝင်လုတယ်လို့ ပြောတယ်။ ကျနော်တို့တွေ့တဲ့ အဖြစ်မှန်က သူတို့ပြောသလိုမဟုတ်ဘူး။ မတရား အလုပ်ခံရတာ” ဟု ပြောသည်။

ပွဲမိန့် ပိတ်ခံရသောကြောင့် တိုးတက်သော ဗုဒ္ဓဘာသာ ကရင်အမျိုးသားတပ်မတော် (ဒီကေဘီအေ) အဖွဲ့သည် ကမ်းနားပိုင်းရှိ ဓမ္မရန်အောင် ဘုန်းတော်ကြီးကျောင်းသို့ ပြောင်းရွှေ့ကာ မြန်မာဇာတ်အဖွဲ့နှင့် ရောင်ပြန်ဗွီဒီယိုများ ပါရှိသည့် အာဝါဒေးပွဲကို ဆက်လက်ကျင်းပကြသည်။

ဆယ်တန်းစာမေးပွဲအပြီးတွင် မြဝတီမြို့နယ်အတွင်းရှိ ဝါးတော၊ ဟေမာန်ဦးကျောင်း၊ ဓမ္မရန်အောင်ကျောင်း၊ အဓိဋ္ဌာန် အောင်ဘုရားနှင့် မြဝတီမြို့တောင်ဘက်ရှိ ၉၉၉ ဒီကေဘီအေဂိတ်အသစ်တွင် ရက်ခြား၍ နေ့စဉ်ကျင်း ပ လျက်ရှိသည်။

အာဝါဒေးပွဲ တပွဲလျှင် လောင်းကစားဝိုင်း (၅၀) ခန့်ရှိပြီး တဝိုင်းလျှင် အနည်းဆုံး သုံးသောင်းမှငါးသောင်းအထိ ဒီကေဘီအေသို့ အကောက်ပေးရသည်။ ရရှိသည့်အကောက်ငွေများကို ဒီကေဘီအေအဖွဲ့က အဖွဲ့ရန်ပုံငွေ အဖြစ် အသုံးပြုသည်ဟု ပြောသည်။

အာဝါဒေးပွဲတွင် သေဆုံးသူနှင့်ပတ်သက်၍ ခရိုင်အာဏာပိုင်များက တစုံတရာအရေးယူခြင်းမရှိဘဲ “ဒီကိစ္စ ဒီကေဘီအေက သူ့ဖာသာသူ ရှင်းလိမ့်မယ်" ဟု ပြောကြောင်း မြဝတီမြို့ခံတဦးက ပြောသည်။ အာဝါဒေးပွဲ ကြောင့် မြဝတီခရိုင်အတွင်း ခိုးဆိုးလုယက်မှု များပြားလာကာ လူငယ်အများစု လေလွင့်ပျက်စီးမှုနှုန်း ပိုများလာ သည်ဟု လည်း ဆက်ပြောသည်။

ရိုးမ၃ ကူးယူဖော်ပြပါသည်။

ဆက်လက်ဖတ်ရူ့ရန်

၂၀၁၀ ရွေးကောက်ပွဲကို ဒီကေဘီအေ အဖွဲ့များက ထောက်ခံဖို့ ကတိပေး

နအဖပြုလုပ်မည့် ၂၀၁၀ ပြည့်နှစ်ရွေးကောက်ပွဲတွင် ကရင်ခွဲထွက်အဖွဲ့များက လက်ရှိ တပ်မတော်အစိုးရကို အပြည့်အ၀ထောက်ခံအားပေးသွားမည်ဟု နအဖကို ကတိပေးလိုက်ကြောင်း တိုးတက်သော ဗုဒ္ဓဘာသာ ကရင်အမျိုးသားတပ်မတော် (ဒီကေဘီအေ) အဖွဲ့၏ အဆင့်မြင့် ခေါင်းဆောင်တဦးက ပြောသည်။

နအဖအတွင်းရေးမှူး (၁) ဒုတိယဗိုလ်ချုပ်ကြီး တင်အောင်မြင့်ဦးနှင့်အဖွဲ့ ယခုလ (၂၁) ရက်နေ့၌ ကရင်ခွဲ ထွက်အဖွဲ့များဖြစ်သည့် ဒီကေဘီအေအဖွဲ့၊ ပဒိုအောင်ဆန်းအဖွဲ့၊ စောဌေးမောင်အဖွဲ့တို့၏ အခြေချရာ နေရာများ သို့ လာရောက်စဉ် အဆိုပါအဖွဲ့များက ကတိက၀တ်ပြု ပြောကြားလိုက်ခြင်းဖြစ်သည်။

ကရင်ခွဲထွက်အဖွဲ့တခုဖြစ်သည့် ဒီကေဘီအေအဖွဲ့မှ အရာရှိတဦးက “ကရင်ခွဲထွက်အဖွဲ့တွေအနေနဲ့ ကေအန် ယူနဲ့ ပြန်ပေါင်းဖို့ဆိုတာ ဘယ်လိုမှ ဖြစ်နိုင်စရာ အကြောင်းမရှိတော့ဘူး။ ခေတ်ကာလ အခြေအနေက ပြောင်းသွားပြီ။ ကေအန်ယူဘက်က လာတာပဲ ရှိရင် ရှိမယ်၊ ဒီဘက်ကတော့ ဟိုဘက်ကို သွားစရာ မရှိတော့ ဘူး၊ လက်ရှိဘ၀ကနေ လက်မဲ့ဘ၀ကို ဘယ်သူမှ စွန့်မှာမဟုတ်ဘူး” ဟု ပြောသည်။

နအဖအတွင်းရေးမှူး (၁) ၏ ခရီးစဉ်သည် ကရင်ခွဲထွက်အဖွဲ့များ၏ ပညာရေး၊ လူမှုရေး၊ ကျန်းမာရေး၊ ရေရှည် အကျိုးစီးပွားဖြစ်ထွန်းရေး၊ ဒေသဖွံ့ဖြိုးရေးများအတွက် လာရောက် တွေ့ဆုံအားပေးသည့် ခရီးစဉ်ဟုဆို သော်လည်း အဓိကရည်ရွယ်ချက်မှာ ၂၀၁၀ ရွေးကောက်ပွဲကိစ္စရပ်များအတွက် တဖက်လှည့်ဖြင့် ချည်ပြီး တုပ်ပြီးဖြစ်အောင် လာရောက်သည့် ခရီးစဉ်သာဖြစ်သည်ဟု ကရင်ခွဲထွက်အဖွဲ့ဝင်အချို့က ပြောဆို သုံးသပ်ကြသည်။

နအဖအတွင်းရေးမှူး (၁) နှင့်အဖွဲ့သည် ထော့ကိုကိုးရွာတွင် ကေအန်ယူ/ကေအန်အယ်လ်အေ ငြိမ်းချမ်းရေး ကောင်စီ အဖွဲ့တာဝန်ရှိသူများနှင့် တွေ့ဆုံရာတွင် ယခင်လက ကေအန်ယူမှ ငြိမ်းချမ်းရေးကောင်စီအဖွဲ့သို့ ကူးပြောင်းသွားသည့် ဗိုလ်ချုပ်ကြီးမြ၏ သားငယ် စောနေစိုးမြကိုလည်း ငြိ်မ်းချမ်းရေးကောင်စီအဖွဲ့၏ အဖွဲ့ဝင်တဦးအနေဖြင့် တွေ့ဆုံခဲ့သည့်သတင်းကို ယခုလ (၂၄) ရက်နေ့ညက မြန်မာရုပ်မြင် သံကြားလိုင်းများတွင် ထုတ်လွှင့်ပြသခဲ့သည်။

ကရင်ခွဲထွက် အဖွဲ့တခုမှ ယာဉ်မောင်းတဦးက “အခြေအနေမှန်ကို အားလုံးသိကြပါတယ်။ ဒါပေမယ့် လွန် သွားပြီ။ ကိုယ်လိုချင်တာကို ဥပဒေဘောင်ထဲက တောင်းမယ်ဆိုပြီး ဆင်ဖမ်းမယ်၊ ကျားဖမ်းမယ် ဆိုတဲ့လူတွေ သူတို့ဆီက ဘာမှ ဖမ်းလို့မရဘူး။ ကိုယ့်ကို ပြန်မဖမ်းနိုင်အောင်ကိုဘဲ မီးစင်ကြည့်ပြီး လှုပ်ရှားနေ ရတယ်။ ကျနော်ဆိုရင် မာနယ်ပလော ဌာနချုပ်မှာနေတုန်းက အကောင်၊ အခုတော့ အဖွဲ့က ထောင်ထားတဲ့ ခရီးသည် တင်ကားမောင်းတဲ့ ဒရိုင်ဘာလိုလို ကုန်သည်ပွဲစားလိုလိုဖြစ်သွားပြီး ကိုယ့်ရည်ရွယ် ချက်ကတမျိုး၊ ဖြစ်လာတာ ကတမျိုး ကိုယ်ရွေးတဲ့ လမ်းဆိုတော့ ဘာမှမတတ်နိုင်တော့ဘူး” ဟု ပြောသည်။

ကရင်အမျိုးသားအစည်းအရုံး (ကေအန်ယူ) မှ ခွဲထွက်သွားသည့် ဒီကေဘီအေအဖွဲ့၊ ပဒိုအောင်ဆန်း ဘုရားကုန်းအဖွဲ့ စောဌေးမောင် ဦးဆောင်သည့် ကေအန်ယူ/ကေအန်အယ်လ်အေ ငြိမ်းချမ်းရေး ကောင်စီအဖွဲ့ များ သည် နအဖ ပြုလုပ်မည့် ၂၀၁၀ ပြည့်နှစ်ရွေးကောက်ပွဲကို အပြည့်အ၀ ထောက်ခံကြသော်လည်း ကေအန်ယူ အဖွဲ့ကမူ လူထုဆန္ဒနှင့်အညီမဟုတ်ဘဲ ကျင်းပပြုလုပ်မည့် ၂၀၁၀ ရွေးကောက်ပွဲကို လုံးဝ လက်ခံမည် မဟုတ်ကြောင်း အဖွဲ့၏ ဒု-ဥက္ကဋ္ဌ ပဒို ဒေးဗစ်သကဘောက ယခုရက်ပိုင်း အတွင်း ခေတ်ပြိုင်သို့ ပြောကြား ခဲ့သည်။

ပဒိုအောင်ဆန်း ဦးဆောင်သည့် ငြိမ်းချမ်းရေးအဖွဲ့သည် ဘားအံမြို့နယ် ဘုရားကုန်းရွာတွင် အခြေချပြီး ဦးသာထူးကျော် ခေါင်းဆောင်သည့် ဒီကေဘီအေအဖွဲ့သည် လှိုင်းဘွဲ့မြို့နယ် မြိုင်ကြီးငူရွာတွင် ဌာနချုပ် အခြေစိုက်ကာ စောဌေးမောင်ဦးဆောင်သည့် ကေအန်ယူ/ ကေအန်အယ်လ်အေ ငြိမ်းချမ်းရေး ကောင်စီအဖွဲ့ သည် ကော့ကရိတ်မြို့နယ် ထော့ကိုကိုး ကျေးရွာတွင် အခြေစိုက်သည်။

ရိုးမ ၃ မှ ကူးယူဖေ။ာ်ပြပါသည်

ဆက်လက်ဖတ်ရူ့ရန်

အကြပ်အတည်းကြားက ကေအန်ယူ

Friday, 20 March 2009 19:58 ဧရာဝတီ

မြန်မာစစ်အစိုးရနှင့် အပစ်အခတ် ရပ်စဲခြင်း မရှိသေးသည့် ကရင် အမျိုးသား အစည်းအရုံး (KNU) သည် ၁၉၉၅ ခုနှစ်တွင် ၎င်း၏ မာနယ်ပလော ဌာနချုပ် ကို လက်လွှတ်ရပြီး နောက်ပိုင်း တဖြည်းဖြည်း အင်အား လျော့နည်းလာသည်။ ပြီးခဲ့သည့် နှစ်များအတွင်း KNU ခေါင်းဆောင် ဗိုလ်ချုပ် စောဘိုမြကွယ်လွန်ခြင်း၊ အထွေထွေ အတွင်းရေးမှူး ဖဒိုမန်းရှာ ထိုင်းနိုင်ငံတွင် လုပ်ကြံခံရခြင်းတို့နှင့်အတူ KNU၏ ထိန်းချုပ် နယ်မြေ အများအပြား ဆုံးရှုံးခြင်း၊ အောက်ခြေတပ်တချို့ စစ်အစိုးရနှင့် သွားရောက် ပူးပေါင်းခြင်းတို့ ဆက်တိုက် ဖြစ်ပွားခဲ့သည်။ မြန်မာစစ်အစိုးရနှင့် အပစ်အခတ် ရပ်စဲရေး ဆွေးနွေးပွဲများ အကြိမ်ကြိမ် ပြုလုပ်ခဲ့သော်လည်း အောင်မြင်မှု မရခဲ့ပေ။ KNU သည် ပြည်ပရောက် အတိုက်အခံများနှင့် ရင်းနှီးမှုအရှိဆုံးသော တိုင်းရင်းသား လက်နက်ကိုင် အဖွဲ့ တဖွဲ့ ဖြစ်သည်။ ဧရာဝတီက KNU ဗဟို အလုပ်အမှုဆောင် ကော်မတီဝင် ဖဒိုဒေးဗစ်ထော နှင့် တွေ့ဆုံပြီး KNU၏ လက်ရှိအခြေအနေများကို မေးမြန်းခဲ့သည်။ ဖဒိုဒေးဗစ်ထောသည် ယခင်က KNU၏ နိုင်ငံခြားရေး တာဝန်ခံ အဖြစ် နှစ်ပေါင်းများစွာ တာဝန်ယူခဲ့သူဖြစ်သည်။
မေး။ ။ ထိုင်းနိုင်ငံထဲက KNU စစ်ခေါင်းဆောင်တွေ မကြာသေးခင်က မြန်မာနိုင်ငံဘက်မှာ ရှိတဲ့ KNU ထိန်းချုပ်နယ်မြေထဲကို ပြန်ရတဲ့အကြောင်းတွေ ပြောပြပါဦး။

ဖြေ။ ။ ၂ဝဝ၈ ခုနှစ် KNU ညီလာခံ အပြီးမှာ အပြောင်းအလဲက ဘာလဲဆိုတော့ နအဖ က တွေ့ဆုံ ဆွေးနွေးရေးကို မသွားချင်တော့ဘူး ဆိုတော့ တချို့ ဌာနတွေ ဖျက်ပစ်လိုက်တာရှိတယ်။ ဥပမာ အရင်က နအဖနဲ့ ဆက်ဆံတဲ့ ဗိုလ်မှူးစိုးစိုးရဲ့ ဌာနမျိုးပေါ့။ အဲဒါကို ထိုင်းဘက်က အမြင်မရှင်းတာမျိုး ရှိတယ်။ နအဖက ကမ်းလှမ်းမှုတွေကို ကျနော်တို့ဘက်က စ ဖျက်တယ်လို့ ထိုင်းက မြင်တယ်။

ညီလာခံအပြီး တပ်မဟာ ၆ ဘက်မှာ တိုက်ပွဲတွေ ဆက်ဖြစ်တယ်။ အဲဒီဘက်က တပ်ရင်း ၂ဝ၁၊ ၂ဝ၃ ရှိတယ်။ မြန်မာ စစ်အစိုးရဘက်က တောင်းဆိုမှုကြောင့် ထိုင်းက လမ်းတွေကို တတ်နိုင်သလောက် လိုက်ဖြတ်တောက်တာ တွေ့ရတယ်။ ဒါကြောင့် တချို့ နယ်မြေတွေ ရှုံးရတာ၊ ဆုတ်ပေးရတာ အဲဒါတွေ ပါတယ်။ ရိက္ခာ မပို့နိုင်သလို နောက်ကျောကနေ ဝင် အပစ်ခံရတာတွေ ရှိတယ်။

အဲဒီမှာ ဆက်ဆံရေးက ကျဲလာတဲ့ အခါကျတော့ ဖေဖော်ဝါရီမှာ ထိုင်းဘက်ကနေ ကျနော်တို့ဆီ စာဝင်လာတယ်။ သူတို့နယ်မြေထဲကနေ ကိုယ့်တပ်တွေကို လှမ်းပြီး အမိန့်မပေးဖို့ပေါ့။ ဒါပေမယ့် ကျနော်တို့ ထိုင်းနယ်မြေထဲမှာ ဆက်ပြီး နေနေတယ်။ အဲဒီမှာ စာရလာတယ်။ စာအရ တော့ အမိန့်ပေးနိုင်တဲ့ တပ်မှူးတွေအနေနဲ့ ဖေဖော်ဝါရီ ၂၅ မှာ နောက်ဆုံး ဟိုဘက်ကမ်း ပြန်သွားပေးဖို့ပေါ့။

နောက် … ပို့ရတဲ့ အကြောင်းရင်းတချက်က ပြီးခဲ့တဲ့လက ကုလသမဂ္ဂ လူ့အခွင့်အရေး ကိုယ်စားလှယ် ကင်တာနာ လာတဲ့ အချိန်မှာ (ကရင်ပြည်နယ်) မြဝတီမှာ ပေါက်ကွဲမှု ဖြစ်သေးတယ်၊ အဲဒါ ကျနော်တို့ လုပ်တာလို့ ပြောတယ်။ အရှေ့တောင်တိုင်း တိုင်းမှူး ကိုယ်တိုင် လာကြည့်တယ်။ ဆိုတော့ ပိုပြီး ထိုင်းဘက်က ပိုစိုးရိမ်လာတယ်၊ ဖိအား ပိုများလာတယ်။ မြန်မာ စစ်အစိုးရဘက်ကလည်း KNU, KNU ဆိုပြီး ဝါဒဖြန့်တာတွေ ပို ကြီးလာတဲ့ အခါကျတော့ ထိုင်းအနေနဲ့ ဖဒိုမန်းရှာလို နောက်တယောက် ဖြစ်မှာ စိုးရိမ်လာတယ်။

မေး။ ။ တကယ်လို့ KNU က ငြိမ်းချမ်းရေးယူမယ်ဆိုရင် ကိုယ်ပိုင်နယ်မြေ ရနိုင်မလား။

ဖြေ။ ။ နယ်မြေပေးမယ် ဆိုတာ ဘုရားသုံးဆူရဲ့ မြောက်ဘက်ပိုင်းပေါ့။ အရင် ကျနော်တို့ ၂ဝဝ၅ ခုနှစ် သွားပြီး ဆွေးနွေးတုန်းက အရှေ့တောင်တိုင်း တိုင်းမှူးက သုံးနေရာပေးတယ်။ အဲဒီ နေရာက ကရင်ပြည်နယ်ထဲမှာ ဆိုတော့ ဘယ်တပ်မဆို အဲဒီကို ပြန်လာနေဖို့ ပြောတာ။

အဲဒီမှာ DKBA (KNU၏ ခွဲထွက်အဖွဲ့တခု) လည်း ရှိတယ်၊ နောက်တခုက မွန်ပြည်သစ်ပါတီရဲ့နေရာ ဖြစ်နေတယ်။ ဘယ်သူ ပြန်ပြန် နေပြည်တော်ကတော့ ခေါင်းအေးမယ်၊ ဒါပေမယ့် အဲဒီနေရာမှာ ရှိတဲ့သူတွေကတော့ ခွက်စောင်းခုတ်မှာပဲ။ အခုကလည်း တနိုင်ငံလုံး အတိုင်းအတာကို မကြည့်ကြဘူးလေ။ အားလုံးလိုလိုက နယ်မြေလေး တခုလောက် ရပြီး ရပ်တည်နိုင်တဲ့ အနေအထားရှိရင် တော်ပြီ ဆိုတာမျိုး။

မေး။ ။ KNU ရဲ့ အောက်ခြေ တပ်တချို့က သူတို့သဘောနဲ့ သူတို့ အစိုးရနဲ့ သွားပြီး ပူးပေါင်းမယ် ဆိုရင် ခွင့်ပြုမလား၊ ဘယ်လို သဘောထားရှိလဲ။

ဖြေ။ ။ တခြားတပ်မဟာတွေကတော့ ပြဿနာ မရှိလောက်ဘူး။ ဖြစ်မယ်ဆိုရင်တော့ အထူးတပ်ရင်း ဗိုလ်ချုပ်မြရဲ့ လူတွေ ဘက်က ဖြစ်စရာ အကြောင်းရှိတယ်။ အမှန်က ကျနော်တို့က ကိုယ့်လူကိုယ်လည်း မထိန်းနိုင်ဘူး၊ ဗိုလ်ချုပ်မြ ရှိတုန်းက သူပျိုးထောင်ခဲ့တာတွေက ဗိုလ်ချုပ်မြလူ ဆိုပြီး သဘောထားကြတယ်။ တကယ်က တပ်ဆိုတာက အားလုံး တစုတစည်းတည်း တပ်ဗိုလ် တပ်မှူးရဲ့ အောက်မှာပဲ ရှိသင့်တာကို ခုလို ခွဲခြားလိုက်တော့ ပြဿနာက ဖြစ်လာရော။

တပ်မဟာ ၆ က ထုတ်ပယ်ထားတဲ့သူတွေ ဥပမာ - တဲခီး ဆိုရင် ဗိုလ်ချုပ်မြက ပြန်ခေါ်သုံးထားတယ်။ သူက DKBAနဲ့လည်း အဆက်အစပ် ရှိတယ်။ ဗိုလ်မဟာဆွေ ဆိုရင်လည်း ဗိုလ်ချုပ်မြဆီမှာ တောက်လျှောက် နေလာခဲ့တယ်။ ဒါပေမယ့် သူ့ကို ဦးစီးချုပ်က တခါမှ ပြောဆို ဆွေးနွေး တိုင်ပင်တာ မရှိခဲ့တော့ သူက လွတ်နေတယ်။ သူတို့ကို ရွာသားပြောမလား၊ ဗိုလ်ချုပ်မြလူလို့ ပြောမလား။

ဒီဟာတွေက မရှင်းမရှင်း ရှိနေတော့ ကျနော်တို့ တပ်က ဖွဲ့စည်းပုံကိုက အားနည်းတယ်။ ကျနော်တို့ကလည်း တပ်မဟာ ၃၊ ၄၊ ၅၊ ၆ စသည်ဖြင့် တပ်မဟာတွေကို အာရုံစိုက်ပေမယ့် အထူးတပ်ရင်းတွေကိုကျတော့ အာရုံမစိုက်တော့ အထူးတပ်ရင်းကို ဗိုလ်ချုပ်မြတပ် ဆိုပြီး ဘေးဖယ်သလို ဖြစ်နေတယ်။ တခါ အထူးတပ်ရင်းကလည်း ဗိုလ်ချုပ်မြက သူ့သားတွေကိုပဲ ဦးဆောင်ခိုင်းထားတယ်။ မိသားစုကနေ ပျိုးထောင် ထားတဲ့ တပ်လိုဖြစ်နေတော့ တချို့က သိပ် အမြင် မကြည်ကြဘူး။ နောက်တခါ မာနယ်ပလောတို့ တခြား တပ်ရင်းတွေ ကျတုန်းက ပြေးခဲ့တဲ့ တပ်သားတချို့ကို ဗိုလ်ချုပ်မြက ပြန်ခေါ်သုံးထားတာမျိုးလည်း ရှိတယ်။

အဝေးတပ်ရယ်၊ ဗဟိုတပ်ရယ် ဆိုတဲ့ ဇာတ်လမ်းက ရှိနေတော့ အရေးယူရမလား၊ လိုက်လျောရမလား ဘာမှန်းကို မသိဘဲ ဖြစ်နေတယ်။ အဲလိုမျိုး တခြား တပ်ရင်းတွေကပါ လုပ်မယ် ဆိုရင် ကျနော်တို့ ဘယ်လိုလုပ်မလဲ။ ပဲ့ ပဲ့ ပြီး ထွက်သွားဖို့က များနေတယ်။ DKBA တုန်းကတော့ ပုံစံတမျိုးနဲ့ ဖြစ်ခဲ့တာပဲ။ ဗိုလ်ထိန်မောင် ဖြစ်တော့လည်း ပုံစံတမျိုးပဲ။ ကျနော်တို့ဆီမှာ အကွဲကွဲ အပြားပြား ဖြစ်နေတယ်။

မေး။ ။ KNU မှာ စစ်တပ် အင်အားက ဘယ်လောက် ရှိသလဲ။

ဖြေ။ ။ ၃ဝဝဝ ထက် မပိုဘူး။ တပ်မဟာ ၅ ကတော့ အများဆုံးပဲ။ မြိတ်၊ ထားဝယ်ဘက်မှာလည်း လူရှိရင်တောင် လှုပ်ရှားမှုက တော်တော်နည်းတယ်။ တပ်ရင်းအရ ပြောမယ်ဆိုရင်တော့ တပ်ရင်း ၉၊ ၁ဝ၊ ၁၁ ရှိတယ်။ စာရင်းအရတော့ များတယ်။ ဒါပေမယ့် တကယ့်လူဦးရေက မပြောနိုင်ဘူး။

မေး။ ။ KNUက အင်အား အတော်နည်းနေတော့ နအဖက မဖြိုနိုင်ဘူးလား။

ဖြေ။ ။ ကျနော့်အထင်တော့ မွေးထားတယ်လို့ ထင်တယ်ဗျ။ ဒီကောင်တွေရှိနေတယ်၊ တိုင်းပြည်ကို ကမောက်ကမ လုပ်နေတဲ့ ကောင်တွေ ဆိုပြီး ပြစားလို့ ရတာပေါ့။ တဘက်ကလည်း ကျနော်တို့ လူတွေဘက်ကလည်း စိတ်ဓာတ်တော့ မကျဘူးဗျ။ ကျနော်တို့က ပြောက်ကျားပစ်တယ်၊ ဗုံးထောင်တယ်။ ကျနော်တို့လည်း ဒါပဲ တတ်နိုင်တာကိုးဗျ။

မေး။ ။ ငြိမ်းချမ်းရေး ယူထားတဲ့ အဖွဲ့နဲ့ မယူတဲ့အဖွဲ့ နိုင်ငံရေးအရ ဘာကွာမလဲ။

ဖြေ။ ။ အမှန်ကတော့ လက်နက်ကိုင်ထားတဲ့ အဖွဲ့တွေ အနေနဲ့ကတော့ နိုင်ငံရေးအရ မျှော်လင့်ချက်လေး နည်းနည်း ရှိသေးတယ်ပေါ့ဗျာ။ ဒီမိုကရေစီ အင်အားစုတွေနဲ့ ပူးပေါင်းပြီးတော့၊ နိုင်ငံတကာရဲ့ ဖိအားနဲ့ ပေါင်းပြီး အပြောင်းအလဲကို မျှော်နေတယ်ဗျ။

ငြိမ်းချမ်းရေး အဖွဲ့တွေကျတော့ တချို့က ကျေနပ်လို့တော့ မဟုတ်ဘူး။ အဲဒီလို ငြိမ်းချမ်းရေး ယူလိုက်တဲ့ အခါကျတော့ သူတို့နယ်မြေထဲမှာ သတ်တာတွေ အများကြီးလျော့သွားတယ်၊ နည်းနည်းလျော့တာ မဟုတ်ဘူးနော် .. အများကြီး လျော့သွားတာ။ လူ့အခွင့်အရေး ချိုးဖောက်မှုတွေတော့ ရှိကောင်းရှိမယ်၊ ဒါပေမယ့် သတ်တာကတော့ လျော့သွားတယ်။ နောက်တခု အားသာချက်က လူတွေနဲ့ အနီးစပ်ဆုံး ထိတွေ့ခွင့် ပိုရှိတယ်။ အဲဒါကတော့ အရမ်းကို အကျိုးရှိတယ်ဗျ။ သူ့လူထုကို သူတို့ရဲ့ သဘောတရားကို ပြောပြလို့ရတယ်။

ဒီက လက်နက်ကိုင် အဖွဲ့တွေကျတော့ ဟိုဘက်က ထိုးခွဲလိုက်တဲ့အခါမှာ သွားလည်း မရှင်းနိုင်၊ မီဒီယာမှာ ရှင်းပြန်တော့လည်း သတင်းထုတ်ပြန်ချက် ဆိုတာနဲ့ပဲ ပြီးသွားရော။ ကျနော်တို့ လူတွေကို ရွာတွေမှာ ခေါ်စုပြီး စကားပြောနိုင်တာမျိုး မလုပ်နိုင်တော့ဘူး။ နေရာတိုင်းမှာ နအဖရဲ့ စခန်းတွေ တပ်တွေက ရှိနေတယ်။ ဒီတော့ ရွာတွေကလည်း မင်းတို့ ဘာလိုချင်လဲပြော လုပ်ပေးမယ်၊ ခေါ်ပြီး လူစုတာမျိုးတော့ မလုပ်ပေး နိုင်တော့ဘူး ဆိုတာမျိုး ဖြစ်လာတယ်။ အရင်က ဆိုရင်တော့ ခေါ်စုပြီး ရှင်းလင်းပွဲလေး ဘာလေး လုပ်နိုင်သေးတယ်။

မေး။ ။ ပြန်ဝင်သွားတဲ့ ငြိမ်းချမ်းရေး အဖွဲ့တချို့ ဆိုရင် နိုင်ငံရေး ရည်ရွယ်ချက်တွေလည်း ရှိနေတာပဲ။ KNU ကရော ဘာလို့ ငြိမ်းချမ်းရေး ကိစ္စကို မစဉ်းစားတာလဲ။

ဖြေ။ ။ ကျနော်တို့ နောက်ဆုံး သွားတွေ့တုန်းကဆိုရင် ဗိုလ်ချုပ်ခင်ညွှန့်ရှိတုန်းက ကျနော်တို့ရဲ့ အခြေခံ လိုအပ်ချက် တွေကို ဆွေးနွေးလို့ ရသေးတယ်။ ဒါပေမယ့် ဗိုလ်ချုပ်ခင်ညွန့် ပြုတ်သွားပြီး နောက်လူတွေကျတော့ အဲလို ဆွေးနွေးလို့ မရတော့ဘူး။ ပြန်လာနေရင်နေ၊ မပျော်ရင်ပြန် ဆိုတာမျိုးပဲ သူတို့ဘက်က ပြောတယ်။

နောက်တခါ အဖွဲ့ငယ်လေးတွေကို ခွဲပြီး ခေါ်နိုင်ပြီ ဆိုတာမျိုး ဖြစ်နေတယ်။ ကျနော် ရန်သူဆိုလည်း ဒီတိုင်းလုပ်မှာပဲလေ။ ခွဲနိုင်သမျှ ခွဲထုတ်မယ်၊ အဆောက်အအုံကြီးကိုတော့ ဒီတိုင်း ထားမယ်။ ကျနော်တို့ မပြန်နိုင်ဘူး ဆိုတာကလည်း နိုင်ငံရေး အရ ယုံကြည်ချက်တွေ ရှိကြတယ်။ ညီလာခံကလည်း ဆုံးဖြတ်ထားတာ ရှိတော့ ခေါင်းဆောင်ပိုင်းက ဆုံးဖြတ် ထားတာကို အောက်ခြေက ဖောက်ပြီး မလုပ်နိုင်တာ ရှိတယ်။ တချို့အောက်ခြေကတော့ ပြန်ချင်တဲ့ စိတ်မျိုး ရှိကောင်းရှိမယ်။

နောက်တခုက ပွင့်ပွင့်လင်းလင်း ပြောရရင် ကျနော်တို့ ဆုံးဖြတ်ချက် ချထားတာ ဖဒိုမန်းရှာ ရှိကတည်းကပဲ။ အဲဒါက ကျနော်တို့ ထိန်းချုပ်ထားတဲ့ နေရာတွေမှာ ပြန်နေဖို့။ ကျနော်တို့ကို ကျနော်တို့ တပ်တွေနဲ့ လူထုက လေးစားမှုရှိဖို့။ အနည်းဆုံးတော့ ဆုံးဖြတ်ချက် ချနိုင်တဲ့ သူတွေ ကရင်ပြည်နယ်ဘက်ကို ပြန်နေကြဖို့ပဲ။ ဒါပေမယ့် ဖဒိုမန်းရှာသာ ဆုံးသွားရော အဲဒီ အစီအစဉ်က ဖြစ်မလာဘူး။

ခုဟာက ဗဟိုက မဲဆောက်ဆိုတော့ လူက အထင်သေးတာပေါ့။ ကရင်ပြည်နယ်မှာ ရွာသားတွေက KNU ခေါင်းဆောင်ကို တခါမှ မတွေ့ဖူးဘူး။ ပြက္ခဒိန် ရောက်လာမှ မြင်ဖူးကြတာမျိုး ဖြစ်နေတာ။ တကယ်ဖြစ်သင့်တာက ညီလာခံက ဆုံးဖြတ် ပြီးရင် ဟိုဘက်ကမ်း ပြန်ကြပေါ့၊ တပ်တွေဆီလည်း ကိုယ်သွားနိုင်သလောက် သွားပြီး အားပေးပေါ့ ..။ တပ်နဲ့ တူတူနေတဲ့ ဒုက္ခသည်တွေကို တွေ့သင့်တာပေါ့။ ဒါပေမယ့် ကျနော်တို့ကအစ ဒီဘက်ကမ်း (ထိုင်းနိုင်ငံဘက်အခြမ်း)ကနေ လုပ်နေကြတယ်။ အဲဒီတော့ အထဲက တကယ်လုပ်နေတဲ့ တပ်မှူးတွေကလည်း ကျနော်တို့ကို အားကျတာပေါ့။ အဲဒီတော့ ဒီဘက်ကို လာနေချင်ကြကော။ ဟိုထဲမှာ မလွှဲသာမရှောင်သာလို့ နေနေရတဲ့သူတွေက ဒီလူတွေကို ကြည့်ပြီး စိတ်ဓာတ်ကျတာပေါ့ဗျာ။

မေး။ ။ ကျန်တဲ့ ငြိမ်းချမ်းရေး တပ်တွေကကော လက်နက်ပြန်ကိုင်ပြီး တိုက်မယ်လို့ ထင်သလား။

ဖြေ။ ။ ရိုးရိုး ပြောရရင်တော့ ဒီလူတွေ စစ်ပြန်တိုက်ကြဖို့ မရှိဘူးဗျ။ သူတို့ လူထုနည်းအရ၊ နိုင်ငံရေး အရပဲ ဆန့်ကျင်နိုင်မယ်။ ဝ ဒေသဆိုရင်လည်း စစ်ရေးအရ တရုတ်ကသာ ပံ့ပိုးပေးနေမယ်ဆိုရင် .. ပံ့လည်း ပံ့ပိုး ပေးနေတာပဲ ဆိုတော့ နအဖက သွား တိုက်ဖို့ တော်တော် စဉ်းစားရမယ်။ ဝ ကိုက တရုတ်က တော်တော်လေး ချုပ်ကိုင်ထားနိုင်တယ်၊ ဝ ရဲ့ ထွက်ပေါက်ကလည်း တရုတ်ပဲကိုး။ ကချင် ဆိုရင်ကော အရင်က တော၊ ခြုံဆိုတဲ့ နေရာတွေ ခု လူနေအိမ်ခြေ တိုက်တာနဲ့ စီးပွားရေး လုပ်ငန်းတွေနဲ့ ဆိုတော့ စစ်ပြန်ဖြစ်ဖို့ ဘယ်သူမှ စဉ်းစားမှာ မဟုတ်တော့ဘူး။

သူတို့ထဲမှာ စစ်သားဦးရေက နည်းတာ မဟုတ်ဘူး။ ဒါက စစ်မတိုက်ရလို့ကိုး။ စစ်တိုက်ရရင် ဘယ်သူမှ စစ်ထဲ လိုက်မှာ မဟုတ်တော့ဘူးလေ။

မေး။ ။ KNU နဲ့ လက်ရှိ ဒီမိုကရေစီအင်အားစုတွေ၊ တပ်ပေါင်းစုတွေအပေါ် အမြင် ပြောပြပါဦး။

ဖြေ။ ။ ခုအချိန်မှာတော့ တပ်ပေါင်းစုတွေမှာတော့ KNU ကို ဗန်းပြအနေနဲ့ နေရာပေးထားတာတော့ ရှိတယ်။ NCUB တပ်ပေါင်းစုအဖွဲ့က စင်ပြိုင်အစိုးရ ဖွဲ့မယ် ဆိုတာမျိုး ဖြစ်လာတယ်။ KNU ကလည်း ရန်သူကို တိုက်မယ် ဆိုရင် ကြိုက်တာပဲ၊ ဘယ်လိုပဲ တိုက်တိုက်လေ။

ဒါပေမယ့် နောက်ဆက်တွဲ ပြဿနာတွေကို မစဉ်းစားတဲ့ အပိုင်းတွေ ရှိတာလည်း တွေ့လာရတယ်။ အဲလို ပုံစံဆိုတော့ အထဲမှာ ရှုပ်ထွေးမှုတွေ ဖြစ်လာတယ်ပေါ့။ ငြိမ်းချမ်းရေး အဖွဲ့တွေကော ပါနိုင်မလား။ မလွယ်ဘူး။ သူတို့ သွားချင်တဲ့ ပုံစံက တမျိုးပဲ။ အိပ်မက်ကြီးလို ဖြစ်နေတယ်။ လက်ရှိ သူတို့ ရှိတဲ့ အခွင့်အရေးကို လွှတ်ပြီး ကျနော်တို့ ပေးတဲ့ လေထဲက အခွင့်အရေးကို ယူမလားဗျ။

မေး။ ။ လုပ်ကြံခံရတဲ့ KNU ခေါင်းဆောင် ဖဒိုမန်းရှာက ရန်သူ တော်တော်များခဲ့လား။

ဖြေ။ ။ KNU တခုလုံးရဲ့ ပြောရေးဆိုခွင့်ရှိတဲ့ အထွေထွေ အတွင်းရေးမှူး ဆိုတော့ သူက မူပေါ်မှာ ရပ်တည်ပြီး အကောင်အထည်ဖော် ပြောဆိုတဲ့အခါမှာ သူ့ကို မကြိုက်တာမျိုးတွေ ရှိကောင်း ရှိနိုင်မယ်။ သူ့ကို မသတ်ခင်မှာ DKBAတို့၊ နအဖတို့က ဖြန့်တဲ့စာတွေ တွေ့ကြမှာပါ။ ကားဗုံးခွဲတဲ့နေရာမှာ အပြစ်မဲ့ပြည်သူတွေ သေတာ မန်းရှာလက်ရာ၊ ကိုကြည်လင်း (စစ်အစိုးရနှင့်သွားရောက်ဆွေးနွေးသူ KNU ဒု ဗိုလ်မှူးကြီး) သေတာ မန်းရှာလက်ရာ အဲလိုတွေ မြှောက်ပေးတော့၊ စွပ်စွဲတော့ သူက ပိုကြီးထွားလာရော။ အဲဒီမှာ ထိုင်းဘက်က လမ်းဖောက်ဖို့တို့၊ ရေလှောင်တမန် ကိစ္စတို့မှာ သူက မူအရ ငြင်းရတော့ တချို့က မန်းရှာနဲ့ စကားပြောရတာ ခက်တယ် ဆိုတာမျိုးတွေ ဖြစ်လာတာပေါ့။ ကျနော့်အထင် သူ့မှာ ရန်သူ များတယ်လို့ ပြောရလောက်အောင်တော့ မဟုတ်ပါဘူး။ နောက်ဆုံးမှာတော့ အဖွဲ့အစည်းတခုလုံးရဲ့ဒဏ်ကို ခံလိုက်ရတာပါ။

မေး။ ။ ၂ဝ၁ဝ ရွေးကောက်ပွဲ ပြီးသွားရင် တိုင်းရင်းသား လက်နက်ကိုင် အဖွဲ့အစည်းတွေက ဘာဖြစ်လာမယ်လို့ ထင်သလဲ။

ဖြေ။ ။ စစ်တပ်ကို သုံးပြီး အပစ်ရပ် အဖွဲ့တွေကို လက်နက် လုံးဝ ဖြုတ်ခိုင်းမလား .. ဒါမှမဟုတ် အပစ်မရပ်သေးတဲ့ အဖွဲ့တွေကို အပြတ် ချခိုင်းမလား၊ ဒါကတော့ နောက်တက်မယ့် အစိုးရပေါ်မှာ မူတည်တာ။

ကျနော်တို့ကတော့ ဒီတိုင်း ဆက်နေသွားမယ် ဆိုတာ ရှင်းပေမယ့် နောက်တက်မယ့် အစိုးရ ဘာလုပ်မယ်ဆိုတာ ခုထိမရှင်းဘူး။ ၂ဝ၁ဝ ပြီးသွားလို့ ရှေ့လျှောက်မှာ နအဖလည်း အခက်အခဲ ပိုများလာမယ်။ ကျနော်တို့ကတော့ ဒီထက် ပိုခက်စရာ အကြောင်း မရှိတော့ဘူးလို့ ထင်တယ်။ ကျနော်တို့အတွက်က အခုကာလက တကယ့်အကြပ်အတည်း ဆုံးပဲ။ ဘဏ္ဍာငွေအားဖြင့် အခက်အခဲရှိတယ်၊ လူစုရတာလည်း အခက်အခဲရှိတယ်။ အခက်အခဲက မျိုးစုံတယ်။

မေး။ ။ KNU ရဲ့ တပ်တွေကို ထောက်ပံ့ဖို့ မလွယ်တော့ဘူး ဆိုတဲ့ သဘောလား။

ဖြေ။ ။ အဲဒါပေါ့ .. ခုလောလောဆယ် ကျနော်တို့ လူထုကလည်း အကုန်လုံး ဒုက္ခသည်ဖြစ်ကုန်ပြီ .. အရင်ကလို ကျနော်တို့ ဝန်ကို မထမ်းနိုင်တော့ဘူး။ ရုန်းကန်တဲ့နေရာမှာ မိသားစုတွေက ကိုယ့်ဘာသာ စားနိုင်ပေမယ့် တပ်တွေအနေနဲ့ က အနည်းအကျဉ်းတော့ လိုတယ်။ အဲဒီအတွက် နိုင်ငံတကာမှာ ရှိနေတဲ့ အဖွဲ့အစည်းတွေက ဝိုင်းဝန်း ပံ့ပိုးတာလောက်တော့ ရှိပါတယ်။

လက်နက်ဆိုရင်လည်း ရှိရင်တောင် ဝယ်ဖို့ အတော်ခက်ခဲနေပြီ။ ကျနော်တို့ကို ထိုင်းက လက်နက် စ ဖြတ်တောက်တာ ဆိုရင် ၁၉၉ဝ လောက်က စတာပဲ။ အစောပိုင်းက ကျန်နေတာတွေ ရှိနေလို့သာ ခုနောက်ပိုင်း တော်တော်လေးခံသာတာ။

မေး။ ။ ဖိအားတွေ များနေတယ်၊ ပြဿနာ ပေါင်းစုံရှိတယ်၊ KNU ထဲက နောက်ထပ် ခွဲထွက်နိုင်မယ့်သူတွေကလည်း ရှိနေတယ် ဆိုတော့ KNUရဲ့ နိုင်ငံရေး ရပ်တည်ချက် ပြောင်းသွားနိုင်လား။

ဖြေ။ ။ ပြောင်းသွားနိုင်တယ်ဗျ။ အဲဒါတွေ ပြန်ထိန်းတဲ့အနေနဲ့ ပေါ်လစီ ပြောင်းနိုင်တယ်။ ပြောင်းမယ့် ပေါ်လစီကလည်း ပြန်မယ့်သူပြန်၊ နေမယ့်သူနေ .. ဒါပေမယ့် ရန်မဖြစ်နဲ့ ဆိုတာမျိုးဖြစ်နိုင်တယ်။ သဘောက DKBA ပြန်တယ်။ ရန်ဖြစ်တယ်။ ထိန်မောင် ပြန်တယ် ရန်ဖြစ်တယ်ဆိုတာရှိတယ်လေ .. အဲဒါက ပေါ်လစီ မကျဘဲ ပြန်ကြတာကိုး။

နောက်တခုရှိတာကတော့ ပြန်ရင်တောင် အရင်ကလို အစုလိုက် အဖွဲ့လိုက် ပြန်တာမျိုး မဖြစ်နိုင်တော့ဘူး၊ နယ်မြေတွေကလည်း ကွဲပြားကုန်ပြီကိုး။ ဒီတော့ ပြန်ရင်လည်း နီးစပ်တဲ့အဖွဲ့လေးတွေ ပြန်ကြလိမ့်မယ်။ ဒါကလည်း ထိုင်းရဲ့ ပေါ်လစီပေါ်မှာ မူတည်တယ်။ အရင်ကတော့ ထိုင်းက တစုံလုံး အစုနဲ့ အဖွဲ့နဲ့ ပြန်တာမျိုး လုပ်စေချင် တယ်။ တစစီပြန်ရင် သူတို့ မထိန်းနိုင်ဘူးလေ။ ခုတော့ သူတို့လည်း တစုံလုံးပြန် ဆိုတာမျိုး မလုပ်နိုင်တော့ဘူး။ တစစီ ပြန်ချင်လည်း ပြန်။ ပြန်ဖို့ပဲ လိုရင်း ဆိုတာမျိုး ဖြစ်နေပြီ။

မေး။ ။ အထဲပြန်ဝင်ရေး၊ မဝင်ရေးနဲ့ ပတ်သက်ပြီး ဦးဒေးဗစ်ထောရဲ့ သုံးသပ်ချက် ပြောပြပေးပါ။

ဖြေ။ ။ တင်းခံတယ် ဆိုတာ ကောင်းပါတယ်။ ဒါပေမယ့် ကိုယ့်မှာ တင်းခံနိုင်လောက်တဲ့ အနေအထားတော့ ရှိဖို့ လိုတယ်။ ဟိုအရင်ကတော့ ဖြစ်နိုင်တယ်၊ (စစ်အစိုးရနဲ့) မတွေ့လည်း ရတယ်။ အခု အခြေအနေမှာ တွေ့ချင်ပါတယ် ဆိုရင်တောင် တွေ့ဖို့လွယ်တဲ့ အနေအထား မဟုတ်ဘူး။

မေး။ ။ တကယ်လို့ KNU က အပစ်ရပ်ပြီး ငြိမ်းချမ်းရေး ယူခဲ့မယ် ဆိုရင် ၂ဝ၁ဝ ရွေးကောက်ပွဲကို ဝင်ဖို့ စိတ်ကူးထားသလား။

ဖြေ။ ။ မဟုတ်ဘူးဗျ။ ၂ဝ၁ဝ ကတော့ ဝင်လည်း မထူးဘူး။ လူထုစည်းရုံးမှုတွေ အများကြီး ပြန်လုပ်ရဦးမယ်။ ဒီတော့ အရှိကို အရှိအတိုင်း ပြောရရင် KNU အနေနဲ့ မဲပုံး ထောင်လို့ကို မရသေးဘူး။ နိုင်ငံရေး ပြန်လုပ်ချင်ရင် အများကြီးကို ပြန်လုပ်၊ ပြန်တည်ဆောက်ရဦးမယ်။

ဆက်လက်ဖတ်ရူ့ရန်

၂ဝ၁ဝ ရွေးကောက်ပွဲတွင် ဝင်ကစားသင့်မသင့် ဆိုတာနဲ့ပတ်သက်ပြီး မြန်မာအရေးသုံးသပ်သူ ဦးအောင်သူငြိမ်းနှင့် ရဲဘော်ဖိုးသံချောင်းတို့ကို ဗွီအိုအေမှ ဆက်သွယ်မေးမြ

";})();ButtonMouseDown(this);'>";})();ButtonMouseDown(this);'>

";})();ButtonMouseDown(this);'>

ရက်စွဲ။ ၁၉။၃။၂ဝဝ၉
";})();ButtonMouseDown(this);'>
ဗွီအိုအေ၊ ၊ စစ်အစိုးရက ကျင်းပဖို့စိုင်းပြင်းနေတဲ့ ၂ဝ၁ဝ";})();ButtonMouseDown(this);'> ရွေးကောက်ပွဲဟာ တိုင်းပြည်တွက် အကျိုးထက် အဆိုးကိုသာ ဖြစ်စေနိုင်တယ်လို့ယူဆပြီးလုံးဝပြစ်ပယ်သင့်ပါသလား၊ ဒါမှမဟုတ် ဒါဟာအခွင့်အရေး တစ်ရပ် ဖြစ် ယူဆပြီးဝင်ကစားသင့်ပါသလား လို့ဆိုတာနဲ့ပတ်သက်ပြီး မြန်မာ့အရေးသုံးသပ်သူ ဦးအောင်သူငြိမ်းနဲ့ (ဗကပ)ပြောခွင့်ရ ရဲဘော်ဖိုးသံချောင်းနဲ ဦးကျော်စံသာက ဆက်သွယ်မေးမြန်းတဲ့အခါမှာ ဦးအောင်သူငြိမ်း ကစပြီး ဆွေးနွေးတင်ပြထားပါတယ်၊

ဦးအောင်သူငြိမ်း၊ ၊ဒီနေရောမှာ ကျနော်ပထမဦးဆုံးဆွေးနွေးချင်တာကတော့ ဒီရွေကောက်ပွဲနဲ့ ပတ်သက် လို့ ကျနော်က အကောင်းမြင်တယ်ဆိုတဲ့ ဟာမျိုးဆိုလို့ရှိရင် တစ်ဖက်ဟိုမှားနိုင်တာမျိုးလည်း ရှိနိုင်တယ်၊ ကျနော်မြင်တာကတော့ အခုရွေး ကောက်ပွဲဟာ ဘာပဲဖြစ်ဖြစ် မလွဲမသွေ (၂ဝ၁ဝ)မှာ စစ်အစိုးရက ဒီအတိုင်း ကျင်းပတော့မယ့် ပုံစံဖြစ်ပါတယ်၊ ဒီရွေးကောက်ပွဲ ပြီးတဲ့အခါမှာလည်း ပြီးခဲ့တဲ့ (၂ဝဝ၈)ခုနှစ် ကျင်းပတဲ့ ဒီဆနခြံယူပွဲအတိုင်းပဲ ဖွဲ့စည်းပုံကို အတင်းအကျပ်အတည်ပြုသွားသလို ဒီလိုမျိုးလုပ်သွား နိုင်တဲ့အနေအ ထားလည်း အများကြီးတွေ့ရပါတယ်၊ ဒါပေမယ့် ကျနော်သုံးသပ်တာကတော့ ကျနော်တို့ဒီမိုက ရေစီထပ် လှုပ်ရှားမယ်ဆိုတာက ရေရှည်ဖြတ်သန်းရမယ့် ခရီးပုံစံမျိုး ကျနော်မြင်ပါတယ်၊ အဲ့တော့ (၂ဝ၁ဝ) ရွေး ကောက်ပွဲဆိုတာကလည်း ဒီရေရှည်ခရီးရှည်ခရီးထဲမှာ အဆင့်တခုပဲလို့ ကျနော်မြင်ပါတယ်၊ အဲတော့ ဘာပဲ ဖြစ်ဖြစ် ကျနော်တို့ ကြိုက်သည်ဖြစ်စေ မကြိုက်သည်ဖြစ်စေ ဒီရွေးကောက်ပွဲတဆင့်မှာတော့ ကျနော်တို့က ထပ်ပြီးလှုပ်ရှားရဦးမယ့်အနေအထားမျိုး ကျနော်မြင်လို့ ပြော တာဖြစ်ပါတယ်၊

ဗွီအိုအေ၊ ၊ဆိုတော့ဒီရွေးကောက်ပွဲအဆင့်မှာဝင်ပြီးတော့ လှုပ်ရှားကြမယ်ဆိုတာ ဘယ်လိုပုံစံမျိုးနဲ့ လှုပ်ရှားနိုင်တဲ့အခွင့် အလမ်းမြင်မိပါသလဲ၊

ဦးအောင်သူငြိမ်း ၊ ၊အခုအနေအထားမှာတော့ ကျနော်က တိုင်းပြည်ပြင်ပမှာရှိနေတဲ့အတွက်ကြောင့် ဝင်အရွေးခံဖို့ဆို တာလည်း လုံးဝအကြောင်းမရှိပါဘူး၊ နောက်တစ်ခုက ဒီလိုဝင်အရွေးခံမယ်ဆိုတာမျိုးလည်း ဒါလုံးဝမဖြစ်နိုင်တဲ့ အခြေအနေပါ၊ ဒါပေမယ့်လည်း ကျနော်တို့ တိုင်းပြည်ထဲမှာ တချို့ အင်အားစုတွေ သို့မဟုတ်ရင် ရပ်ရွာထဲမှာရှိတဲ့ခေါင်းဆောင်တွေ တချို့က ဝင်ပြီးတော့ ယှဉ်ပြိုင်ချင်တယ်၊ တချို့နိုင်ငံရေး ပါတီတွေက စစ်အစိုးရနဲ့ မနီးစပ်တဲ့အုပ်စုတွေထဲကနေပြီးတော့ စုထုံစပြီးတော့ ထူထောင်ပြီး တော့ယှဉ်ပြိုင် မယ်ဆိုလိုရှိရင်လည်း ကျနော်တို့တတ်နိုင်တဲ့ဘက်က ပံ့ပိုးပေးတဲ့ အနေအထားမျိုးပဲ ဖြစ်နိုင်ပါလိမ့် မယ်၊

ဗွီအိုအေ၊ ၊ ဒီရွေးကောက်ပွဲကို ဆန့်ကျင်မယ်။ သပိတ်မှောက်မယ်ဆိုတဲ့အယူအဆမျိုးတော့မရှိဘူးပေါ့၊

ဦးအောင်သူငြိမ်း ၊ ၊ဒီလိုရွေးကောက်ပွဲကို ဆန့်  ကျင်မယ်ဆိုတာကတော့ ကျနော်ထင်တယ် ကျနော်တို့  နိုင်ငံပြင်ပမှာ ရှိနေတဲ့ အတိုက်အခံအင်အားစု အတော်များများက ပြောနေကြပါတယ်၊ အဲ့ဒီတော့ ကျနော်မြင် တာကတော့ ဆန့်ကျင်တဲ့သူတွေလည်း ရှိကောင်းရှိနိုင်ပါတယ်၊ ဒါပေမယ့် ကျနော်တို့ဆန့်ကျင်တဲ့ကိစဏက ဘယ်လောက်အထိအကျိုးသက်ရောက်မလဲဆိုတာ ကျနော့်အနေနဲ့ တွက်ထားလိုက်ရှိရင် ပြီးခဲ့တဲ့ဆနခြံယူပွဲ တုန်းကလိုပဲ ကျနော်တို့ရဲ့ဆန့်ကျင်မထဟာလည်း သိပ်ပြီးအကျိုးသက်ရောက်နိုင်မယ်လို့ ကျနော်မမြင် ပါဘူးခင်ဗျာ၊


ဗွီအိုအေ၊ ၊ ဟုတ်ကဲ့ ရဲဘော်ဖိုးသံချောင်းအနေနဲ့ ဘယ်လိုမြင်ပါသလဲ ဒီရွေးကောက်ပွဲနဲ့ ပတ်သက်ပြီးတော့ အခွင့်အလမ်း တစ်ရပ်အနေနဲ့ ဝင်ပြီးတော့ ဒီဟာကို အသုံးချမှာလား သိုနည်းမဟုတ် ဒါ ၊

ရဲဘော်ဖိုးသံချောင်း၊ ၊ ပထမအခြေခံ သဘောမျိုးပြောထားချင်တာတခုက ဒီရွေးကောက်ပွဲမှာ ဝင်ပြိုင်တဲ့လူတိုင်းဟာ အချောင် သမားဆိုတာမျိုးကျနော် မပြောပါဘူး၊ ကိုယ်စီကိုယ်စီ စဉ်းစားချက်တွေနဲ့ ဝင်ကြတာဖြစ်ပါတယ်၊ တချို့ကလည်း နအဖအကုန်လုံး လက်ဝဲကြီးအုပ်မှာဆိုးလို့ ဝင်နေတယ်ဆိုတဲ့ဟာမျိုး ရှိပါလိမ့်မယ်၊ အဲသလိုစဉ်းစားပြီးဝင်တဲ့လူမျိုးဆိုရင် ကျနော်တို့က မဆန့်ကျင် သင့်ပါဘူး၊ ဒါပေမယ့် ဒီရွေးကောက်ပွဲဟာ တခုလုံးနဲ့သဘောမျိုးနဲ့ပြောရမယ်ဆိုလိုရှိရင် ပြီးခဲ့တဲ့ နှစ်ကသူတို့လုပ်ခဲ့တဲ့ ဖွဲ့စည်းပုံ အခြေခံဥပဒေကို အတည်ပြုဖို့ ပိုပြီးတော့ တရားဝင်သွားအောင်လုပ်ဖို့အတွက် ပြင်ဆင်ထားတဲ့ရွေးကောက်ပွဲ ဖြစ်ပါတယ်၊ ဒီဖွဲ့ စည်းပုံသာ မြန်မာပြည်မှာအတည်ပြုသွားလို့ရှိရင် ဗမာပြည်ဟာ နောက်နှစ်ပေါင်းများစွာ ဒီစစ်အာဏာရှင်တွေက သဏာန် တစ်မျိုး အုပ်ချုပ်တဲ့အောက်မှာ ဆက်ခံနေရမှာဖြစ်ပါတယ်၊ အဲ့ဒါကြောင့်မို့ ရွေးကောက်ပွဲအပါအဝင် ဖွဲ့စည်းပုံနဲ့ ပတ်သက်တဲ့ လှုပ်ရှားမထမှန်သမျှကို ကျနော်တို့က ဆန့်ကျင်ပြောဆို နေကြတာဖြစ်ပါတယ်၊ အဲ့တော့ ဖြစ်လာနိုင်တာက ဘာဖြစ်လာနိုင်တယ်ဆိုတော့ ရွေးကောက်ပွဲဆိုတဲ့ ကိစ္စလေးအသံလေးထွက်လာတာနဲ့ပဲ တကယ့်ကျတော့ ရွေးကောက်ပွဲဥပဒေ ပေါ်မလာသေးဘူး၊ တခြားလဲဘာမှခိုင်ခိုင်မာမာ လက်ဆုပ်လက်ကိုင် ကျနော်တို့ မသိကြသေးဘူး၊ အဲလိုအခြေအနေမျိုးမှာကိုပဲ ဗမာပြည်ထဲမှာ အတော်ကို လှုပ်လှုပ်ရွရွဖြစ်လာကြတယ်၊ ရွေးကောက်ပွဲကို ဘယ်လိုပါဝင်ကြမလဲ ဆိုတာအတွက် ညီလာခံသဘောမျိုး လုပ်ကြတာတွေ ဘာတွေ ဒါတွေကို အကုန်လုံးနအဖ ခွင့်ပြုထားတယ်၊ နအဖခွင့်ပြုထားတယ်ဆိုကတည်းက ကျနော်တို့အများဒကီး စဉ်းစားစရာကောင်းတယ်၊

ဗွီအိုအေ၊ ၊ ဟုတ်ကဲ့နောက်ပြီးတော့ ရဲဘော်ဖိုးသံချောင်းခင်ဗျာ တိုင်းပြည်မှာ နိုင်ငံရေးကိုလုံးဝခွင့်မပြုထား တာကနေပြီးတော့ နည်းနည်းပါးပါးခွင့်ပြုလာတယ်၊ ခွင့်ပြုတဲ့ လူတွေကလည်း။ လှုပ်ရှားမယ့်လူတွေကလည်း စစ်အစိုးရအလိုကျ လိုက်လုပ်မယ်လူတွေ ချင်းမဟုတ်ဘူးဆိုတာ ဒါဟာ တဖက်သက်အခြေအနေ လို့သုံးသပ် လို့မရပါဘူး၊

ရဲဘော်ဖိုးသံချောင်း၊ ၊ အဲလိုသုံးသပ်လို့မရပါဘူး ဒီဟာ သိပ်ပြီး ဒကာနောက်ပါသွားတယ်ထင်တယ်။ အနှစ်သာရဟာ ဒီစစ်အာဏာရှင်စနစ်ကို အခုအတိုင်းဆက်သွားလို့မရဘူး စစ်အာဏာရှင်စနစ်ဟာ အဲ့လိုအခါမှာ ပိုပြီးတော့ ချောင်ချောင်ချိချိလေး လှုပ်နိုင်ရှားနိုင်မယ့် ပိုပြီး သူတို့ရဲ့တာရှည်တည်မြဲမူကို အာမှခံချက်ရှိစေမယ့်နည်းနာ ဖန်တီးတာဖြစ်ပါတယ်၊ ကျနော် အဲ့လိုမျိုးလုပ်ဖို့လိုတယ်၊

ဗွီအိုအေ၊ ၊ ဟုတ်ကဲ့စစ်အာဏာရှင်တွေ ယွင်းသာလွန်းသာဖြစ်အောင် သူတို့အခြေအနေနဲ့ ဖန်တီးခြင်းသာ ဖြစ်တယ်၊

ရဲဘော်ဖိုးသံချောင်း၊ ၊ ဟုတ်ပါတယ်ခင်ဗျာ။ အဲ့လိုချည်းကပ်ခြင်းမျိုး ကျနော်ထင်တယ်၊ အဲ့တော့အခု ဘာတွေ့လာတာလဲဆိုတော့ ဒီရွေးကောက်ပွဲ စစ်အာဏာရှင်တခုလုံးပဲပြောပြော သူတို့ဘေးမှာ ဝန်းရံနေတဲ့ အင်အားစုတွေ။ ကြံ့ဖွံ့အပါအဝင်အားလုံး ဒါတွေအားလုံးဟာ ကိုယ်ကျိုးစီးပွားတွေပေါ်မှာ တည်ဆောက်ထား တာပါ၊ တိုင်းပြည်ရဲ့စီးပွား ဒါမှမဟုတ်ရင် အယူအဆတစ်ရပ်အပေါ်မှာ ဟို တခုခု အပေါ်မှာ တည်ဆောက် ထားတဲ့ ညီညွတ်မထမဟုတ်ပါဘူး၊ စစ်အုပ်စုထဲမှာလည်းဖြစ်မယ်။ သူလူ ကိုယ့်လူ။ စစ်အုပ်စုထိပ်ပိုင်းမှာ မဖြစ်တောင်မှ တချို့အောက်ခြေ တွေထဲမှာ တချို့ ဘယ်သူကျတော့ တပ်ထဲထားတယ်။ ဘယ်သူကျတော့ တပ်ပြင်ထုတ်လိုက်တယ်၊ ဘယ်သူ့ကျတော့ အမတ်ရွေးခိုင်းတယ်။ ဘယ်သူကျတော့ ဝန်ကြီးလုပ်ခိုင်းတယ် ဆိုတာမျိုး ဖြစ်လာမှာပါ၊ အဲ့လိုပဲ သူတို့ရဲ့ ကြံ့ဖွံ့လိုဟာတွေ ငါတို့ကို အသေခံခိုင်းစရာ။ လူမုန်းခံခိုင်းစရာ ရှိတဲ့အခါကျတော့ ခိုင်းတယ် အခုလိုနေရာမျိုးကျတော့ မပေးဘူး၊ အဲ့ဒါမျိုးတွေ ဖြစ်လာမှာပါ၊

ဗွီအိုအေ၊ ၊ အဲလိုဆိုတော့လည်း သူစရိတ်နဲ့သူသွားမယ့်ပွဲပေါ့ဗျာ၊

ရဲဘော်ဖိုးသံချောင်း၊ ၊ ဟုတ်ကဲ့အများကြီးအသစ်တွေ အဆန်းတွေထူးထူးခြားခြားဖြစ်လာနိုင်တဲ့ ကိစ္စလို့ ထင်ပါတယ်၊

ဗွီအိုအေ၊ ၊ အဲ့လိုဆိုတော့ ကိုအောင်သူငြိမ်းက တချို့ဒီရွေးကောက်ပွဲဝင်ကြမယ်ဆိုရင် ကိုအောင်သူငြိမ်းတို့ ကိုယ်တိုင်တော့ ဝင်မှာမဟုတ်ဘူး၊ ဒါပေမယ့် အဲ့ဒီလူကို ပံ့ပိုးပေးချင်တယ်ဆိုတဲ့ ဟာကိုပြောပါတယ်။ ဘယ်လိုသဘောမျိုးနဲ့ ပံ့ပိုပေးချင်ပါသလဲခင်ဗျာ၊

ကိုအောင်သူငြိမ်း၊ ၊ လာမယ့်အထက်လွတ်တော်ဖြစ်စေ။ အောက်လွတ်တော်ဖြစ်စေ ဒါတွေက တစ်နှစ်တခါ လာပြီးတော့ တံဆိပ်တုံးထုခိုင်းတဲ့သဘောမျိုးလောက် အနေအထားပဲရှိပါသေးတယ်၊ ဆိုတော့ အဲ့ဒီအနေအ ထားမှာ ဒါပေမယ့် ဖွဲ့စည်းပုံမှာ ပြဌာန်းထားတဲ့တစ်ချက်က အမတ် နှစ်ဆယ့်ငါး ရာခိုင်နှုန်းက လွတ်တော်ခေါ် ခိုင်းမယ်ဆိုရင် လွတ်တော်ခေါ်ပေးရမယ် ဆိုတာမျိုးပေါ့ လေ အဲ့တော့တချိုတွေကလည်း ဒီလွတ်တော်ကို လွတ်တော်ပီသအောင်လုပ်ဖို့ အနည်းဆုံးကတော့ ဒီလိုတံဆိတ်တုံးထုတဲ့ လွတ်တော်မျိုးမဟုတ် ပဲနဲ့ ပိုပြီးတော့ပြောရေးဆိုခွင့်ရှိလာမျိုးတဲ့အထိ လုပ်မယ်ဆိုတဲ့ စဉ်းစားချက်တွေလည်းရှိကြပါတယ်၊ ဆိုတော့ အဲ့လိုဟာမျိုး ကိစ္စမျိုးတွေမှာဆိုလိုရှိရင် ကျနော်တို့ကူညီနိုင်တာ ဆိုတာကလည်း ကျနော်တို့ တိုင်းပြည်ကို ဘယ်လိုပြုပြင်သင့်သလဲ မူဝါဒမျိုးနဲ့ပတ်သက်လို့ အကြံပေးနိုင်တာတွေရှိပါတယ်၊ နောက်တစ်ခုကတော့ ပါလီမန်စစ်စစ်တရပ်ကဘယ်လိုမျိုး လှည်ပတ်သလဲ၊ စသည်ဖြင့် ဒီလိုကိစ္စမျိုးတွေဆိုရင် ကျနော်တို့ဆွေးနွေး အကြံပေးနိုင်တဲ့ အနေအထားလောက်ပဲ ရှိတယ်ထင်တယ်၊

ဗွီအိုအေ၊ ၊ ဟုတ်ကဲ့ရဲဘော်ဖိုးသံချောင်းခင်ဗျာ၊ ဥပမာအားဖြင့် မြန်မာနိုင်ငံလိုပဲပေါ့။ အင်ဒိုနီးရှားကိုပဲ နမူနာယူကြပါစို။ တချိန်တုန်းက အင်ဒိုနီးရှားမှာလည်းပဲ စစ်ဗိုလ်တွေတွဲဖက်ပြီးတော့ ကြီးစိုးထားတဲ့ပါလီမန် စနစ်တခေတ်ကို ဖြတ်သန်းပြီးတဲ့အခါမှာမှ အခုဒီမိုကရေစီ လမ်းကြောင်းကို တော်တော်လေး မှန်မှန်ရောက် နေပြီးလို ဆိုကောင်းဆိုနိုင်မယ့် အနေအထားပေါ့ဗျာ။ အင်ဒိုနီးရှားမှာလည်၊ ဆိုတော့ မြန်မာနိုင်ငံမှာလည်းပဲ သည်ငှာ သမိုင်းလိုအပ်ချက်တခေတ်ကိုတော့ ဖြတ်သန်းရမယ်လို့မထင်ဘူး လားခင်ဗျာ၊ တခါတည်း လိုချင်တဲ့ ဒီမိုကရေစီစစ်စစ်ကြီးကို အာဏာရှင်စနစ်အောက် တန်းရောက်သွားမယ်လို့ ထင်ပါသလား ခင်ဗျာ၊

ရဲဘော်ဖိုးသံချောင်း၊ ၊ အဲ့ဒီဟာကတော့ အတိအကျဗေဒင်ပြောသလို နိုင်ငံရေးမှာ အဲ့သလိုဗေဒင်ပြောတာ နည်းနည်း တော့ခက်ပါတယ်၊ အမျိုးမျိုး ဖြစ်နိုင်ပါတယ်၊ ဒါပေမယ့် ဗမာပြည်နိုင်ငံရေးအနေအထားနဲ့ အင်ဒိုနီး ရှားနိုင်ငံရေးအနေအထား မတူတာတွေလည်းရှိပါတယ်၊ အဲဒါ ဘာလဲဆိုရင် ဗမာပြည်ပြည်သူလူထုဟာ အခုထက်ထိတိုက်ပွဲဝင်နေတယ်။ ဆန့်ကျင်နေတယ်။ လမ်းပေါ်ထွက်ပြီးဆန္ဒမပြပေမယ့် ပြည်သူလူထုရဲ့ ရင်ထဲမှာ အမြဲတမ်းမခံမရပ်နိုင်အောင် နာကျည်းမုန်းတီးနေတာ၊ အဲ့ဒါကြီးက ရှိနေတယ်၊ အင်ဒိုနီးရှားမှာက ကျနော် အသေအချာ သူ့လူထုရှိတယ်ဆိုတာ မပြောနိုင်ပါဘူး၊ ဒါပေမယ့် အင်ဒိုနီးရှားနဲ့ ဗမာပြည်နဲ့မတူတဲ့ နောက်ထပ် အချက်တစ်ချက်က ဘာလဲဆိုရင် အင်ဒိုနီးရှားနိုင်ငံရဲ့စီးပွားရေးဟာ အနောက်နိုင်ငံတွေနဲ့ အဆက်အသွယ် များတယ်၊ ဆိုလိုတာက အနောက် နိုင်ငံတွေက သူတို့အပေါ်မှာ သြဇာညောင်းလို့ရယ်၊ ဗမာပြည်က အဲလိုမဟုတ်ဘူး၊ ဗမာပြည်က ဘယ်နိုင်ငံမှ သြဇာညောင်းလို့မရအောင် စစ်အစိုးရ တမင်လုပ် ထားတာ၊ အနောက်နိုင်ငံတွေလည်း သြဇာညောင်းလို့မရဘူး။ တရုတ်တွေကလည်း သြဇာညောင်းလို့မရဘူး၊ သူတို့ဘာသူတို သီးခြားရပ်တည်လို့ရအောင် လုပ်ထားတာ၊ မွဲရင်မွဲပါစေ အဲလိုအနေအထားမျိုး သူတို့ရ အောင် လုပ်ထားတာဖြစ်တယ်၊

ဗွီအိုအေ၊ ၊ ဟုတ်ကဲ့ရွေးကောက်ပွဲဝင်မယ်လို့ပြောနေတဲ့ အထဲက ပုဂ္ဂိုလ်တဦးဦးကို ကျနော်က အလုပ်သဘောမေးကြည့်တော့ သူကဘာပြောသလဲဆိုတော့ မြန်မာပြည်သူတွေ သိပ်ဆင်းရဲနေပါတယ်တဲ့၊ စီးပွားရေးအားဖြင့် ပိုပြီးပွင့်လင်းလာစေချင်တဲ့ ရည်ရွယ်ချက်တခုတည်းနဲ့ ရွေးကောက်ပွဲဝင်မယ်ဆိုရင် သူဝယ်မယ်လို့သူကပြောပါတယ်။ အဲဒီရည်ရွယ်ချက်နဲ့ ကြိုးစားခြင်းသာ ဖြစ်ပါတယ်ဆိုပြီးတော့ ပြောပါတယ်၊ ကိုအောင်သူငြိမ်းကကော အလားအလာမြင်ပါသလား၊ အကယ်လို့ဒီရွေးကောက်ပွဲပြီးခဲ့ရင် တိုင်းပြည်စီးပွား ရေးအားဖြင့်တော့ ရုပ်ဆိုးအဆိုး ပိုပြီးတော့ အနောက်နိုင်ငံကလွမ်းမိုးလာနိုင်တယ်ပဲ ထားပါတော့လားခင်ဗျာ၊ နိုင်ငံခြားရင်းနှီးမြုပ်နှံမထတွေ ဖြစ်လာနိုင်တယ်၊ ဆိုတော့ စီးပွားရေးသြဇာကို နည်းနည်းလိုက်နာရမယ့် သဘောမျိုးရှိတယ်လို့ မြင်မိပါသလားခင်ဗျာ၊

ကိုအောင်သူငြိမ်း၊ ၊ အဲလို့ပြောမယ်ဆိုရင် စောသေးပါတယ်ခင်ဗျာ၊ ဘာဖြစ်လို့လဲဆိုတော့ အခုလက်ရှိ အစိုးရအနေ အထားရော နောက်တစ်ခုက ပျော့ပြောင်းလာမယ့်အနေအထား။ ပွင့်လင်းလာမယ်အနေအထား ပြထားတဲ့ လက်လျောမှုဘာမှတော့ မရှိသေးပါဘူး၊ ဆိုတော့ ဒါပေမယ့်လည်း ကျနော်တို့ ပြောင်းသွားနိုင်တဲ့ အနေအထားက ဒီမိုကရေစီတော့မဟုတ်ဘူး။ ဒါပေမယ့် ဒီစစ်တပ်လုံးဝအုပ်ချုပ်တဲ့ စနစ်က နည်းနည်းဖြေ လျော့တဲ့ အနေအထားတခုခုတော့ ရောက်သွားနိုင်တဲ့အနေအထားတခုတော့ ရှိတယ်ထင်ပါတယ်၊ ဆိုတော့ ဒီလိုအနေအထားကပဲ နောက်ထပ်အနေအထား မူဝါဒအသစ်တွေ အပြောင်းအလဲလည်း ဖြစ်ကောင်းဖြစ်နိုင် ပါတယ်၊

ဗွီအိုအေ၊ ၊ စစ်အစိုးရက အပြည့်အဝနဲ့အုပ်ချုပ်နေတာနဲ့စာရင် နည်းနည်းလေးတော့သက်သာသွားမယ် သက်သာသွားခွင့်ရ မယ်ပေါ့လေ စစ်အာဏာရှင်စနစ်အပြည့်အဝ အုပ်ချုပ်နေတာနဲ့စာရင် ဆိုတဲ့အယူအဆ ပေါ့။ ရဲဘော်ဖိုးသံချောင်း ဘာများပြန်ပြော ချင်ပါသလဲ၊

ရဲဘော်ဖိုးသံချောင်း၊ ၊အဲ့ဒါမျိုးကတော့ မရပါဘူး။ လူနာရောဂါကုရင်လိုဏ္ဍရှိရင် ခေါင်းကိုက်ကလေးသက် သာသွားတာ နည်းသလား ဆိုတာမျိုး အဲလောက်နဲ့  ကျေနပ်လို့မရဘူးဗျာ၊ ရောဂါပျောက်မှရတာ နောက်မ ဟုတ်ရင် လူကသေမှာ၊ လူမမာက အဲ့တော့ သေမယ့် ပြဿနာကို မဖြေရှင်းပဲနဲ့ခေါင်းကိုက်သက်သာ ဆေး လေးလောက်နဲ့  ညာထားလို့ရှိရင် ဒါဟာညာနည်းတစ်မျိုးဖြစ် သွားလိမ့်မယ်၊

ဗွီအိုအေ၊ ၊ သောတရှင်များခင်ဗျာ ရွေးကောက်ပွဲလုပ်မယ်ဆိုတာ မြန်မစစ်အာဏာပိုင်တွေက တခါလားပဲ ပြောရပါသေးတယ်၊ နှုတ်ခမ်းနာနဲ့တည်ပါမလားလို့ဆိုသူတွေက ဆိုကြပါလိမ့်မယ်၊ ဒါပေမယ့်ဆန္ဒ ခြံယူပွဲလုပ် ခဲ့တဲ့ နမူနာကို ကြည့်မယ်ဆိုရင် မြန်မာစစ်အာဏာပိုင်တွေဟာ ရွေးကောက်ပွဲကိုလည်း ရုတ်ချည်းထားပြီး မလုပ်နိုင်စရာအကြောင်းလုံးဝမရှိပါဘူး၊ ဒါကြောင့် ပြည်သူလူထုအနေနဲ့သိသင့်တာကိုသိ။ ပြင်သင့်တာကို ပြင်ထားနိုင်ကြမယ်ဆိုရင် အကောင်းဆုံးဖြစ်ပါလိမ့်မယ်။

ဆက်လက်ဖတ်ရူ့ရန်

ဒုက္ခသည်စခန်းများ ပိတ်ရန် ကရင်ခွဲထွက်အဖွဲ့ တောင်းဆို

Thursday, 19 March 2009 18:41 ဧရာဝတီ

ကရင်အမျိုးသား အစည်းအရုံး (KNU) မှ ခွဲထွက်သွားသော အဖွဲ့တခုက ထိုင်း-မြန်မာ နယ်စပ်ဒေသမှ ဒုက္ခသည် စခန်းများကို ဖျက်သိမ်းပြီး ဒုက္ခသည်များကို နေရပ်ရင်းသို့ ပြန်ပို့ရန် တောင်းဆို လိုက်ကြောင်း ဧရာဝတီက ရရှိသည့် အစီရင်ခံစာ တစောင်အရ သိရသည်။



“လက်နက်ကိုင်တိုက်ပွဲများ ပြီးဆုံးပြီ ဖြစ်သောကြောင့် ကရင်တိုင်းရင်းသားများ မွေးရပ်မြေသို့ ငြိမ်းချမ်းစွာ ပြန်လည် နေထိုင်ရန်အတွက် နိုင်ငံတကာ အသိုင်းအ၀န်းက ၀င်ရောက် ကူညီဆောင်ရွက်ပေးသင့်သည်”ဟု KNU/KNLA ငြိမ်းချမ်းရေးကောင်စီက ကုလသမဂ္ဂ လူ့အခွင့်အရေး အထူးကိုယ်စားလှယ် မစ္စတာ တောမတ် စ် အိုဟေး ကင်တာနာ သို့ ပေးပို့သည့် အစီရင်ခံစာတွင် ရေးသားထားသည်။ ပြီးခဲ့သည့်လက မစ္စတာ ကင်တာနာ ကရင်ပြည်နယ်သို့ ရောက်ရှိစဉ်က ပေးအပ်ခဲ့ခြင်းဖြစ်သည်ဟု သိရသည်။

ဒုက္ခသည်များကို နေရပ်ရင်းပြန်သည့်အခါ လုံခြုံရေးအတွက် ၎င်းတို့ငြိမ်းချမ်းရေးကောင်စီ၊ မြန်မာစစ်အစိုး ရတို့နှင့် ပူးပေါင်း ဆောင်ရွက်ရန် ထိုင်းနိုင်ငံနှင့် ကုလသမဂ္ဂတို့ကို တိုက်တွန်းကြောင်း အစီရင်ခံစာက ဆိုသည်။

ကုလသမဂ္ဂ၏ ထိုင်းမြန်မာနယ်စပ်ဒေသရှိ ဒုက္ခသည်အစီအစဉ်သည် အကျင့်ပျက် လာဘ်စားမှုများ ပေါ်ပေါက်သည့် နေရာ ဖြစ်နေသည်ဟု ငြိမ်းချမ်းရေးကောင်စီက ဆိုသည်။ အဆိုပါ ဒုက္ခသည်အစီအစဉ်ကြောင့် အကြမ်းဖက်မှုများ၊ လိင်လုပ်ငန်းများ၊ လူကုန်ကူးခြင်းများ၊ မူးယစ်ဆေးကုန်သွယ်မှုများကို တိုးပွားစေသည်ဟု ဆိုသည်။

အနောက်နိုင်ငံများသို့ သွားရောက်လိုသောကြောင့် ဒုက္ခသည်စခန်းအတွင်း ရောက်ရှိနေသော “ဒုက္ခသည်အတုများ” အကြောင်းကိုလည်း အစီရင်ခံစာက ထောက်ပြထားသည်။ အကျင့်ပျက် လာဘ်စားသော စခန်းအာဏာပိုင်တို့က အဆိုပါအစီအစဉ်များကြောင့် အကျိုးအမြတ် ရနေကြသည်ဟု ဆိုသည်။

KNU/KNLA ငြိမ်းချမ်းရေးကောင်စီသည် ၂၀၀၇ ခု နှစ်ဆန်းပိုင်းက KNU မှ ခွဲထွက်ခဲ့သော အဖွဲ့တခု၏ အမည်ဖြစ်သည်။ အဖွဲ့ခေါင်းဆောင်မှာ ဗိုလ်မှူးချုပ် ထိန်မောင်ဖြစ်သည်။ ၎င်းသည် ကွယ်လွန်သူ KNU ခေါင်းဆောင် ဗိုလ်ချုပ်ကြီး စောဘိုမြနှင့် ဆွေမျိုး တော်စပ်သူ ဖြစ်သည်။

KNU အဖွဲ့၊ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး၊ ထိုင်းနိုင်ငံရောက် မြန်မာ့အရေး လုပ်ကိုင်နေသည့် အဖွဲ့များ၊ ဒေသခံ ထိုင်းအာဏာပိုင်များကြောင့် ထိုင်းမြန်မာနယ်စပ်ဒေသတွင် မငြိမ်မသက် ဖြစ်နေရသည် ဟုလည်း ငြိမ်းချမ်းရေးကောင်စီက စွပ်စွဲထားသည်။

ငြိမ်းချမ်းရေးကောင်စီ၏ အစီရင်ခံစာ၌ အသံလွှင့်ဌာနတွင် လုပ်ကိုင်နေသူများ၊ ပြည်ပရောက် သတင်းသမားများကိုလည်း ဝေဖန် တိုက်ခိုက်ထားသည်။

“BBC, VOA, RFA အသံလွှင့်ဌာနများ၊ ဧရာဝတီမဂ္ဂဇင်း နှင့် တခြားသူများသည် ထိုင်းနယ်မြေတွင် တရားမ၀င်နေထိုင်ကာ မဟုတ်မှန်သည့် ထုတ်လွှင့်မှုများ၊ ၀ါဒဖြန့်ချိမှုများ၊ သတင်းလိမ်များ၊ မှားယွင်းသည့် စွပ်စွဲချက်များဖြင့် မငြိမ်မသက် ဖြစ်စေရန် ဆောင်ရွက်နေကြသည်၊ ကျွန်ုပ်တို့၏ နယ်စပ်ဒေသတလျှောက်တွင် အကြမ်းဖက်လုပ်ရပ်များကို မြှင့်တင်ပေးရန်၊ အကာအကွယ်ပေးရန် လုပ်ကိုင်နေကြသည် - - - - အပြစ်မဲ့ ကရင်တိုင်းရင်းသားများ နှင့် ထိုင်း (ပြည်သူ) များ ဒုက္ခတွေ့နေကြရသည်”ဟု ငြိမ်းချမ်းရေးကောင်စီက ဆိုသည်။

နယ်စပ်တွင် လုပ်ကိုင်နေသော နိုင်ငံတကာ အကူအညီပေးရေးအဖွဲ့များသည် “အကြမ်းဖက်သမားများကို တိုက်ရိုက် သို့မဟုတ် သွယ်ဝိုက်ပြီး ထောက်ပံ့နေသည်” ဟုလည်း KNU/KNLA ငြိမ်းချမ်းရေးကောင်စီက အပြစ်တင်လိုက်သည်။
ခရစ်ယာန်အဖွဲ့အစည်းများ၊ အကူအညီပေးရေး အန်ဂျီအိုအဖွဲ့များ နှင့် ကုလသမဂ္ဂတို့သည် “ဒုက္ခသည် အခြေအနေများကို အမြတ်ထုတ်နေပြီး ငွေကြေး ရရှိရန် ကိုယ့်ကိုယ်ကိုယ် အမွှမ်းတင်လျက်ရှိသည်” ဟု စွပ်စွဲလိုက်သည်။ အကြမ်းဖက် လုပ်ငန်းကို ထောက်ပံ့နေကြသည်ဟု ဆိုသည်။

သို့သော်လည်း KNU ခွဲထွက်အဖွဲ့က တိမ်းရှောင်နေကြရသည့် ရွာပုန်းရွာရှောင် ၄၅၀ ၀၀၀ ကျော်နှင့် ပတ်သက်ပြီး အစီရင်ခံစာတွင် ဖော်ပြထားခြင်း မရှိပေ။ ရွာပုန်းရွာရှောင် အများစုမှာ ကရင်တိုင်းရင်းသားများ ဖြစ်သည်။ ပဋိပက္ခ ဖြစ်ပွားနေသော မြန်မာပြည် အရှေ့ဘက်ပိုင်းတွင် စစ်ရေးလှုပ်ရှားမှုများကြောင့် ကျေးလက်ဒေသမှ ပြည်သူများ နှစ်စဉ် သိန်းနှင့်ချီပြီး ထွက်ပြေးနေရသည်ဟု လူ့အခွင့်အရေးအဖွဲ့များက ဆိုသည်။

မစ္စတာ ကင်တာနာ ၏ ကရင်ပြည်နယ်ခရီးစဉ်နှင့် ပတ်သက်ပြီး ယခုလ ၁၃ ရက်နေ့ထုတ် မြန်မာ့အလင်း သတင်းစာတွင် ဆောင်းပါးတစောင် ပါဝင်ရာ မြန်မာအစိုးရသည် ကရင်ပြည်နယ်တွင် ငြိမ်းချမ်းရေး ပြန်လည် တည်ဆောက်ရန် ကြိုးစားနေကြောင်း ရေးသားထားသည်။

“တရားဥပဒေဘောင် အတွင်း ဝင်ရောက်လာသည့် အဖွဲ့များကလည်း ဒေသဖွံ့ဖြိုးရေးနှင့် တည်ငြိမ် အေးချမ်းရေးအတွက် ငြိမ်းချမ်းရေး၏ အနှစ်သာရကို ထိန်းသိမ်း စောင့်ရှောက်လျက်ရှိကြောင်း၊ Mr. Quintana ခရီးစဉ်မှ တဆင့် နိုင်ငံတကာသို့ သတင်းစကား ပါးလိုက်နိုင်ပါသည်”ဟု ဆောင်းပါးတွင် ဖော်ပြထားသည်။

ကရင်ပြည်နယ် ခရီးစဉ်အတွင်း မစ္စတာ ကင်တာနာသည် KNU ခွဲထွက်အဖွဲ့ ၃ ဖွဲ့ နှင့် တွေ့ဆုံခဲ့သည်။

အပြည်ပြည်ဆိုင်ရာလွတ်ငြိမ်းချမ်းသာခွင့်အဖွဲ့ ကဲ့သို့သော လူ့အခွင့်အရေးအဖွဲ့များကမူ စစ်အစိုးရ၏ မြန်မာပြည်အရှေ့ပိုင်း ထိုးစစ်ဆင်မှုများမှာ လူသားမျိုးနွယ်စု အပေါ် ကျူးလွန်သည့် ရာဇ၀တ်မှုမြောက်ကြောင်း စွပ်စွဲ ပြောဆိုလျက်ရှိသည်။

တနင်္လာနေ့တွင် မစ္စတာ ကင်တာနာက ကုလသမဂ္ဂ လူ့အခွင့်အရေး ကောင်စီသို့ မြန်မာနိုင်ငံနှင့်ပတ်သက်ပြီး အစီရင်ခံခဲ့သည်။ ထိုသို့ အစီရင်ခံရာတွင် ပဋိပက္ခ ဒေသများ အထူးသဖြင့် ကရင်ပြည်နယ်တွင် အရပ်သားများအား တိုက်ရိုက် တိုက်ခိုက်မှုများမှ တားမြစ်နိုင်သည့် နိုင်ငံတကာ လူ့အခွင့်အရေး နှင့် လူသားချင်းစာနာမှုဆိုင်ရာ ဥပဒေကို လေးစားလိုက်နာရန် မစ္စတာ ကင်တာနာက စစ်အစိုးရကို တိုက်တွန်းသွားသည်။

ဆက်လက်ဖတ်ရူ့ရန်

KNU စစ်ခေါင်းဆောင်များ ထိုင်းဘက်ကမ်း ပြန်ဝင်မရသေး

Tuesday, 17 March 2009 19:19 အေးချမ်းမြေ့

မြန်မာ စစ်အစိုးရနှင့် ထိုင်းနှစ်နိုင်ငံနယ်စပ် ဆွေးနွေးမှုများ ပြုလုပ်လာခဲ့ပြီး နောက်ပိုင်းတွင် နအဖဘက်က ဖိအားပေး တောင်းဆိုမှုကြောင့် ထိုင်း - မြန်မာနယ်စပ် မဲဆောက်မြို့တွင် နေထိုင် ရုံးစိုက်နေသော ကရင်အမျိုးသား အစည်းအရုံး (KNU) စစ်ခေါင်းဆောင်များကို ထိုင်းစစ်တပ်က မြန်မာပြည် ဘက်ကမ်းသို့ ပြန်ကြရန် ပိုမိုတောင်းဆိုမှုများ ပြုလုပ်လာကြောင်း ကေအန်ယူ ဗဟိုအလုပ်အမှုဆောင် အဖွဲ့ဝင် စောဒေးဗစ်ထောက ပြောသည်။

ထိုသို့ နအဖဘက်က ဖိအားပေးမှုကြောင့် ထိုင်းစစ်တပ်က ထိုင်းဘာသာဖြင့် ရေးထားသော စာတစောင်ကို KNU ခေါင်းဆောင်များထံ ပေးပို့ခဲ့ရာ ၎င်းစာထဲ၌ မဲဆောက်မြို့ရှိ KNU စစ်ခေါင်းဆောင်များ အနေနှင့် မဲဆောက်မြို့ မှနေ၍ ၎င်းတပ်စခန်းများသို့ အမိန့်လှမ်းမပေးကြရန် ပါရှိသည်ဟု ဆိုသည်။

“နအဖက ကျနော်တို့တွေ ဖုန်းသုံးတာ၊ ဝေါ့ကီတော့ကီနဲ့ အမိန့်လှမ်းပေးတာ၊ ကြေးနန်းသုံးတာအဆုံး အကုန် သိတယ်။ ဘယ်နေရာကနေ ဘယ်ကို လှမ်းအမိန့်ပေးတယ် ဆိုတာပါ သိတဲ့အခါကျတော့ ထိုင်းဘက်က လုံးဝ လိမ်ပေးလို့ မရတော့ဘူး” ဟု သူက ဆက်ပြောသည်။

နအဖဘက်မှ ထောက်လှမ်းရေးများသည် မြဝတီ - မဲဆောက် ချစ်ကြည်ရေး တံတားကို ဖြတ်၍ မဲဆောက်မြို့ တွင်း ဥဒဟို ဝင်ထွက် သွားလာနေရာ KNU ခေါင်းဆောင်များ နေထိုင်ရာ အိမ်၊ လမ်း အစရှိသဖြင့် သိ နေကြသည်။

“KNU စစ်ခေါင်းဆောင်တွေကို ဖေဖော်ဝါရီ ၂၅ ရက် နောက်ဆုံးထားပြီး မဲဆောက်က နေ မြန်မာပြည် ဘက်ကမ်း ပြန်ပေးဖို့ တောင်းဆိုထားတယ်။ ရုံးတွေ ဘာတွေကိုတော့ ဘာမှ မပြောဘူး” ဟု စောဒေးဗစ်ထောက ပြောသည်။

ယခုအခါ ကေအန်ယူ စစ်ခေါင်းဆောင်များသည် မြန်မာပြည်ဘက်ကမ်းသို့ ပြန်နေကြရပြီး အစည်းအဝေး ကိုလည်း မြန်မာပြည်ဘက်တွင်ပင် ပြုလုပ် ကျင်းပနေကြရသည်။

ယခုလက်ရှိ အနေအထားအရ KNU စစ်ခေါင်းဆောင်များ အနေနှင့် မဲဆောက်မြို့သို့ လာခွင့် မရှိဘဲ လာလိုပါက ထိုင်းစစ်အာဏာပိုင်တို့ထံ ခွင့်တောင်းရမည်ဟု ကြားသိရသည်။

ဖေဖော်ဝါရီလ အတွင်းက မြန်မာပြည် နယ်စပ် မြဝတီမြို့တွင် လက်နက်ကြီး ကျည် ၄ လုံး ကျရောက် ပေါက်ကွဲခဲ့ရာ မြန်မာ စစ်အစိုးရက KNU လက်ချက်ဟု ကြေညာခဲ့သည်။

ကုလသမဂ္ဂ၏ မြန်မာနိုင်ငံဆိုင်ရာ လူ့အခွင့်အရေး ကိုယ်စားလှယ် မစ္စတာ တောမတ်စ် အိုဟေး ကင်တာနာသည် ကရင်ပြည်နယ် ဘားအံမြို့အကျဉ်းထောင်၊ တိုးတက်သော ဗုဒ္ဓဘာသာ ကရင်အမျိုးသား တပ်မတော် (DKBA) ၏ မြိုင်ကြီးငူ ဌာနချုပ်တို့ကို သွားရောက် စစ်ဆေးစဉ် ယင်း ပေါက်ကွဲမှုများ ဖြစ်ပေါ်သည်ဟု စစ်အစိုးရက ဆက် တိုက်ဆိုသလို ကြေညာခဲ့ရာ ထိုင်းအစိုးရဘက်က KNU စစ်ခေါင်းဆောင်များ၏ လုံခြုံရေးအတွက် စိုးရိမ် လျှက်ရှိသည်။

“အဲဒီနောက်ပိုင်း ဖိအား ပိုပေးလာတာပဲ။ မဲဆောက်မှာ နောက်ထပ် ဖဒိုမန်းရှာလို လုပ်ကြံ သတ်ဖြတ်မှု ဖြစ်လာမှာကို ထိုင်းက စိုးရိမ်တယ်။ KNU ခေါင်းဆောင်တယောက် အလုပ်ကြံ ခံရတာပဲ ဖြစ်ဖြစ်၊ နေတဲ့ အိမ်ကို ဗုံးခွဲခံရတာပဲဖြစ်ဖြစ် ဖြစ်လာလို့ ငြင်းမရတဲ့ သတင်းဖြစ်လာရင် မဲဆောက်မှာ KNU ရှိတယ် ဆိုတဲ့ နအဖရဲ့ စွပ်စွဲချက်ကို အတည်ပြုပေးသလိုဖြစ်မှာလည်း ထိုင်းက စိုးရိမ်တယ်” ဟု စောဒေးဗစ်ထောက ပြောသည်။

ယခု လတ်တလော ကာလတွင် မဲဆောက်မြို့တွင်းရှိ မြန်မာအတိုက်အခံ အင်အားစုများ၏ ရုံးတချို့ကိုလည်း ထိုင်းအာဏာပိုင်များက ဝင်ရောက်စစ်ဆေးမှုများ ရှိသည်ဟု ကြားသိရသည်။

ယခုကဲ့သို့ KNU စစ်ခေါင်းဆောင်များကို ထိုင်းစစ်တပ်က ပိုမို ဖိအားပေးလာသည့် အပေါ် ဝေဖန်သူ များက ရေရှည် အတည်သဘော ဖြစ်သွားမည်ကို စိုးရိမ်နေကြသော်လည်း တချို့ကမူ ယခုကဲ့သို့ ဖိအား ပေးခြင်းမှာ ထိုင်းက နအဖအကြိုက် အဖြစ်သဘော ခဏတာ ဖိအားပေးခြင်းသာဖြစ်သည်ဟု ယူဆနေကြသည်။

KNU စစ်ခေါင်းဆောင်များ မဲဆောက်မြို့မှ တဘက်ကမ်း မြန်မာပြည်ဘက်ခြမ်းသို့ ပြန်ရန် ထိုင်းစစ်တပ်က စာပို့သည်နှင့် တပြိုင်နက်တည်း ဘန်ကောက် အခြေစိုက် ထိုင်းရဲအာဏာပိုင်တို့က KNU ခေါင်းဆောင်များ ကို မြန်မာ စစ်အစိုးရနှင့် တွေ့ဆုံ ဆွေးနွေးရေးလုပ်ရန်၊ ထိုသို့ ဆွေးနွေးရာတွင် DKBA တို့မှတဆင့် ချဉ်းကပ်ရန် ပြောကြောင်း သတင်းရရှိသည်။

စောဒေးဗစ်ထောက “ဒီနေ့ ထိုင်းရဲ့ ပေါ်လစီက အရင်နဲ့ မတူတော့ဘူး။ KNU ခေါင်းဆောင်တွေ အနေနဲ့ ရင်ဆိုင်နေရတဲ့ အခက်အခဲတွေက လုံးဝ ကွာခြားနေပြီဟု” ဆိုသည်။

KNU သည် မြန်မာအစိုးရများကို ၁၉၄၈ ခုနှစ်မှာ စတင်၍ လက်နက်ကိုင် ဆန့်ကျင် တိုက်ခိုက်ခဲ့ရာ ၁၉၉၅ ခုနှစ်တွင် ၎င်းတို့၏ ဗဟိုဌာနချုပ်ဖြစ်သည့် မာနယ်ပလောနယ် ကျဆုံးခဲ့ရသည်။ ထို့နောက်တွင် ၎င်းတို့၏ ဗဟို ဌာနချုပ်ကို ထိုင်း - မြန်မာ နယ်စပ်အနီးသို့ ရွှေ့ပြောင်း အခြေချခဲ့သည်။

ထိုစဉ်ကပင် မြန်မာစစ်အစိုးရ၏ သပ်လျှိုသွေးခွဲမှုကြောင့် ခရစ်ယာန်နှင့် ဗုဒ္ဓဘာသာ ကွဲပြားပြီး DKBA ပေါ်ပေါက် လာကာ DKBA က စစ်အစိုးရထံတွင် လက်နက်နှင့် ငြိမ်းချမ်းရေးလဲလှယ်ခဲ့သော်လည်း KNU ကမူ စစ်အစိုးရကို ဆက်လက်၍ လက်နက်ကိုင် တော်လှန်ဆဲဖြစ်သည်။

ယခု အချိန်ထိလည်း KNU တပ်များသည် မြန်မာစစ်အစိုးရကို ပြောက်ကျားစနစ်ဖြင့် ထိုးစစ်ဆင် တိုက်ခိုက် ဆဲဖြစ်သည်ဟု စောဒေးဗစ်ထောက ပြောပြသည်။

ဆက်လက်ဖတ်ရူ့ရန်

ဟာသလေးများ

ချစ်တဲ့သူရှေ့မှာ နှလုံးခုန်တာ ပိုမြန်နေတယ်
ဒါပေမဲ့...ကြိုက်တဲ့သူရှေ့ကျတော
ပျော်နေတယ်လို့  ခံစားရတယ်။

ချစ်တဲ့သူရှေ့မှာ ဆောင်းရာသီဟာ နွေဦးရာသီလို ထင်ရတယ်...
ဒါပေမဲ့...ကြိုက်တဲ့သူရှေ့ကျတော့ ဆောင်းရာသီဟာ လှပတဲ့ဆောင်းရာသီပါပဲ။


ချစ်တဲ့သူမျက်လုံးထဲ ကြည့်လိုက်တဲ့အခါ ရှက်သွေးဖြန်းသွားတယ်..
ဒါပေမယ့်...ကြိုက်တဲ့သူမျက်လုံးထဲကြည့်လိုက်တော့ ပြုံးပြဖြစ်တယ်။


ချစ်တဲ့သူရှေ့မှာ စိတ်ထဲရှိတာ ဘာမှမပြောနိုင်ဘူး...
ဒါပေမဲ့..ကြိုက်တဲ့သူရှေ့ကျတော့ ပြောပြနိုင်တယ်။


ချစ်တဲ့သူရှေ့မှာ..ရှိုးတိုးရှန်းတန့်  ဖြစ်လေ့ရှိတယ်..
ဒါပေမယ့်...ကြိုက်တဲ့သူရှေ့ကျတော့ ကိုယ့်ပင်ကိုအတိုင်း နေပြတတ်တယ်။


ချစ်တဲ့သူမျက်လုံးကို တည့်တည့်စိုက်မကြည့်နိုင်ဘူး..
ဒါပေမယ့်...ကြိုက်တဲ့သူမျက်လုံးကိုကျတော့ အမြဲတမ်းပြုံးပြနိုင်တယ်။


ချစ်တဲ့သူငိုတဲ့အခါ သူနဲ့ အတူလိုက်ငိုတယ်...
ဒါပေမယ့်...ကြိုက်တဲ့သူငိုတဲ့အခါကျတော့ သူ့ ကိုနှစ်သိမ့်အငိုတိတ်စေတယ်။


ချစ်တဲ့ခံစားမှုဟာ မျက်လုံး အမြင် ကစတယ်...
ဒါပေမယ့်...ကြိုက်တဲ့ခံစားမှုကျတော့ နားအကြားကစတယ်။


ဒါကြောင့်...ကြိုက်တဲ့သူကို ဆက်မကြိုက်ချင်တော့ရင် သင့်နားတွေကို ပိတ်ထားလိုက်ပါ။
ဒါပေမယ့်...သင့်မျက်လုံးကို ပိတ်ဖို့ ကြိုးစားခဲ့ရင် အချစ်က မျက်ရည်စက်အဖြစ်ပြောင်းသွားပြီး
နှလုံးသားထဲ ထာဝရတည်နေတော့မှာ......................



တစ်ရက် ၅၀၀စား


တိရိစ္ဆာန်ရုံတစ်ခုမှာပေါ့........

ဝက်ဝံကသေသွားတေ့ာ အစားထိုးဖို့မရှိဘူးဖြစ်နေတယ် ဒါနဲ့ နေ့စားတစ်ယောက်ငှားပြီးတေ့ာ ၀က်ဝံသားရေခြုံ ခိုင်းပြီး ၀က်ဝံအတုလုပ်ခိုင်းတာပေါ့.....
တစ်ရက်ငါးရာပေးပြီးတေ့ာ အဲတစ်ရက်ကျတေ့ာ ဧည့်သည်များတုန်းမှာ leader က၀က်ဝံလေးရေ လူများတုန်း နောက်ကျွမ်းထိုးပြလိုက်ပါဆိုတေ့ာ ၀က်ဝံကကျွမ်းထိုးတာလွန်ပြီး ကျားခြံထဲရောက်သွားရော
သူက၀က်ဝံဟန်ဆောင်ထားတဲ့လူဆိုတေ့ာ ကြောက်တာပေါ့ တုန်နေတာပဲ...
ကျားကလဲလာနေပြီ ကျားကသူ့ကိုခြေထောက်ကနေစနမ်းကြည့်တယ်...
ဟန်ဆောင်ထားတဲ့သူကလဲ သူ့ကိုကျားကကိုက်တော့မယ်ထင်တာပေါ့ ကြောက်လွန်းလို့တုန်နေပြီ..
ကျားက သူ့နားရွက်နားကိုလာနမ်းတယ်
ပြီးတေ့ာ သူ့ကိုတိုးတိုးလေးစကားပြောသွားတယ်....
" မကြောက်ပါနဲ့ကွာ ငါလဲမင်းလို တစ်ရက်ငါးရာစားပဲကွ.... "



မှတ်ကရောဟ..
ရွှေငါးလေးတစ်ကောင်ကို အဘိုးကြီး ဖမ်းမိသည်။
`ဆန္ဒသုံးခုကိုဇြည့်ပေးပါမည်။သူ့ကိုလွှတ်ပါ`ဟု ရွှေငါးကပြောသည်။
အဘိုးကြီး ငါးကိုအိမ်သို့ယူလာပြီးကြော်စားလိုက်သည်။ အကြောင်းမှာ အဘိုးကြီးနားထိုင်းနေသောကြောင့်ဖြစ် သည်။


အရူး
စိတ္တဇ ဆေးရုံတစ်ခုတွင်ဖြစ်သည်။
လူနာတစ်ယောက်သည် သစ်ပင် ပေါ်တွင်ရောင်နေသည်။ ဆရာဝန်တစ်ယောက်ကအောက်မှနေ ပြီး ဆင်းလာဖို့ ပြောနေသည်။
လက်ထဲတွင်လည်း သင်္ကြန်ရေပြွတ်သေနတ်တစ်ခု ကိုကိုင်ထားသည်။
"ဟေ့ကောင်.......မင်းဆင်းမှာလား..မဆင်းဘူးလား..ငါ ပစ်လိုက်မှာနော်.."
"မဆင်းဘူး....ဆရာ ပစ်ချင်လဲပစ်လိုက်.."
"မင်းတကယ်မဆင်းဘူးလား.... ငါ ပစ်လိုက်မှာနော်.."
"မဆင်းဘူးဆရာ...မဆင်းဘူး"
ဆရာဝန်လဲ ကြံရာမရ ဖြစ်နေတယ်။အဲဒီ အချိန်မှာ နောက်လူနာတစ်ယောက်ရောက်လာပါတယ်။ ဆရာဝန်က
အဲဒီလူနာဆီ ကနေအကူအညီတောင်းပါတယ်။လူနာကသေနတ်ကိုယူလိုက်ပြီး
"ဟေ့ကောင်.... မင်းဆင်းလာခဲ့စမ်း..ငါ ပစ်လိုက်မှာနော်.."
"ဟုတ်...ဟုတ်..ဆင်းလာပါပြီ...မပစ်ပါနဲ့ ...ဆင်းပါပြီ.."
ပထမလူနာလဲ သစ်ပင်ပေါ်ကနေဆင်းလာပါတယ်။
ဆရာဝန်က......
"မင်းက ငါပြောတုံးကတော့ မဆင်းဘူး...ဘာလိုသူပြောမှဆင်းတာလဲ.."
"ဟာ..ဆရာကလူကောင်းဆရာရဲ့ ..တကယ်မပစ်ဘူးဆိုတာကျွှန်တော်သိတယ်..အဲကောင်ကရုးနေတာ..တကယ်ပစ်မှာ.."
"ဟေ..."



သိပြီလား


စိတ္တဇ ဆေးရုံတစ်ခုတွင်ဖြစ်သည်။
လူနာများသည် နံပါတ် တစ်ခုကိုအော်ဟစ်နေကြ ရာဆေးရုံတစ်ခုလုံး ဆူညံနေသည်။ ဆရာဝန်တစ်ယောက်က လူနာများကိုမေးသည်။
"37............37............37"
"ဘာလို့  37 လို့ အော်နေရတာလဲ"
လူနာများကအပေါ်ကို လက်ညိုးထိုး ပြကြတယ်။ အဲဒါနဲ့ ဆရာဝန်လည်း အပေါ်ထပ်ကို တက်သွားသည်။ အပေါ်ထပ်တွင်လည်း
"37............37............37"
"ဘာလိုအဲဒီလိုအော်နေကြတာလဲ"
လူနာများက အပေါ်ကို လက်ညိုးထိုးပြကြပြန်သည်။အဲဒါနဲ့ ဆရာဝန်လည်း အပေါ်ထပ်ကို တက်သွားသည်။
အပေါ်ထပ်တွင်လည်း 37 ကိုအော်နေကြသည်။
"ငါကိုပြောကြစမ်းပါအုံး....ဘာလို့ 37 လို့ အော်နေတာလဲ.."
လူနာများကအောက်ကို လက်ညိုးထိုး ပြကြတယ်။ ဆရာဝန်လည်း အောက်ထပ်ကိုငုံ ကြည့် လိုက်တယ်။
အဲဒီမှာ နောက်နားက လူနာက ဆရာဝန်ကို လေးထပ်တိုက်ပေါ်ကနေ ကန်ချလိုက်တယ်။ ပြီးတော့လူနာတွေက ဆက်ရွတ်ကြတယ်။
"38.............38.............38"


သိသားနဲ့ ...

တနေ့ သောအခါ မိန်းမကြီးတစ်ယောက်သည် မိမိနေအိမ်သို့ ပြန်ရာ လမ်းခုလပ်တွင် အိမ်မွေး တိရစ္ဆာန်ဆိုင်ကို ဖြတ်ကျော်ရပေသည်။ ထိုဆိုင်သို့  ဖြတ်ကျော်နေစဉ်အတွင်း ကြက်တူရွေး တစ်ကောင်သည် ထိုမိန်းမကြီးအား ((((အင်မတန်ရုပ်ဆိုးလိုက်တာဗျာ))))

မိန်းမကြီးခမျာ ဒေါသတွေထွက်ပြီး ဆောင့်ကြီးအောင့်ကြီးနဲ့ ဖြတ်ကျော်သွားလေသည်။ နောက်နေ့တစ်ခါထပ်မံဖြတ်ကျော်ရပြန်သည် ထုံးစံအတိုင်းပင် ကြက်တူရေးသည် ((((ရုပ်ဆိုးလိုက်တဲ့ မိန်းမကြီး ဗျာ...))))

ထိုမိန်းမကြီးအကြီးအကျယ် ဒေါသထွက်လေတော့သည်။ ထိုအခါ ထိုမိန်းမကြီးသည် ဆိုင်ရှင် အား အကြိုးအကြောင်းပြောပြပြီး နောက်တစ်ခါ ထပ်မံပြောနေဦးမည်ဆိုပါက ကြက်တူရွေး ကိုလည်းသတ်ပစ်မည် ဆိုင်ရှင်ကိုလည်းတရားဆွဲမည် ဖြစ်ကြောင်းပြောပြပြီး ဆိုင်မှထွက်ခွာသွားလေသည်။

နောက်နေ့  တွင် ထိုမိန်းမကြီးဆိုင်ရှေ့ မှ ဖြတ်ကျော်မည် အပြုတွင်
ကြက်တူရွေးက ။ ။ ဟိုအမကြီး
အမျိူးသမီး။ ။ ဘာတုန်း
ကြက်တူရွေး။ ။ဟဲ.....ဟဲ ခင်ဗျား ကို ကျူပ်ဘာပြောမယ်ဆိုတာ ခင်ဗျားသိပြီးသားပါ.....



ခေါ်လိုက်စမ်းပါ...

တစ်နေ့တွင် မောင်ညိုသည် ရဲစခန်းသို့ ဖုန်းဆက်လိုက်သည

"ဟဲလို ရဲစခန်းက ပါလားခင်ဗျာ .. ကျွန်တော့်အိမ်နီးချင်း အကြောင်းကို
တိုင်ချင်လို့ပါ .. သူ့အိမ်ရဲ့ ထင်းစင်ထဲမှာ ဆေးခြောက်တွေ ဖွက်ထားတယ်
ခင်ဗျ"

"အခုလို သတင်းပေးတာ ကျေးဇူး အများကြီးတင်ပါတယ်" ရဲစခန်းမှ ပြန်ပြောသည်။

နောက်နေ့တွင် မောင်ညို၏ ဘေးအိမ်သို့ ရဲများ ရောက်လာသည်။ ရဲများက
ထင်းစင်ရှိရာသို့ သွားကာ ထင်းစများကို တစ်စချင်းကို ပေါက်ဆိန်ဖြင့် ခွဲကာ
ရှာဖွေ ကြတော့သည်။ သို့သော် ဆေးခြောက်များကို မတွေ့ချေ။

ရဲများ ပြန်သွားပြီးနောက် မောင်ညိုသည် သူ၏ အိမ်နီးချင်း မောင်စိမ်း
ဆီသို့ ဖုန်းဆက်လိုက်သည်။

"ဟေ့ကောင် ခုနက ရဲတွေ လာပြီး ထင်းတွေ ခွဲသွားလား"

"အေး ခွဲသွားတယ်ကွ"

"အေး .. ကောင်းတယ် .. အဲ့ဒါဆိုရင် မင်းအလှည့် .. ရဲတွေ ဆီကို
ဖုန်းခေါ်လိုက်.. ငါ့အိမ်က ဥယျာဉ် မြေဆွဖို့ လိုနေတယ်" ဆက်လက်ဖတ်ရူ့ရန်

သူငယ်ချင်းလေး

သူငယ်ချင်းလေး
မင်းရဲ့ရယ်သံတွေက
ငါ့အတွက်တော့ တေးသားတွေကို
ချိုသာစွာ သီဆိုတဲ့ ငှက်ကလေးထက်ပင်
သာယာမိတယ်။

မင်းရဲ့ အသံလေးတွေက
ငါ့အတွက်တော့ ပျားရည်စက်တွေ
လောင်းချသလိုပဲ ချိုမြနေပါတယ်။

တို့နှစ်ယောက်ရဲ့အတိတ်က
သံယောဇဉ်နှောင်ကြိုးတွေကို
ဆက်လက်ထိန်းသိမ်းရင်း
လွင့်မျောနေတဲ့ တိမ်တိုက်တွေနဲ့အတူ
ကြယ်ပွင့်တွေခူးချင်မိတယ်။


အချစ်အတွက် စီခြယ်ထားတဲ့
ဘ၀ဒုက္ခ၊ သုခ၊ မောဟတွေကို
သံသရာတလျောက် တို့တတွေ
နားလည်မူနဲ့အတူ လက်တွဲပြီး သွားချင်တယ်။

ငါ့တို့နှစ်ယောက်ရဲ့
အချစ်တွေနဲ့အတူ မှောင်နေတဲ့
ကမ္ဘာကြီးတစ်ဖက်ခြမ်းကို
အလင်းရောင်ထွန်းညှိ့ပေးဖို့အတွက်
ဆက်ပြီး ကြိုးစားချင်မိတယ်။


ယုန်ကလေး
ဆက်လက်ဖတ်ရူ့ရန်

စု-လွှတ်-တွေ့ ရှင်သန်နေဆဲ

ကိုဝိုင်း
သောကြာနေ့၊ မတ်လ 13 2009 20:07 - မြန်မာစံတော်ချိန်

(ဦးဝင်းတင်နှင့် အင်တာဗျူး)

အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင် ဆရာဦးဝင်းတင်သည် ယမန်နေ့က အသက် ၇၉ နှစ် မွေးနေ့ကျရောက်ခဲ့သည်။ စု-လွှတ်-တွေ့ နှင့် ရံသုံးရံ တို့၏ ပိုင်ရှင်အတွက် မိတ်ဆွေ၊ လုပ်ဖော်ကိုင်ဘက်များက ရန်ကုန်မြို့၌ မွေးနေ့ပွဲကျင်းပပေးခဲ့သည်။

၁၉ နှစ်တာ အကျဉ်းကျခံခဲ့ရသူ သတင်းစာဆရာတဖြစ်လဲ နိုင်ငံရေးသမားကြီးက နိုင်ငံရေးအကျဉ်းသားများကို ကူညီရန် အားသန်သူလည်း ဖြစ်သည်။

မွေးနေ့အမှတ်တရ စကားများအတွက် မဇ္ဈိမက ဆရာကြီးကို ဆက်သွယ်မေးမြန်းထားသည်။

နိုင်ငံရေးအကျဉ်းသားတွေရဲ့ အကျိုးအတွက် ဆောင်ရွက်ပေးနေတယ်ဆိုတဲ့နေရာမှာ နိုင်ငံရေးသဘောအရထက် တိုက်ရိုက်လုပ်ပေးနေတာတွေများ ရှိပါသလားခင်ဗျာ။

ရှိတာပေါ့ဗျာ။ နိုင်ငံရေးအားဖြင့်လည်း ကျနော်တို့က သူတို့ကို လွှတ်ပေးရေးကိစ္စတွေကို အစဉ်တစိုက် တောင်းဆိုနေတာပဲ။ တခြားသော နိုင်ငံရေးအဖွဲ့အစည်းများနဲ့လည်း တွေ့ဆုံတဲ့အခါမှာ ဒါတွေပြောတယ်။ ပြည်ပအဖွဲ့အစည်းများနဲ့ တွေ့ဆုံတဲ့ အခါမှာလည်း ဒါတွေတင်ပြတယ်။ နိုင်ငံရေးအကျဉ်းသား လွတ်ရေးဟာ ကျနော်တို့ရဲ့ အဓိကအကျဆုံး ကိစ္စရပ်တရပ်အနေနဲ့ သဘောထားပြီးတော့ လုပ်ဆောင်နေတယ်။

ပုဂ္ဂိုလ်ရေးအရဆိုရင် မိတ်ဆွေတွေ၊ သားချင်းတွေ၊ တပည့်တွေ စသည်ပေါ့ဗျာ ကျနော့်ကို ငွေလေးဘာလေး ထောက်ပံ့ကြတယ်ဗျ။ ကျနော် ဒီကနေ့ အသွားရောအပြန်ရော ဘတ်စ်ကားစီးနေတာ။ ဘတ်စ်ကားက ၂၀၀ လောက် ခရီးပေါ့ဗျာ။ တက္ကစီနဲ့ စီးသွားရင် ၄,၀၀၀ လောက် ကျမယ့်ခရီး။ အဲဒီအခါမှာ ကျနော့်မှာ ငွေပိုတွေ ထွက်လာတယ်။ အဲဒီငွေတွေကို ဘာမှ ကျနော် မသုံးစွဲဘဲနဲ့ ဒီအကျဉ်းသားတွေအတွက် ကူညီနိုင်သမျှပေါ့ဗျာ၊ ကူညီတာ။ မုံ့လေးတထုပ်ပဲဖြစ်ဖြစ်၊ ဆေးလေး တဗူးပဲဖြစ်ဖြစ်၊ ကော်ဖီထုတ်ကလေး တထုပ်ပဲဖြစ်ဖြစ်ပေါ့။

ဥပမာ စနေနေ့မနက်တိုင်းလိုလိုမှာ အင်းစိန်ထောင်ဗူးဝကို အမြဲသွားကြည့်နေတာပဲ။ ထောင်ဝင်စာတွေ့တဲ့လူတွေ ဇနီးသားမယားတွေ လာကြရင်လည်း ကျနော် အနည်းဆုံးတော့ နှုတ်၏ ဆောင်မခြင်းပေါ့ အားပေးစကားပြောနိုင်တယ်။ မုံ့လေး၊ ကော်ဖီလေး ကူညီနိုင်တယ်။ ဒါတွေ ကျနော် လုပ်နေတာပဲဗျ။

ဒီနေ့ ထောင်ထဲမှာရှိနေတဲ့ နိုင်ငံရေးအကျဉ်းသားတိုင်းဟာ ငါတို့ဟာ အမေ့ခံအကျဉ်းသားတွေပါလား ဆိုတဲ့ စိတ်ဓာတ်မျိုး မရှိဘဲနဲ့ ထွက်လာစေချင်တယ်ဗျာ။

ထောင်ထဲမှာ နေခဲ့တုန်းက “ထူထောင်ရမယ်။ ထိန်းသိမ်းရမယ်။ ထိုင်မနေနဲ့။ ထိတွေ့ရမယ်” ဆိုတဲ့ ထ’ လေးလုံး အယူအဆတခုကို လုပ်ခဲ့တယ်လို့ သိရပါတယ်။ ဟုတ်ပါသလား ခင်ဗျာ။

ကျနော်လုပ်တာ မဟုတ်ဘူး။ တခြားလူတွေ လုပ်တာဖြစ်လိမ့်မယ်။ သိတယ် ကျနော်။ လူတွေအားလုံးကတော့ ဝိုင်းလုပ်ကြတာပါပဲ။ ကျနော်ကတော့ “စု-လွှတ်-တွေ့” တို့ “ရံ သုံးရံ” တို့ဆိုတာတော့ ကျနော် လုပ်ခဲ့တယ်ဗျ။ အကြံကောင်း ဉာဏ်ကောင်းတွေ၊ စိတ်ကူးကောင်းတွေ၊ အစီအမံကောင်းတွေ၊ လုပ်ငန်းစဉ်ကောင်းတွေဟာ ထောင်ထဲမှာ အမြဲတမ်း ပေါ်ထွက်နေတာပဲဗျ။

ထ’ လေးလုံးဆိုတာ ကျနော် ကြိုက်လည်းကြိုက်တယ်၊ သဘောကျတယ်၊ ကောင်းတယ်။ ကျနော် ချီးကျူးပါတယ်။

ဘယ်သူလုပ်မှန်း အတိအကျ မသိရတဲ့ အဲဒီ ထ’ လေးလုံး အယူအဆဟာ ဒီနေ့ အချိန်အခါနဲ့ ကိုက်ညီမှု ရှိတယ်လို့ ယူဆပါသလားခင်ဗျာ။

သိပ်ရှိတာပေါ့ဗျာ။ ဒီနေ့တင်မဟုတ်ဘူးဗျ။ အမြဲတမ်း ရှိနေတာပဲ။ ထောင်ထဲမှာ နေတယ်ဆိုတာက ပထမဦးဆုံး ထောင်ထဲက ဘဝကို ရင်ဆိုင်ရတာကိုးဗျ။ ဒုတိယကတော့ ပြင်ပနိုင်ငံရေးဘဝကို မျှော်မှန်းပြီးတော့ ချုပ်မိအောင် ကြိုးစားရတာကိုး။ ထောင်ထဲမှာနေတုန်းလည်း ဒီစကားဟာ အရေးကြီးတဲ့ စကားပဲ။ ထောင်ထဲမှာဆိုတာ ဘဝတွေက ပျက်နေကြတာဗျ။ ဒုက္ခ သိပ်ရောက်ကြတယ်။ ကျနော်တို့ နေရတာတောင်မှ အကောင်းစားတောင်မှ ပြောနိုင်တယ်။ ရန်ကုန်မှာတင် ကျနော်က နေခဲ့ရတာကိုး။ ဒီနေ့ခေတ်ကျတော့ ဟိုး ဝေးလံခေါင်ဖျားတွေမှာ နေရတဲ့အခါကျတော့ ဘဝပျက်မယ့်လူတွေ အများကြီးရှိမယ်။ အဲဒီအခါမှ ကိုယ့်ဘဝကို ကိုယ်ထူထောင်ရမယ်လို့ ကျနော်က အဲဒီလိုပဲ အဓိပ္ပာယ်ဖွင့်ချင်တယ်ဗျာ။ ချမှတ်ခဲ့တဲ့ ပုဂ္ဂိုလ်ကတော့ ဘယ်လိုရည်မှန်းချက် ကျယ်ပြန်တဲ့ ဟာတွေ ရှိမှာပေါ့ဗျာ။

နောက်တခုက ထိန်းသိမ်းရမယ်ဆိုတာမျိုးကလည်း ကိုယ့်ရဲ့ နေ့စဉ်ဘဝ၊ ဘဝတခုလုံး၊ သို့မဟုတ်လည်း ကိုယ့်ရဲ့အယူအဆ၊ ကိုယ့်ရဲ့လုပ်ငန်း၊ ကိုယ့်ရဲ့အပေါင်းအသင်း၊ အသိုင်းအဝိုင်း ဒါတွေဟာ အကုန်လုံး အကျုံးဝင်တာပဲဗျ။ သာမန်တင် မကတော့ဘူး။ ထောင်ထဲမှာ ကျဉ်းကျဉ်းလေး နေရတဲ့ အခါကျတော့ အပေါင်းအသင်းကို ထိန်းသိမ်းထားရမယ်။ ကိုယ့်ရဲ့ နိုင်ငံရေးနဲ့ ရည်မှန်းချက်တွေကို ထိန်းသိမ်းထားရမယ်။

ထိုင်မနေနဲ့ဆိုတာကျတော့ ထောင်ထဲကျတော့ လူတွေက တခါတလေ စိတ်ပျက်တယ်ဗျ။ စိတ်ပျက်တော့ ဘာလုပ်ရမှန်းလည်းမသိဘူး။ ကိုယ့်အခန်းကျဉ်းလေးထဲမှာပဲ ငုတ်တုတ်လေးထိုင်ပြီးတော့ ဟိုငေးဒီငေး ငေးတာပေါ့။ ဒါကြောင့် ထိုင်မနေနဲ့ ဆက်သွယ်လို့ရအောင် အော်သင့်အော်ရတယ်ဗျာ။ တခါတလေ ဆေးလိပ်တိုထဲ စာထည့်ပြီးတော့ ပေးသင့်ပေးရတယ်ဗျာ။ သို့မဟုတ်လည်း ကိုယ်စားမယ့် အစားအစာကို အပြင်မှာ လွတ်လွတ်လပ်လပ် သွားလာနေရတဲ့ သာမန်အကျဉ်းသားတွေကို ပေးလိုက်ပြီးတော့ အဲဒီလူတွေကတဆင့် ဆက်သွယ်ရေးတွေ လုပ်ရတယ်။ အဲဒါ ထိုင်မနေတာပဲဗျ။ ထိုင်မနေနဲ့တင်မကဘူး ရုန်းကန်ကြ၊ လှုပ်ရှားကြ၊ ထွက်ပေါက်ရှာကြ၊ ဖောက်ထွက်ကြဆိုတဲ့ သဘောပါပဲဗျာ။

ထိတွေ့ရမယ်ဆိုတာက သာမန်ပြောရင်တော့ မိတ်ဆွေတယောက်နဲ့ တယောက် ထိတွေ့အောင် လုပ်ရတယ်။ တခါတလေ တယောက်ထဲ ပိတ်မိနေတယ်။ ဒီလိုပဲ ငုတ်တုတ်မနေဘူးပေါ့ဗျာ။ တံခါးခေါက်တယ်ဗျာ၊ လှမ်းအော်တယ်ဗျာ။ အပြင်က ကျန်တဲ့ ရဲဘော်တွေနဲ့ ထိတွေ့အောင် လုပ်ရတယ်။ ပြင်ပလောကနဲ့လည်း ထိတွေ့အောင်လုပ်တာပဲဗျ။ ပြင်ပက သတင်းတွေ၊ နိုင်ငံရေးစကားတွေ ဘယ်လိုရမလဲ။ ပြန်ပြီးတော့ message တွေ ဘယ်လိုပေးရမလဲ။

ဒီအယူအဆဟာ ထောင်တွင်းဘဝနဲ့ပဲ သက်ဆိုင်တာလား။ ထောင်ပြင်ပ ဘဝနဲ့ရော ဆက်စပ်လို့ရပါသလားခင်ဗျာ။

ဒါဟာ ထောင်ထဲ ဘဝနဲ့လည်း ဆိုင်တယ်။ လူ့ဘဝ တခုလုံးနဲ့လည်း ဆိုင်တယ်ဗျ။ ပြင်ပရောက်လာတဲ့ အခါကျလည်း စိတ်ပျက်စရာဖြစ်ပြီး ငါ့လည်း ကူညီမယ့်လူ မရှိဘူး။ ငါလည်း ဘာမှမလုပ်နိုင်တော့ဘူး။ ငါတော့ ထိုင်နေရုံပဲဆိုတာမျိုး မဖြစ်စေနဲ့။ ကိုယ့်ဘဝကိုယ် ဘယ်လိုထူထောင်မလဲ။ ထောင်ထွက်တယောက်ဗျာ။ ဘဝပျက်လာတယ်။ လူတွေနဲ့ အဆက်အသွယ်ပြတ်၊ ပြည်သူ့ဘဝတွေနဲ့ အဆက်သွယ်ပြတ်၊ နိုင်ငံရေးနဲ့လည်း အဆက်အသွယ်ပြတ်။ ကိုယ့်ဘဝကို နိုင်ငံရေးအားဖြင့် ထူထောင်ရတယ်၊ ရပ်တည်လာနိုင်တယ်၊ ပြည်သူ့အကျိုး ဆောင်မယ်ဆိုတဲ့ စွမ်းအားတွေရလာတယ်။ အဆက်အသွယ်တွေ ပြန်ရလာမယ်။

နောက် ကိုယ့်ရဲ့ နိုင်ငံရေးယုံကြည်ချက်ကို ထိန်းသိမ်းရတော့မယ်။ နောက် အိမ်မှာတင် စိတ်ပျက်ပြီးတော့ ဒီအတိုင်း ထိုင်မနေနဲ့ အလုပ်မရှိရင် အလုပ်ရှာရမှာပေါ့ဗျာ။ နိုင်ငံရေးလုပ်စရာမရှိရင် နိုင်ငံရေးလုပ်စရာ ရှာရမယ်ဗျာ။ အတွေးသစ်၊ အမြင်သစ်၊ အယူအဆသစ်တွေ ရစရာရှိတာတွေကို လုပ်ကြရမယ်ဆိုတဲ့ဟာက လမ်းညွှန်လို ဖြစ်လာတယ်ဗျ။

အလားတူပဲ ထိတွေ့မှုရှိရမယ်ဆိုတာ အိမ်မှာ စိတ်ပျက်ပြီး ထိုင်မနေဘူး။ အပြင်မှာရှိတဲ့ နိုင်ငံရေးအင်အားစုတွေနဲ့ ထိတွေ့ရတယ်။ တိုင်းရင်းသား နိုင်ငံရေးသမားတွေနဲ့လည်း ထိတွေ့ရမယ်။ ပြည်သူတွေနဲ့ ထိတွေ့ရမယ်။ အဆက်ပြတ် မခံရဘူး။ ဒီဟာတွေဟာ ဘဝလမ်းညွှန်တွေ ဖြစ်လာတယ်ဗျ။

ထောင်ထဲမှာ ထောင်သားဘဝအနေနဲ့ လမ်းညွှန်ဖြစ်သလို ပြင်ပဘဝ ရောက်တဲ့အခါလည်း ပြင်ပဘဝလမ်းညွှန် ဖြစ်ပါတယ်။ ကျနော် သိပ်ပြီးတော့ ကျေးဇူးလည်း တင်တယ်။ အမှတ်လည်း ရတယ်။ လေးလည်း လေးစားတယ်။ ဒီလို ဆရာလုပ်တာလားလို့မေးတဲ့အတွက် သိပ်ပြီးတော့ ဝမ်းသာတာပဲဗျာ။ ရှင်းရှင်းပြောရရင် စာပေဆု တဆုရသလို ဝမ်းသာပါတယ်။ ကျနော့်ထက် ပိုပြီး အမြော်အမြင်ရှိတဲ့ အကျဉ်းသားတွေ၊ နိုင်ငံရေးအကျဉ်းသားတွေ လူငယ်ဖြစ်ရင်ဖြစ်မယ်၊ လူကြီးဖြစ်ရင် ဖြစ်မယ်ပေါ့ဗျာ။ အဲဒီလူတွေရဲ့ လုပ်ဆောင်ချက်ပါ။ ဒီဖန်တီးချက်ကို ကျနော် အပြည့်အဝ ထောက်ခံပါတယ်။ ကျနော်လည်း ဒီအယူအဆတွေအတိုင်း ကျင့်သုံးပါတယ်။

‘စု-လွှတ်-တွေ့’ ဆိုတာ ဒီကနေ့ လက်တွေ့အခြေအနေနဲ့ရော ကိုက်ညီသေးတယ်လို့ ဆရာ ယူဆပါသလားခင်ဗျာ။

ယူဆပါတယ်ဗျာ။ ဒေါ်စုအပါအဝင် မြောက်မြားစွာသော ပုဂ္ဂိုလ်တွေဟာ ဒီနေ့အထိ မလွတ်သေးဘူးဗျာ။ ကျနော်တို့သာ အကြောင်းအားလျော်စွာ ဘယ်လိုလွတ်လာတယ် မသိဘူး။ သူတို့ပြောလိုက်ရင်တော့ အကျဉ်းသား ၉,၀၀၀ လွှတ်တယ်တို့၊ ၆,၀၀၀၊ လွှတ်တယ်တို့။ ဒါပေမယ်လို့ ၁၀၀ မပြည့်ဘူး။ အယောက် ၂၀ မပြည့်ဘူး ဆိုတာတွေ ဖြစ်နေတဲ့အခါကျတော့။

ထောင်ထဲမှာလည်း ဒီနေ့ကာလမှာ အလွန်အကျွံ အကြီးအကျယ် ဖမ်းခံရပါတယ်ဆိုတဲ့ ၁၉၈၈ အရေးတော်ပုံ နောက်ပိုင်းမှာ ဖြစ်တာတောင်မှ နိုင်ငံရေးအကျဉ်းသားဟာ ၁,၀၀၀ လောက်ရှိတာ။ ဒီနေ့ နိုင်ငံရေးအကျဉ်းသားက ၂,၀၀၀ ကျော်နေပြီဗျာ။ အဲဒီတော့ ဒေါ်စုနဲ့တကွ နိုင်ငံရေးအကျဉ်းသားများ လွှတ်ပေးရေးဆိုတာ ဒီနေ့အထိ ရှိနေတုန်းပဲဗျ။

အလားတူပဲ လွှတ်’ ဆိုတဲ့ဟာကလည်း ၁၉၉၀ ရွေးကောက်ပွဲကို ဒီနေ့အထိ ဒီအစိုးရက လေးစားခြင်း မရှိဘူး။ ပြည်သူက လွှဲအပ်လိုက်တဲ့ အာဏာနဲ့ကို အကောင်အထည်ဖော်ရမယ်ဆိုတဲ့ တာဝန်ကို အခုအထိ သူက ပျက်ကွက်နေတုန်းပဲဗျ။ ဒါကြောင့်မို့လို့ လွှတ်’ ဆိုတဲ့ လွှတ်တော်ခေါ်ယူကျင်းပရေး ဆိုတာဟာလည်း ဒီနေ့အထိ ရှင်သန်နေတုန်းပဲ။

နိုင်ငံရေးအရ တွေ့ဆုံဆွေးနွေးဖို့။ နိုင်ငံရေးကို နိုင်ငံရေးနည်းနဲ့ ဖြေရှင်းဖို့။ ဆိုတဲ့ ကျနော်တို့ရဲ့ တောင်းဆိုချက်တွေ၊ တိုင်းသူပြည်သားတွေရဲ့ တောင်းဆိုချက်တွေ၊ နိုင်ငံရေး အင်အားစုများရဲ့ တောင်းဆိုချက်တွေဟာလည်း ဒီနေ့အထိ ရှိနေတုန်းပဲဗျာ။

‘မကျိုးပဲ့ရေး တရားသုံးပါး’ ကရော ဒီနေ့အခြေအနေမှာ ဆက်ပြီး လုပ်ဆောင်သင့်တဲ့ အယူအဆလို့ ထင်ပါသလားခင်ဗျာ။

‘မကျိုးပဲ့ရေးသုံးပါး’ ဆိုတာ ကျနော်ထင်တယ် ထောင်ထဲတင် မဟုတ်ဘူးဗျ။ အပြင်မှာလည်း ဒါ အရေးကြီးနေတာပဲ။ ကိုယ့်ကျန်းမာရေး ကိုယ်ထိန်းရမယ်ဗျာ။ ကျနော်ဆို ၇၉ နှစ်ဗျာ။ သို့သော် ကျနော် ကျန်းမာတုန်းဗျ။ ဒီနေ့အထိ ဘတ်စ်ကား စီးတုန်းပဲဗျ။ နိုင်ငံရေးအကျဉ်းသားတွေ၊ နိုင်ငံရေးသမားတွေရဲ့ အိမ်တွေလည်း သွားတုန်း၊ နိုင်ငံရေး မုဆိုးမအိမ်တွေ သွားတုန်း၊ မကျန်းမာတဲ့ နိုင်ငံရေးသမားတွေဆီ သွားတုန်းပဲဗျ။ ကျနော့် ကျန်းမာရေး ထိန်းထားနိုင်တာကိုး။ စိတ်ဓာတ်လည်း မကျိုးပဲ့ဘူး။ လုပ်စရာရှိတာ လုပ်နေတာပဲ။

စုဖွဲ့မှုမကျိုးပဲ့အောင်ဆိုတာ ကျနော့်ရဲ့ နိုင်ငံရေးရဲဘော်တွေ၊ နိုင်ငံရေးလုပ်ဖော်ကိုင်ဘက်တွေ၊ ငါ့ပါတီရယ်လို့ တခုထဲနဲ့ ကျနော် သဘောမထားဘူးဗျ။ အခြား နိုင်ငံရေးအင်အားတွေ မှန်သမျှနဲ့လည်း စုဖွဲ့မှုမပျက်အောင် လုပ်နေတယ်။ ကျနော့်ပါတီထဲမှာလည်း လူငယ်တွေ ၁၀၀ ကျော်လောက် နုတ်ထွက်တယ်။ ကျနော်ကလည်း ပါတီကနေ ထုတ်မပစ်ပါနဲ့။ ဒီလူငယ်တွေရဲ့ အတွေ့အကြုံတွေ၊ စိတ်ဓာတ်တွေ၊ ဖြတ်သန်းမှုတွေကို အဆုံးရှုံးမခံနိုင်ဘူး။ စုဖွဲ့မှု မပျက်အောင် လုပ်နေတာပဲဗျ။

အဲဒါတွေဟာ ကျနော့်ရဲ့ ဘဝလမ်းညွှန်တွေလည်း ဖြစ်ပါတယ်။ ထောင်ထဲမှာတင် ကျင့်သုံးတာမဟုတ်ပါဘူး။ အပြင်မှာလည်း ကျင့်သုံးနေပါတယ်။ လူငယ်တွေ၊ မျိုးဆက်သစ်တွေဟာလည်း ဒီလိုစိတ်ဓာတ်မျိုးတွေ၊ ဒီလိုကျင့်သုံးမှုတွေ၊ ဒီလို အားထုတ်မှုမျိုးတွေ ဖြစ်စေချင်တာပဲဗျာ။

မတ်လ ၁၃ ရက်ကို မြန်မာနိုင်ငံ လူ့အခွင့်အရေးနေ့အဖြစ် သတ်မှတ်ကျင်းပနေကြပါတယ်။ မြန်မာနိုင်ငံရဲ့ လူ့အခွင့်အရေး အခြေအနေတွေပေါ်မှာ ထင်ဟပ်ပြီးတော့ ဘာများ သတင်းစကား ပြောချင်ပါသလဲခင်ဗျာ။

ကျနော်တို့ တိုင်းပြည်ဟာ လူ့အခွင့်အရေး ချိုးဖောက်မှုတွေဟာ အလွန်ဆိုးဆိုးဝါးဝါး ပေါ်ပေါက်နေတယ် ဆိုတာကို တိုင်းပြည်က သိစေချင်တယ်။ အရေးအကြီးဆုံး လက္ခဏာဟာ တိုင်းသူပြည်သားတွေရဲ့ လွတ်လပ်စွာ ကိုယ့်အစိုးရကို ကိုယ် ရွေးကောက်တင်မြှောက်နိုင်တယ်ဆိုတဲ့ လူ့အခွင့်အရေး။ ဒီအခွင့်အရေးကြီးကို ဒီစစ်အစိုးရ ချိုးဖောက်တာဟာ ၁၉၉၀ ပြည့်ကတည်းက ဒီနေ့အထိပါပဲလို့။ အဲဒါကို မမေ့ကြပါနဲ့။ တခြားခြားသော ချိုးဖောက်မှုတွေလည်း အများကြီးပဲ။ ထောင်ကျနေတယ်။ ဖမ်းတာခံနေရတယ်။ လွတ်လပ်စွာ လုပ်ကိုင်စားသောက်ခွင့် မရှိဘူး။ ဘုန်းကြီးတွေကို သတ်ဖြတ်နေတယ်။

မြန်မာနိုင်ငံမှာ ဘယ်သူ့ကိုမေးမေး တနည်းမဟုတ်တနည်း လူ့အခွင့်အရေး ချိုးဖောက်ခံနေကြရတယ်။ ဒီချိုးဖောက်မှု ပြင်းထန်တိုင်း ကြောက်ရမှာလား။ လူတွေ မကြောက်ကြပါနဲ့၊ ငုံ့ခံလည်းမနေပါနဲ့၊ မကြောက်တရားကို မွေးပြီးတော့ ဒီလူ့အခွင့်အရေး ချိုးဖောက်မှုတွေကို ပျက်ပြားသွားအောင်လို့ တုံ့ပြန်ကြပါ၊ ဆန့်ကျင်ကြပါ၊ ထုတ်ဖော်ပြောကြပါ လို့ပြောချင်ပါတယ်။

အဲဒီလို လုပ်တဲ့နေရာမှာ ငါ့သဘောနဲ့ငါ လုပ်ကြမယ် ဆိုတာနဲ့ မဖြစ်ပါဘူး။ အားလုံး စုပေါင်းပြီးလုပ်မှ လူ့အခွင့်အရေး ချိုးဖောက်မှုဆိုတာကို ကာကွယ်လို့ရတယ်၊ ဆန့်ကျင်လို့ရတယ်၊ တွန်းလှန်ဖယ်ရှားလို့ရတယ်။ ပြုပြင်ပြောင်းလဲလို့ ရတယ်လို့ ကျနော် ပြောချင်တယ်နော်။ နိုင်ငံရေးပါတီများရဲ့ အလံတော်အောက်မှာ လာပြီးတွဲတာလည်း ဖြစ်နိုင်ပါတယ်။

လူ့အခွင့်အရေး ချိုးဖောက်မှုတွေကို အမြဲတမ်း ဆန့်ကျင်တွန်းလှန်နေတဲ့ အန်အယ်ဒီလို အဖွဲအစည်းမျိုး ရှိပါတယ်။ အဲဒီလိုမှမဟုတ်ရင်လည်း တိုင်းရင်းသား အဖွဲ့အစည်းတွေဆီမှာလည်း ရပါတယ်။ သို့မဟုတ်လည်း လူငယ် ကျောင်းသားများအနေနဲ့လည်း ၈၈ မျိုးဆက်ကျောင်းသား အဖွဲ့လိုဟာမျိုး၊ လူ့ဘောင်သစ် ကျောင်းသားအဖွဲ့လို ဟာမျိုးတွေ ရှိပါတယ်။ အလားတူပဲ အန်အယ်ဒီအောက်မှာ အမျိုးသမီးအဖွဲ့တွေလည်း ရှိပါတယ်။ အမျိုးသမီးများဟာ လူ့အခွင့်အရေး ချိုးဖောက်ခံရတာရှိရင် အန်အယ်ဒီ အမျိုးသမီးအဖွဲ့လိုဟာမျိုးနဲ့ ဆက်သွယ် ဆောင်ရွက်နိုင်ပါတယ်လို့ ကျနော် ပြောချင်ပါတယ်။

ဆက်လက်ဖတ်ရူ့ရန်

သူငယ်ချင်းမလေးရဲ့ မွန်မြတ်တဲ့စိတ်ဓါတ်

ဒီတည ဘာလုပ်ရမှန်းမသိ၊ ဘာတွေရေးရမှန်းမသိဖြစ်နေတယ်၊ ဘလောဂ်က ပိုစ်တွေလည်း ဟောင်းနေပြီး။ သူငယ်ချင်းတွေလည်း အသစ်ဖတ်ချင်ကြတယ်တဲ့။ ဒါနဲ့ ဘောလ်ပင်ကိုင်ပြီး အတွေးနယ်ချဲ့လိုက်တာဘယ် ရောက်သွားမှန်းမသိဖြစ်နေတယ်။ မဖြစ်ဘူးဆိုပြီး အတွေးတွေကိုပြန်စုရင်းနဲ့ ဒီအကြောင်းတွေကို စာရွက်ပေါ်မှာ ချရေးမိတော့တယ်။ ကဲ အသစ်ဖတ်ချင်တဲ့ သူငယ်ချင်းများ လာလည်ပြီး ဖတ်နိုင်ပါပြီးနော်...။

ဟိုတလောကပဲ ငယ်ငယ်လေးကတည်းက ကျောင်းအတူတူတက်ခဲ့တဲ့ ငယ်သူငယ်ချင်းတစ်ယောက်နဲ့ ဖုန်းထဲမှာ ပြန်ဆက်သွယ်မိတော့တယ်။ ကွဲကွာခဲ့တာလည်း ဆယ်နှစ်ကျော်နေပြီးလေ။ ဖုန်းထဲမှာပဲ အဆက်အသွယ် ရတယ်ဆို တော့ ငယ်ရုပ်အတိုင်းပဲ မြင်ယောင်မိတယ်၊ ဒါပေမယ့်သူမနဲ့စကားတွေပြောရင်း ဟိုမေးဒီမေးနဲ့ပေါ့။ ကွဲကွာခဲ့တဲ့သူငယ်ချင်းတွေအကြောင်းကို သိချင်လို့မေးလိုက်တော့ အများစုက တော့ တက္ကသိုလ်တက် နေကြတယ်တဲ့။ ကံကောင်းတဲ့လူရှိသလို ကံဆိုးလို့ ကျောင်းဆက်မတက်နိုင်တဲ့သူတွေ ရှိတယ်တဲ့၊ ဒါနဲ့ ဘယ်သူ တွေက ကျောင်းထွက်လိုက်တာလဲ၊ ဘာကြောင့်လဲပေါ့၊ သူမကလည်း အဓိကတော့ စီးပွားရေးမပြေလည်လို့ ကျောင်းထွက်ရတာပဲတဲ့။

ကြည်ကြည်အေး၊ မွန်မွန်၊ ငယ်ငယ်၊ ထားထားလှိုင်တို့ကတော့ ဥပဒေတို့ စီးပွားရေးတို့တက်နေကြတယ်တဲ့။ ကောင်းတဲ့ သတင်းတွေ ကြားရတော့ သူငယ်ချင်းတွေအတွက် ၀မ်းသာလွန်းလို့ မျက်ရည်ပါ မျက်ဝန်းအိမ်မှာ ပြည့်လျှံမိတော့တယ်။ ဒါနဲ့စကားတွေဆက်ပြောရင်း နင်ကော့ ဘာကျောင်း တက်နေလဲပေါ့။ သူမကျောင်းထွက် လိုက်ပြီးတဲ့၊ ယုံတောင်မယုံနိုင်ဘူး။ ဘာဖြစ်လို့လဲဆိုတော့ သူမကကျောင်းမှာဆိုရင် စာအတော်ဆုံး၊ နှစ်စဉ် နှစ်တိုင်း ပထမဆုရတယ်၊ ဆရာ။ဆရာမတွေကလည်း သူမကို ပိုပြီးချစ်ကြတယ်။ မယုံလို့ ဆက်မေးကြည့် တော့ သူမမိသားစု စားဝတ်နေရေးအဆင်မပြေလို့ ကျောင်းထွက်လိုက်တာတဲ့၊ သူမကျောင်းဆက်တက်ရင် သူမ ညီမလေးတို့။ မောင်လေးတို့ထဲက တစ်ယောက်ယောက် ကျောင်းထွက်ရမယ် တဲ့။ သူမက အမကြီးဆိုတော့ အနှစ်နာခံပြီး ကျောင်းထွက်ပေးလိုက်တယ်တဲ့၊ အော် ပညာရေးတော်တဲ့သူတစ်ယောက် ကျောင်းထွက်လိုက် တော့ စိတ်ထဲသူမကိုယ်စား စိတ်မကောင်းဖြစ်မိတယ်။

သူမ (၈) တန်းရောက်တဲ့အချိန်မှာ သူမမိသားစု စီးပွားရေးမကောင်းတော့ဘူးတဲ့၊ အဲ့ဒီအချိန်မှာ စီးပွားရေးမ ကောင်းတော့ သူမမိသားစု တော်တော် ဒုက္ခရောက်ရတယ်တဲ့၊ သူမကျောင်းထွက်တော့ ဆရာ။ဆရာမတွေက မထွက်ဖို့တားကြသေးတယ်။ သူမကလည်း မတတ်နိုင်တဲ့အဆုံး ဆရာတွေအားလုံးကို စာရေးချန်ထားပြီး သူမအဒေါ်ရှိတဲ့ မြ၀တီကို တက်လာတာတဲ့။ သူမအဒေါ်ရဲ့ အလုပ်ကို ၀ိုင်းကူလုပ်ရင်း မိသားစု စရိတ်ကို ထောက်ပံ့ရတာတဲ့၊ နှစ်နှစ် ကြာတော့ သူမမိသားစုအကုန်လုံး မြ၀တီကို ပြောင်းရွေ့လာကြတယ်။ လက်ဖက် ရည်ဆိုင်ထောင်ပြီး စီးပွားရေးအဆင်ပြေအောင် လုပ်နေရတာတယ်တဲ့။ အခုတော့ သိပ်တော့အဟုတ်ကြီး မဟုတ်ပေမယ့် သင့်သလောက်တော့ အဆင် ပြေပါတယ်လို့ပြောတယ်လေ။

ညီမအထွေးဆုံးကိုတော့ မြ၀တီကျောင်းမှာ ပညာဆက်လက်သင်ယူစေပြီး မောင်ဖြစ်သူတွေကိုတော့ မဲဆောက်မှာရှိတဲ့ အခမဲ့ပညာသင်ယူနိုင်တဲ့ကျောင်းကို ပို့ထားတယ်။ သူမရဲ့ မောင်။ ညီမတွေအားလုံးအခုဆိုရင် အထက်တန်းရောက် နေကြပြီးတဲ့၊ သူမမောင်နှမအားလုံးကျောင်းတက်ပြီး စာသင်တဲ့အချိန်မှာ သူမက လက်ဖက် ရည်ဆိုင်ထဲမှာ တနေကုန်ထိုင်နေရတယ်။ သူမပျော်လည်းပျော်တယ်။ ၀မ်းလည်းနည်းတယ်တဲ့။ ပျော်ရွင်တာ ကတော့ သူမောင်နှမတွေ ပညာဆက်လက်သင်ယူနေရလို့။ ၀မ်းနည်း တာကတော့ သူမောင်နှမ တွေစာတွေမေး ရင် သူမဖြေတတ်ဘူးတဲ့။ အဲ့ဒါသူဝမ်းနည်းတာလို့ ရင်ဖွင့်ပြခဲ့တယ်။ တခါတလေတော့ သူမောင် နှမတွေအားလုံး က အကြီးဆုံးဖြစ်ပြီး ဘာမှမတတ်ဘူး။ ဘာမှလည်းမတတ်ဘူးလို့ပြောကြတယ်၊ သူတို့ဘာကြောင့် သူတို့အမ ကျောင်း ထွက်လိုက်တာဆိုတာ သူတို့မသိဘူးတဲ့။ နှောင်သူတို့ပညာတတ်ကြီးတွေ ဖြစ်ခဲ့ရင်တောင် သူမကို ပြန်ကြည့်ကြတော့မှာ မဟုတ်ဘူးတဲ့။

သြော်သူငယ်ချင်းရယ်..နင့်ဘ၀ကို ငါကိုယ်ချင်းလည်းစာတယ်။ ၀မ်းလည်းနည်းတယ်၊ နင့်ရဲ့ဖြူစင်မြင့်မြတ်တဲ့ စိတ်ဓါတ်ကိုလည်း လေးစားပါတယ်၊ တခါက နင့်ဆီဖုန်းဆက်တော့ နင့်မရှိလို့ နင့်ကိုယ်စား နင့်အမေဖုန်းလာကိုင်တော့ ကျမရဲ့ သူငယ်ချင်းကို ကျောင်း ဆက်မထားတော့ဘူးလားလို့ နောက်လိုက်တော့ ကျောင်းဆက်မထားနိုင် ဘူးတဲ့။ မိသားစုစားဝတ်နေရေးအဆင်ပြေလည်တော့ အကြီး တစ်ယောက်တော့ ကျောင်းထွက်မှ ရမယ်။ ကျောင်းဆက်ထားရင်လည်း ထမင်းငတ်ကြမယ်တဲ့။ သူငယ်ချင်းရယ် နင့်ရဲ့ဖြူစင်တဲ့ မေတ္တာ စေတနာတွေနဲ့ နင့်ရဲ့ မိသားစုကို လုပ်ကျွေးတာ မွန်မြတ်တယ်၊ ၀မ်းလည်းသာပါတယ်။ တကယ့်တော့ ဘ၀ဆိုတာ အမြဲတမ်းချော့မွေ့နေတဲ့ ပန်းအိပ်ရာခင်းမှမဟုတ်တာ။ ဘ၀ဆိုတာ အမြဲတမ်း ရုန်းကုန်နေရတဲ့ ဆူးခရောင်းလမ်း လို့ ပြောရင် မမှားပါဘူးလေ။

ဦးနှောက်ထဲမှာပေါ်လာတဲ့ စာသားတွေကို ချရေးပြီးတော့ စိတ်ထဲမှာ တခုခုပေါ့သွားသလိုခံစား၇တယ်၊ ဘာဖြစ်လို့လဲဆိုတော့ ပိုစ်အသစ် တွေဖတ်ချင်တဲ့ သူငယ်ချင်းတွေကိုလည်း အားနာတာလည်း မနည်းတော့ဘူး။ ဒီတခါတော့ အကြွေးဆပ်လိုက်တယ်နော်၊ ကဲဘယ်လို့လဲ ဖတ်ရတာအဆင်ပြေလား။ လာဖတ်တဲ့ သူငယ်ချင်းတွေ အားလုံးကိုလည်း ကျေးဇူးတင်တယ်နော်။ အချိန်ကုန်ခံပြီး ငပျင်းမလေး (ယုန်ကလေး) ဘလော့ဂ်ကို လာလည်တဲ့ အတွက် အထူးပဲကျေးဇူးတင်ပါတယ်ရှင်..........။

ယုန်ကလေး

ဆက်လက်ဖတ်ရူ့ရန်